Şair,dərd eyləmə qocalır hamı... - Səməd Vurğuna cavab
Şeir Səməd Vurğunun "Şair,nə tez qocaldın sən!" şeirinə nəzirə.
Şair,dərd eyləmə qocalır hamı
Gözlərim güzgüdə baxdı üzümə
Bənizim gözümə qəribə dəydi,
Birazda təəccüblü gəldi özümə
Zaman beləmi tez qəddimi əydi.
İstədim zamandan soram haqqımı,
Şair,dərd eyləmə qocalır hamı.
Şairin qələmi əlində olsa,
Bacarmaz onunla heç vaxtı zaman
Taqətdən düşərək biçarə olsa,
Həm cismən,həm ruhən qocalar yaman.
Zaman keçdikcə də gəlmir ilhamı,
Şair,dərd eyləmə qocalır hamı.
Geci var,tezi var qocalacaqsan,
Şeir yazmağa da qalmaz taqətin
Xəyalınla da sən tək qalacaqsan,
Aləmə də yayılacaq şöhrətin.
Şairə gələcək ölümün tamı,
Şair,dərd eyləmə qocalır hamı.
Fərman Qasım