manera.az
manera.az

Yad eyləsəm gər ol gül ilən vəsl çağların - Qəzəllər

Yad eyləsəm gər ol gül ilən vəsl çağların - Qəzəllər
MANERA.AZ "Azərbaycan qəzəli" layihəsində Seyyid Əsrinin qəzəllərini təqdim edir:

***
Könlümdə açdığın yaranı dağlamazmısan
Öz xanənin məgər qapısın bağlamazmısan

Sən ağladıqda mən ölərəm görsəm ey gözüm
Mən öldüyümdə​ sən görəsən ağlamazmısan

Ey çeşmimiz çirağı bizi ağladıb dəxi
Nuru sönük çirağımızı yağlamazmısan

Yad eyləsəm gər ol gül ilən vəsl çağların
Ey qanlı yaş​ yaz seli tək çağlamazmısan

Əsri bu misrə` ilə mənim bağla beytimi
Öz xanənin məgər qapısın bağlamazmısan


***
Ey aşina nədən belə biganələşmisən
Əğyar birlə olmaya həmxanələşmisən

Cingildəmiş qulağlərim ğeybətim qırıb
Xəlvət rəqiblərləmi peymanələşmisən

Məcnunəm adəm içrə səni şe'r şişəmə
Sallam görərsən ey pəri əfsanələşmisən

Çox rənclər bəhasinə​ bir gənci ey könül
Qoynunda saxladın deyə viranələşmisən

Rəhmət yağışı tək ​ o qədəmdən düşən türab
Əhli-nəzər gözümdə nə dürdanələşmisən

Ey çərx​ yaxşı bax mənə​ son dönməz aşiqəm
Ahım çirağı dövrünə pərvanələşmisən

Zəncirə vurmur it yerinə qoymayır neçün
Əsri o burmatel səni divanələşmisən


***
O iz məzarim o başmağ məzar daşım ola
Həyat əhli verər can məzardaşım ola

Yolunda can-baş ilən hazirəm nisar ü fəda
Bu canım ol izə ol başmağa bu başım ola

Məhəbbət içrə riyadən gərək desəm sovuşum
Həbib ilən sevişim gah gəh savaşım ola

O odlu güzgü önündə gümüş də sudu mənim
O yüzdən ah ki simab tək təlaşım ola

Kürəkdə qanlı qəmən sarı qalibim qıvıra
Olam qızıl üzüyün al əqiq qaşım ola

Günün sonu görəm ol xalı qarə mərdüm tək
Ki dövlət ulduzı qarə şahı məaşım ola

Fəqir Əsriyə kim bəng ü badə verməzlər​
Bəsimdi gər qatı ahimlə​ qanlı yaşım ola


***
O tifli bu qocanın həm olur görmək qucağində
Qurumuş bir ağacın olsa gər növbər budağində

Nədir mollabeçə bilməz ki müğbeççəylə oynaşmaq
Çıxır mehrab bətnindən qalır minbər qucağində

Xəyal eylər ki miskin şeyx açıbdır ehtiras ilən
Həman ol gənci ki gizlin bulub pozğun yatağində

Ətəkdən çırpdığın​ tozdan təbərrük ver gözə ey şəh
Qəra mərdüm qırıntıyçün gəzir süfrən qırağində

Çün ol cani qılıncından şəhadət şərbətin içdim​
Gözüm ey Xızr yoxdur ta əbəd dirlik bulağində

Könül qazması ilən köks dağin şur Fərhadi
Çapır ol çeşməni​ çəksin ki var şirin dodağində

Qılır Əsri pərişan aləmi kakül həvasiylə
Dəli ahin gərəkdir yaş zənciri əyağində


***
Aç yüzün də`viyi-hüsn et qızara ta güllər
Tök telin bir də həsəddən dağıla sünbüllər

Nalədə itləri ilə tək ötüşməkdə könül
Səsinə münsif olub səs verin ey bülbüllər

Can quşum tən qəfəsin bir nəfəs ah atəşinə​
Yandıra bilmədi başinə ələnsin küllər

Nə ağır uyquya getmiş oyadın meysatanı
Gəlmişik süftə edək biz ayağı yüngüllər

Qıvrılırsan gecələr Əsri ilanvurmuştək
Yoxsa qatmış yuxuna zəhr o qəra kaküllər

​MANERA.AZБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2021    »
 12
3456789
10111213141516
17181920212223
24252627282930
31