***
Yenə payız səhəri,
açılar sillə kimi.
Yenə xatırlayarsan,
və nələri, və kimi...

Yenə köhnə yuxular
bitməyən, uzun-uzun...
Eşidərsən səsini,
o sarı avtobusun...

Bir də aparmaz səni,
bir də gətirməz səni.
Min yol fikrindən keçər,
bir dəfə görməz səni...

Daha bütün fəsillər
payıza bənzər indi.
Nə olsun dörd fəsil var,
payızdır hər yer indi...

...sonra dodaqlarının
qəfil əriyər buzu:
"Harda görə bilərəm
o sarı avtobusu?..

Mətləb AĞA