Bakı Slavyan Universitetinin (BSU) rektoru, professor Asif Hacıyev Litva Edukoloji Universitetinin filologiya fakültəsinin dekan müavini, dosent Linas Selmistraitisi qəbul edib.

MANERA.AZ-ın məlumatına görə, görüş zamanı Asif Hacıyev qonağa BSU-da həyata keçirilən beynəlxalq layihələr, xarici universitetlərlə bağlanmış müqavilələr barədə məlumat verib.

Bildirilib ki, Avropa Komissiyası tərəfindən maliyyələşdirilən Erasmus Mundus proqramı çərçivəsində BSU-ya dünyanın bir çox nüfuzlu ali təhsil müəssisələrindən müəllimlər gəlir. Rektor eyni zamanda Erasmus Mundus proqramı çərçivəsində həyata keçirilən uğurlu layihələrdən də söz açıb.

Erasmus Mundus proqramına əsasən Bakı Slavyan Universitetinə gələn Linas Selmistraitis BSU-nun ingilis filologiyasında təhsil alan tələbə və magistrantlara silsilə mühazirələr oxuyacağını vurğulayıb.

Universitetlə əməkdaşlıq etməkdən məmnun olduğunu deyən L. Selmistraitis BSU-nun fəaliyyətini yüksək qiymətləndirib.