"Ulduz” jurnalının baş redaktoru, şair Qulu Ağsəsin şeirlər kitabı ingilis dilində çap olunub.

Bu barədə Qulu Ağsəsin MANERA.AZ-a verdiyi məlumata görə, "Dawn” (Dan yeri) adlanan kitabı ingiliscəyə tanınmış tərcüməçi Kamran Nəzirli çevirib.

Kitabın "Ön söz”ünün müəllifi də Kamran Nəzirlidir.

Kitaba şairin yeni şeirləri daxil edilib. Kitab "Mütərcim” nəşriyyatı tərəfindən "Contemporary Azerbaijani Poetry" ("Müasir Azərbaycan şeiri”) seriyasına daxildir.

Qeyd edək ki, Qulu Ağsəsin şeirləri indiyədək türk, rus, özbək, gürcü, ukrayna, polyak dillərinə tərcümə edilib. "Sənsən hər yer", "Külək poçtdu", "Nabran novellası" və "Nöqtələr" kitablarının müəllifidir.