Düşündürcü şeirləri və "0 dərəcə” kitabı ilə poeziya aləmində tanınan gənc şair Eminqueyin "Günəbaxan” şeirlər kitabının təqdimatı keçiriləcək.

Kitabın imza günü "Azərkitab”da fevralın 16-da, saat 15-də baş tutacaq.

Manera.az xəbər verir ki, şairin yeni səsləndirilmiş 3 şeiri ilk dəfə olaraq təqdimatda təqdim olunacaq.

Eminquey saytımıza açıqlamasında bildirib ki, təqdimatda həmçinin Yaqub İlyasovun rəhbərlik etdiyi "Nəfəs" musiqi qrupu da çıxış edəcək.

Qeyd edək ki, "Alatoran” nəşriyyatında işıq üzü görən kitab 200 nüsxə ilə nəşr edilib.