Man Bu gün Bakıda "Anar" şadlıq sarayında "Avrasya Şairləri Antologiyası"nın Bakı görüşü keçirilib.

Tədbirdə Bakıya qonaq qismində dəvət olunan Türk dünyasının bir çox ölkələrindən jurnalistlər, şairlər, o cümlədən kitabda yer alan müəlliflər iştirak edib.

Şair Qəşəm Nəcəfzadə və Nuranə Nurun aparıcılığı ilə baş tutan tədbirdə tanınmış qələm sahibləri çıxış edərək, "Avrasya Şairləri Antologiyası" kitabında dərc olunan müəllifləri təbrik edib, tədbirin Bakı görüşünü təşkil edənlərə (Raifə Sərxanqızı, Qabil Ədalət, İlqar Türkoğlu, Nəcibə İlkin və.s) minnətdarlıqlarını bildirmişlər.

P.S. Tədbirdə səslənən musiqi proqramının 19 mayda Bakının Binəqədi rayonundakı binada baş verən yanğın nəticəsində faciəvi surətdə vəfat edən 15 nəfər soydaşımızın narahat ruhuna hörmətsizlik əlaməti olduğunu qeyd edən bir qrup gənc yazar çıxış edərək təşkilatçıları və hüzn günlərində qol qaldırıb rəqs edənləri əsaslı şəkildə qınamış, onların ölkəmizdə baş verən ümumi faciəmizə qarşı belə soyuqqanlı olduqları üçün təəssüf hissi keçirdiklərini bildirmiş və etiraz əlaməti olaraq məclisi tərk etmişlər.
Qeyd edək ki, gənclərin çıxışından sonra bir neçə şair və jurnalist də tədbiri tərk edib.


Tədbirdən geniş reportajı təqdim edirik









Manera.azБесплатные шаблоны для 10.5Forex Портал для чайников