Azərbaycan Respublikasının millətlərarası, multikulturalizm və dini məsələlər üzrə Dövlət müşavirliyi xidməti Azərbaycan multikulturalizminin öyrənilməsi və təbliği məqsədilə təşkil etdiyi silsilə tədbirlərdən növbətisi Azərbaycan Respublikası Prezidenti yanında Dövlət İdarəçilik Akademiyasında gerçəkləşdirilib.

MANERA.AZ xəbər verir ki, tədbirdə Dövlət İdarəçilik Akademiyasının müəllim və tələbə kollektivi, Azərbaycanda yaşayan azsaylı xalqların mədəniyyət mərkəzlərinin rəhbərləri və nümayəndələri iştirak edib.

Tədbiri giriş sözü ilə Akademiyanın rektoru, akademik Urxan Ələkbərov açaraq, Millətlərarası, multikulturalizm və dini məsələlər üzrə Dövlət müşaviri, akademik Kamal Abdullayevi, qonaqları və digər tədbir iştirakçılarını salamlayıb, tədbirin işinə uğurlar arzulayıb.

Dövlət müşaviri Kamal Abdullayev tədbir iştirakçıları qarşısında “Ulu Öndər Heydər Əliyev Azərbaycan multikulturalizminin siyasi banisidir” mövzusunda məruzə ilə çıxış edib.

MANERA.AZ