Manera.azaz

Manera.az Yusif Nazim Ərəbsoyun şeirlərini təqdim edir:

Alqış

Məsum-məsum baxan qızı
nəfəs-nəfəs ölümə yaxınlaşdırır
həyat...
Bax, budur onun amansızlığı.
Gözəlliyi seyr edən gözü
kirpiklər alqışlayırlar.

Tanış səs

Bu gecə, hardasa
kimsə tənhadır.
Ona görə belə səssizlikdir.
Amma, yox,
göz yaşlarının şırıltısı
saf insanların qulaqlarına tanış səsdir.

Bəlkə

Rəssam, fırçanı götür,
Bir xatirə, xəyal çək.
Ölənləri misal çək,
Bəlkə, bir az yaşadıq!

MANERA.AZ