“Sabahın alimləri” VII Respublika Müsabiqəsinin nəticələrinə əsasən, Bakı Şəhəri üzrə Təhsil İdarəsinin tabeliyindəki 238 nömrəli tam orta məktəbin şagirdi Məhəmməd Hacıyev ekologiya və ətraf mühitin idarə olunması üzrə ən yaxşı layihə müəllifi seçilib.

Qalib məktəblimizə diplom, medal və pul mükafatı təqdim olunub.

Məhəmməd Hacıyev bu ilin may ayında ABŞ-da keçiriləcək İntel ISEF-Beynəlxalq Elm və Mühəndislik Sərgisində “İnnovativ Külək Turbinləri” layihəsi ilə iştirak edəcək.

Qeyd edək ki, “Sabahın alimləri” VII Respublika Müsabiqəsinin keçirilməsində əsas məqsədi yuxarı sinif şagirdlərinə öz elmi nailiyyətlərini nümayiş etdirmək imkanı yaratmaq və onların arasından ABŞ-da hər il keçirilən Intel ISEF – Intel Beynəlxalq Elm və Mühəndislik Sərgisində iştirak edəcək namizədləri müəyyənləşdirməkdən ibarətdir.