manera.az
manera.az

Həyat yoldaşıma da “qızım” deyirəm - Müsahibə

Həyat yoldaşıma da “qızım” deyirəm - Müsahibə


Manera.az Türkiyənin fenomen televiziya aparıcısı və şoumeni Okan Bayülgenin qısa müsahibəsinin tərcüməsini təqdim edir.

- Ad seçəsi olsaz, özünüzə hansı adı seçərdiz?

- Ad seçməzdim hərhalda. Ad yerinə simvoldan istifadə edərdim. Ad bir müddət sonra insanı izah etmir. Simvollar daha gözəldir.

- Ən sevdiyiniz söz?

- “Qızım”. “Qızım” deməyi sevirəm. Həyat yoldaşıma da “qızım” deyirəm bəzən. Deyəsən, çox atayam...

- Ən nifrət etdiyiniz söz?

- “Dürüstlüyüm”. Ən çox dürüst olduğum üçün üzülürəm. O qədər yaxşı insanam ki...

- Sizi nə həyəcanlandırır?

- İntim.

- Həyəcanınızı nə öldürür?

- Yenə intim.

- Türkiyədə yaşamağın ən çətin tərəfi nədir?

- Haraya aid olduğunu bilməmək.

- Türkiyədə yaşamağın ən zövqverici tərəfi nədir?

- Aaa... İnsanlar. İnsanlar ən gözəl tərəfidir, onlar olduğu üçün buradayıq. O insanlar ölsə, ya da buranı tərk etsə, yəqin, biz də yaşaya bilmərik.

- Hansı peşədə olmaq istəməzsiz?

- Televiziya.

- Okan Bayülgen olmasaydınız, kim olardız?

- Okan Bayülgen.

- Harada yaşamaq istəyərsiz?

- Daha gözəl, daha xoşbəxt bir şəhərdə. Rahat yeriyə bildiyim, insanlarla rahat salamlaşdığım, insanların oğurluq etmədiyi, bir-birini öldürmədiyi bir şəhərdə. Amma elə bir şəhər yoxdur deyəsən.

- Sizə ən çox zövq verən pis xüsusiyyətiniz nədir?

- Siqaret çəkmək.

- Qəhrəmanınız kimdir?

- Əslində... “Mister No”. Amma söyləməyə utanıram.

- Sizə ən çox təsir edən roman yaxud film qəhrəmanı hansıdır?

- Andre Jidin itən qısa romanlarından olan “İzabel”də gənc bir oğlan obrazı var. Mən o paraqrafı oxuyanda həmin oğlanla söhbət edirəm, amma adını xatırlaya bilmirəm.

- Həyat fəlsəfəniz?

- Varlığa inanıram. İnsanın özünü seçdiyinə, özünü inşa etdiyinə... Necə şəhərlər qurursa, özünü də qurur insan.

- Xoşbəxtlik röyanız nədir?

- Qızım və xanımımla bir azdan yeyəcəyim yemək. Yəni, süfrənin başına keçmək və onlarla bir yerdə olmaq.

- Bədbəxtliyin tərifi nədir?

- Başqaları.

- Tək bir arzunuz həyata keçəsi olsaydı, nə arzulayardız?

- Heç ölməmək.

- Necə ölmək istəyirsiz?

- Sevişərək.

- İndiki ruh halınız?

- Sıxılıram.

Tural İsmayılov
MANERA.AZ
Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2021    »
1234567
891011121314
15161718192021
22232425262728
2930