Filologiya üzrə elmlər doktoru Nailə Səmədovanın “Məmmədəli Sidqinin arxivinin təsviri” kitabı çapdan çıxıb.

Azərbaycan Milli Elmlər Akademiyasının Məhəmməd Füzuli adına Əlyazmalar İnstitutundan verilən xəbərə görə, kitabda görkəmli maarifçi-pedaqoq Məmmədəli Sidqinin institutda saxlanan şəxsi arxiv materialları barədə məlumat verilir.

Qeyd edək ki, M.Sidqinin şəxsi arxivində cəmi 265 saxlama vahidi altında 800-ə qədər material vardır. Bunlar M.Sidqinin hekayə, pyes, məqalə və xatirələrinin avtoqraf nüsxələri, tərcümeyi-hal sənədləri, müxtəlif şəxslərin ona yazdığı məktublar, Məmməd Tağı Sidqiyə aid sənədlər, fotoşəkillər, çap kitabları və s. daxildir.

Kitabın redaktoru filologiya üzrə fəlsəfə doktoru Mehri Məmmədovadır.