Milli Mətbuatın 150 illik yubileyi və Mətbuat Günü münasibətilə 21 iyul 2025-ci il tarixində Goranboy rayonunun "Yeni Yol kənd Tarix-diyarşünaslıq evi"ndə Azərbaycan Yazıçılar Birliyinin üzvü və "Həqiqət meridianlarında" qəzetinin baş redaktoru yazıçı, şair, publisist Ələsgər Əlioğlu ilə görüş keçirilib.

MANERA.AZ xəbər verir ki, tədbiri Diyarşünaslıq evinin müdiri Fatma Hacıyeva açaraq görüşün mahiyyəti barədə geniş məlumat verib.

Daha sonra kəndin qocaman müəllimi Qiymət Hacıyeva çıxış edərək mətbuat tariximizdən, milli mətbuatın rolundan danışıb. O, həmçinin Ələsgər Əlioğlunun həyat və yaradıcılığından məruzə edib.

Sonda Ələsgər Əlioğlu tədbirin təşkilatçılarına təşəkkürünü bildirib və oxuculara yeni kitablarını təqdim edib.