manera.az
manera.az

Həyat ağacından düşən yarpağıq - Şeirlər

Həyat ağacından düşən yarpağıq - Şeirlər
Manera.az gənc yazar Əyyub Xəyalın şeirlərini təqdim edir:

YALNIZLARIN SIRASI

Qapını bağla,get,qayıtma daha
Qəlbimi qapının arasında qoy
Varlığın ucuzdur,yoxluğun baha
Bizi yalnızların sırasında qoy

Güzgünün önünda kölgən dayansın
Saçlarımdan itsin əlinin izi
Üzümə baxmağa gözün utansın
Ayrılaq burdaca, öldürək bizi

Məni üzməyəcək sənin gedişin
Bəlkə də ,üzümü güldürüb keçər
Yalnızlıqdır peşən, getməkdir işin
Gedişin sadecə öldürüb keçər

Soyuyub baxışın, üşüdür məni
Ürəyim gözündən nəm çəkir yenə
Mən ölümlə əvəz edərəm səni
Kimlər məni əvəz edəcək sənə?

Dolanar beynimdə gözündəki çən
Həsrətin öldürər bir neçə kərə
Canım çıxsa sənsiz darıxmaram mən
Darıxar daş-divar, bəlkə pəncərə

Getmə dayan ,yalan deyirəm inan
Getsən yuxularım qalacaq oyaq
Əsəbin küləyi əsdi bircə an
Qürurum yerimə danışdı bayaq

Ayın gözlərində ulduz yatacaq
Sənsiz döyünməyən ürək olacam
Günəş Qərbdən çıxıb Şərqdən batacaq
Cənnətdən qovulmuş mələk olacam

ÖZÜNƏ YAD

Bəşəriyyət elə yaranaydı kaş
Özünə kənardan baxa biləydi
Hər dəfə ömürdən bezəndə insan
Qəlbini çıxardıb taxa biləydi

Ürəyi yerindən çıxardan zaman
Durula ,dincələ insanın başı
Yenə sinəsinə taxanda qəlbi
Pozula dönməyə köhnə yaddaşı

Dünyaya yenicə göz açmış kimi
Həyatın şimşəyi içində çaxa
Gözünü tərsinə çevirə insan
Özünü tanıya, içinə baxa

Gözlər böyüdükcə dünya kiçilər
Fikirlər beyinə sığışmaz daha
Sonsuz kainata sığışan adam
Özü-öz içinə sığışmaz daha

Üstündən-başından dünya yıxılar
Yıxılan dünyanı yerdə əzməyə
Yüksələ həyatın ən zirvəsinə
Ayaqla düşünə başla gəzməyə

Ruhumu özümə yaxın bilmədim
Özümdən dandığım cox sirlərim var
Elə yaradıb ki, məni yaradan
Dünyaya böyüyəm, özüməsə dar

BƏLKƏ

Çoxdan özümüzü ölmüş bilmişəm
İndi dirilməyin adı nədir ki?
Hələ dadmamışıq,dadın bilmirik
Ölüb dirilməyin dadı nədir ki?

Bəlkə doğulmadıq,insan deyilik
Həyat ağacından düşən yarpağıq
Ətdən-sümüklərdən ibarət olan
Nəfəs alıb verən canlı torpağıq

Bəlkə yaradanın yazıb-pozduğu
Dünya tarixinin yazı daşıyıq
Göylərdən gəlib yerə çatmayan
Ağlayan mələyin gözün yaşıyıq

Allah nəfəsindən ruh veribdirsə
Demək 'yox 'içində bir çoxluğuq biz
Bizim gözümüzə görünməz olan
Yoxluqdan var olan bir yoxluğuq biz!

Bəlkə Allahın heç demədiyi
Əsla yazılmamiş Quran sözüyük
Ulu Tanrımızın Dünyanı görən
Gözə görünməyən haqqın gözüyük
Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2021    »
 123
45678910
11121314151617
18192021222324
25262728293031