Sentyabrın 11-də Türkiyə Orta Doğu Texniki Universiteti Sosiologiya kafedrasının professoru Ayşegül Aydıngünün başçılıq etdiyi bir qrup alim Bakı Beynəlxalq Multikulturalizm Mərkəzinin(BBMM) qonağı olub.

Bakı Beynəlxalq Multikultualizm Mərkəzinin Mətbuat xidmətindən MANERA.AZ-a verilən məlumata görə, qonaqları Mərkəzin icraçı direktoru, professor Azad Məmmədov salamlayıb və onlara BBMM-in fəaliyyəti, həyata keçirdiyi layihələr barədə ətraflı məlumat verib. Qonaqlara Mərkəzin bir çox xarici ölkələrdə, o cümlədən bu ildənTürkiyənin universitetində də tədris ediləcək “Azərbaycan Multikulturalizmi” fənni barədə məlumat verilib.

Görüşdə Türkiyə Orta Doğu Texniki Universiteti Sosiologiya kafedrasından Serhat Keskin və Aytaç Yılmaz, Avrasiya Tədqiqatları Mərkəzindən Aslan Yavuz Şir, Özge Nur Öğütcü, Hazel Çağan və Mərkəzin əməkdaşları Vidadi Rzayev Hikmət Babayev və Rəşad İlyasov iştirak ediblər.

Müzakirələrdə Azərbaycan multikulturalizmi mövzusu və bu fənnin ODTÜ-də tədrisi, qarşılıqlı əməkdaşlığa dair fikir mübadiləsi aparılıb. Görüşün sonunda xatirə şəkili çəkilib.