Prezident İlham Əliyev Qarabağ Universitetinə rektor təyin edib.

MANERA.AZ xəbər verir ki, dövlət başçısının Sərəncamına əsasən, Şahin Vaqif oğlu Bayramov Qarabağ Universitetinin rektoru təyin edilib.

Şahin Bayramov 1979-cu il 4 iyul tarixində Mingəçevir şəhərində anadan olub.

2012-ci ildə “Avropa İttifaqının Qonşuluq Siyasəti və Azərbaycanın iqtisadi məkanına inteqrasiyası problemləri” mövzusunda dissertasiyanı müdafiə edərək iqtisad üzrə fəlsəfə doktoru elmi dərəcəsini alıb.

2019-cu ildən Mingəçevir Dövlət Universitetinin rektoru vəzifəsində çalışırdı.

Xatırladaq ki, Qarabağ Universiteti Azərbaycan Prezidentinin 28 noyabr 2023-cü il tarixli sərəncamı ilə yaradılıb. Universitet 2024-2025-ci tədris ilindən fəaliyyətə başlayacaq. Ali təhsil ocağında ilkin mərhələdə 1 200 tələbənin təhsil alması nəzərdə tutulur.