Özbəkistanın Xalq şairi Camal Kamal 85 yaşında dünyasını dəyişib.

MANERA.AZ xəbər verir ki, bu barədə Özbəkistandakı Heydər Əliyev adına Azərbaycan Mədəniyyət Mərkəzindən bildirilib.

Camal Kamalın əsas xidmətlərindən biri Müqəddəs “Qurani-Kərim”i özbək dilinə tərcümə etməsidir. Tanınmış şair dahi Nizami Gəncəvinin “Xəmsə”sini özbək dilinə tərcüməsini başlamış, 2021-ci il “Nizami İli” çərçivəsində onun bu tərcümə əsəri yekunlaşmışdır. Bununla da ilk dəfə olaraq dahi Nizami Gəncəvinin bütün əsərləri özbək oxucularına öz ana dillərində təqdim edilib.

Özbəkistanın Xalq şairi Camal Kamalın bu xidmətləri Azərbaycan dövləti tərəfindən yüksək qiymətləndirilib. O, Azərbaycanın mədəniyyət naziri Anar Kərimovun əmri ilə "Nizami Gəncəvinin 880 illiyi” xatirə nişanı ilə təltif edilib.

Şair bir sıra Azərbaycan şairlərinin - Məhəmməd Füzuli, Xəlil Rza, Bəxtiyar Vahabzadənin əsərlərini də özbək dilinə çevirib.

Allah rəhmət eləsin.