Orxan Bahadırsoyun eyni adlı romanı əsasında səhnələşdirilmiş “Suriyalı” tamaşası oktyabr ayının 2-i və 3-ü, saat 19:00-da, Oda teatrında oynanılacaq.
Tamaşa Suriyadakı vətəndaş müharibəsindən, terrordan əziyyət çəkən və Türkiyədə qaçqın həyatı yaşayan suriyalıların taleyindən bəhs edəcək.

İstanbulun gecə klublarında oriental rəqs edən suriyalı homoseksual gəncin həyatı, onun dili ilə müharibənin təsviri və şərq coğrafiyasındakı homofobiyanın amansız fəsadları – bütün bunlar “Suriyalı” tamaşasında öz əksini tapacaq.

Qeyd edək ki, tamaşanın müəllifi Orxan Bahadırsoy, rejissoru Elmin Bədəlov və Orxan Bahadırsoydur.

Tamaşada obrazlardan birini teatrın rəhbəri Elmin Bədəlov, suriyalı homoseksual gəncin obrazını isə müəllif Orxan Bahadırsoy özü canlandırır.