Xocalıda “Xocalı soyqırımı” muzeyinin yaradılması nəzərdə tutulur.

Manera.az xəbər verir ki, bu barədə dekabrın 11-də keçirilən Azərbaycan Milli Elmlər Akademiyası Rəyasət Heyətinin növbəti iclasında bildirilib.

Qeyd edilib ki, bu, AMEA tərəfindən hazırlanan Azərbaycanın işğaldan azad olunmuş ərazilərinə dair elmi tədqiqat işləri ilə bağlı Tədbirlər planında öz əksini tapıb.

Tədbirlər planına əsasən, Şuşada Milli Azərbaycan Tarixi Muzeyinin Qarabağ tarixi filialının açılması, Qarabağ Geoloji Fondu Muzeyinin yaradılması da nəzərdə tutulur.