manera.az
manera.az

“İlin ən yaxşı kitabxanası” seçildi

“İlin ən yaxşı kitabxanası” seçildi
Dekabrın 15-də Sabirabad rayonu Heydər Əliyev Mərkəzində "İlin ən yaxşı kitabxanası" müsabiqəsi qaliblərinin mükafatlandırılma mərasimi keçirilib.

MANERA.AZ xəbər verir ki, qurumun sektor müdiri Lətifə Məmmədova müsabiqə haqqında məlumatda deyib ki, kitabxanalar arasında müsabiqənin təşkili məhz vətəndaşların səyyar qəbulu zamanı qaldırılan məsələlərdən biri kimi həyata keçirilib. Nazirlik tərəfindən bu tipli müsabiqələr "Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı"nın icrası müddətində davamlı olaraq keçirilib. Bu ənənə yenidən bərpa olunub.

Vurğulanıb ki, builki müsabiqə əsasən kitabxanalarda yeni iş üsullarının və innovativ layihələrin reallaşdırılması, kitabxanaçıların yaradıcı potensialının inkişaf etdirilməsi məqsədilə təşkil edilib. Müsabiqə Mədəniyyət və Turizm Nazirliyinin tabeliyində fəaliyyət göstərən şəhər (rayon) mərkəzləşdirilmiş kitabxana sistemləri (MKS) arasında "İlin ən yaxşı mərkəzi kitabxanası”, "İlin ən yaxşı uşaq şöbəsi" və "İlin ən yaxşı kitabxana filialı" nominasiyaları üzrə keçirilib.

Mərasimdə çıxış edən mədəniyyət və turizm naziri Əbülfəs Qarayev qalibləri təbrik edib. Qeyd edib ki, kitabxana sisteminin daha da inkişaf etdirilməsi, müasir texnologiyalardan istifadənin artırılması günün tələbidir.

Nazir kitabxanalara oxucuların marağının artırılması istiqamətində həyata keçirilən işlərin daha da sürətləndirilməsinin vacibliyini vurğulayıb.

Sonra qaliblərə mükafatlar təqdim edilib. "İlin ən yaxşı mərkəzi kitabxanası" nominasiyasında Astara rayon Mərkəzi kitabxanası, "İlin ən yaxşı uşaq şöbəsi" üzrə Füzuli rayon Mərkəzi kitabxanasının uşaq şöbəsi və "İlin ən yaxşı kitabxana filialı" nominasiyasında isə Quba rayon MKS-nin Amsar kənd kitabxana filialı qalib olub.Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2021    »
 123
45678910
11121314151617
18192021222324
25262728293031