Əynimizdə bombalar var... -ŞEİR
MANERA.AZ Rüzgar Mövsümün şeirini təqdim edir:
***
Bölünmüşük millətlərə,
Din uğrunda savaşırıq.
Sevməyə ürək qalmayıb,
Ürəklərimiz qırıq-qırıq.
Əsir olduq nifrətlə kinə.
İnsanlığımız qəfəsdədi.
Allahlarçun vuruşuruq.
Dünyaysa son nəfəsdədi.
Allah bizim içimizdə,
biz Allahçun axtarışda.
Kimin Allahı daha güclü
Gündüz gecə biz yarışda.
Biz səni tapmadıq, Allah,
Nə olar, bizi bağışla.
Xəyalları basdırdıq biz,
Düşüncələr getdikcə dar.
Sənə görə vuruşuruq.
Əynimizdə bombalar var...