Pikassonun əsəri ilk dəfə hərraca çıxarılacaq

“Sotheby's” hərrac evi İspan rəssamı Pablo Pikassonun (1881-1973) "Uzanmış çılpaq" tablosunu mayın 17-də Nyu-Yorkda hərraca çıxaracaq.
MANERA.AZ TASS agentliyinə istinadla xəbər verir ki, hərrac evinin ekspertləri tablonun ən azı 60 milyon dollara satılacağını gözləyir.
“Pablo Pikassonun bu vaxtadək hərraca çıxarılmayan “Uzanmış çılpaq” əsəri rəssamın 1932-ci ildə yaratdığı ən heyrətamiz əsərlərindən biri sayılır.
Sürrealizmin fantastik obrazlarından və sevgilisinə olan ehtirasından ilhamlanan Pikassonun bu tablosu rəngarəng ştrixlər və ifadəli plastika ilə zəngindir”, - deyə “Sotheby's” hərrac evində bildirilib.