manera.az
manera.az

Arzu Hüseyn: Ürəyimdə şirin-şirin xəyallar

Arzu Hüseyn: Ürəyimdə şirin-şirin xəyallar
MANERA.AZ Arzu Hüseynin şeirlərini təqdim edir:

***
Yadımdaydı o baharın istisi
Nəfəs almaq zaman qədər dar idi
Otağımda siqaretin tüstüsü
Eh…yoxluğun necə də aşkar idi.

Pəncərəmdə neçə ayın toz qatı
Şüşələrin gözü görmür küçəni
Yaşayırdım bu zəhrimar həyatı
Qədəh qədəh bitirərək gecəni

Yazıb cırıb tulladığım vərəqlər
Döşəmədə tör töküntü zir zibil
O güzgüdən mənə baxan adamı
Biri qəsdən öldürürdü elə bil.

Biri qəsdən yox edirdi günbəgün
Ümüdləri əl üzmüşdü duadan
Dağılırdı, tökülürdü büs bütün
Yıxılırdı öz içindən bu adam.

Yadımdaydı qərarsız addımların
Hər sözünün arxasında bir nida
Topladığın çantaların bir də ki,
Gözündəki iki damla əlvida

Ah dalınca necə çaxdı göy üzü
Səpələndi küçəmizə yağışlar
Getmə dedim ay günəşim gündüzüm
Titrəyərək pıçıldadın bağışla

Ah yağışlar izlərinə toxundu,
Qara bülüd toran etdi gündüzü.
Ah o səhər necə qəlbim sıxıldı,
Ah dalınca necə çaxdı göy üzü…


***
Anlaşa bilmədik nə sən, nə də mən,
Bəs niyə ürəyim yanan ocaqdır?
Əlvida ayrılıq deyil, Birdənəm,
Ayrılıq əslində darıxmamaqdır.

Mən sənə nə deyim o yol, o da sən.
İntizar yolunun üzü gecədir.
Əlvida ayrılıq deyil, Birdənəm,
Ayrılıq ümüdlər can verincədir.

Demirəm bu eşqin önündə əyil,
Sevgi qəfəs deyil, azad olmaqdır.
Ayrılıq həsrətdən boğulmaq deyil,
Ayrılıq onsuzda nəfəs almaqdır.

İndi əllərinin təsəllisi nə?
Özgə dodaqların dadı necədir?
Əlvida ayrılıq deyil, Birdənəm
Ayrılıq inadın tükənincədir…

Xəyal elə mənimlə

Sahil boyu qovmamış külək bizi,
gəl isidək əlimizi günəşdə…
Quş edəydi yaradan gərək bizi,
çevirəydik yönümüzü günəşə…

Yay da bitir, yenə xəzəl, yenə qəm.
Son yarpağı qoparacaq yel hələ…
Mən çovğuna, borana da dözərəm
bircə baxıb gözlərimə gül hələ…

Bəlkə gülsən unudular dünənlər!
Zülmətlərə yem olmaram birdə mən!
Həyatıma əli odlu gələnlər,
ürəyimi kül eyləməz, birdənəm!

Ah… nə gözəl açılıbdır sübh bu gün!
Saçlarında çəmənlərin gülləri…
Sən ən gözəl mücəvhərsən mənimçün,
boyunbağım əllərindir əllərin.

İlk saralan yarpaq idi son bahar,
isti idi dəniz hələ, qum hələ.
Ürəyimdə şirin-şirin xəyallar,
sinəm üstə gözlərini yum hələ…
Xəyal elə, xəyal elə mənimlə…


***
Axırda sən qaldın mənə,
Gözlərimi zillədiyim
Yola baxan pəncərə.
Bu ərköyün payızın,
Ən ərköyün yalqızı,
Ən kədərli adamı
Elə mənmişəm demə.
Million kərə silmişəm
Göz yaşımı pərdənə,
Yola baxan pəncərə…


***
Bir dəmli çay içmədik axşam üstü
Bir ağac altında
Bir süfrə açmadıq ikimizə
qarnımızın ac vaxtında
Sahil boyu gəzmədik əl ələ
Atılmadıq dalğaların qucağına
Oyanmadıq bərabər
zamanın sübh çağında.
Öpüşmədik dəli kimi qapının ağzında
Küçənin tinində
Öpüşmədik, bir əlim saçında,
bir əlim belində
Siqaretim düşmədi ağzımdan səni görəndə
O bəyaz donunda saçlarını geri atıb
mənə​ tərəf gələndə,
Başqasını sevirdim, başqasını....Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2020    »
 123456
78910111213
14151617181920
21222324252627
282930