“Bir daşla doqquz quş” layihəsində bu dəfə suallara yazıçı Dilqəm Əhməd cavab verir.

-Niyə varsan?

- Tanrı “ol” dedi, olduq.

-Niyə yox olacaqsan?

- Tanrı “yox” deyəcək, yox olacağıq.

-Niyə yazırsan?

- 850 il sonra da xatırlanmaq üçün.

- Yaşamaq nədir?

- Mübarizə və daha hörmətli ölmək.

- Ölüm nədir?

- Daha yaza bilməmək.

- Ədalət nədir?

- “Özündən öncə xidmət etmək” anlayışını qəbul etmək.

- Azadlıq nədir?

- Faktiki azadlıq Doktor Pereyranın yaşamı qədərdir bu dünyada.

- Yaradıcılıq nədir?

- Yox olmamaq.

- İnsan kimdir?

- Tanrının varlığının isbatı.

Tural İsmayılov,
MANERA.AZ