Hüseyn Ərəblinski adına Sumqayıt Dövlət Dram Teatrında premyerası uğurla keçən “Toy olsun” (İsi Məlikzadə, Süleyman Ələsgərov) musiqili komediyası tamaşaçıların istəyi nəzərə alınaraq,iyulun 4-də Səməd Vurğun adına Azərbaycan Dövlət Rus Dram Teatrında nümayiş olunacaq.


Komik situasiyalarla zəngin məişət komediyasında baş rolları Azərbaycan səhnəsinin gülüş ustası Respublikanın xalq artisti "Şöhrət" ordenli sənətkar Afaq Bəşirqızı və xalq artisti Valeh Kərimov ifa edirlər.Tamaşada digər rolları əməkdar artistlər İzaməddin Bağırov, Növrəstə Həşimova, İlahə Səfərova, Cəlal Məmmədov, aktyorlar Sədaqət Nuriyeva, Oktay Mehdiyev, Akif Mirzəyev yer alıblar. Qeyd edək ki, tamaşanın quruluşçu rejissoru əməkdar artist Firudin Məhərrəmov, quruluşçu rəssamı Nizami Dadaşovdur.