Yanvarın 26-da "Kitabevim.az" mağazasında yazar Elçin Aslangilin “Hz. İsanın Quranı” romanının təqdimat mərasimi keçirilib.

Manera.az xəbər verir ki, mərasimdə yazıçı-şairlər, tənqidçilər, oxucular və müəllifin dostları iştirak ediblər.

Mərasimdə çıxış edən tənqidçi Cavanşir Yusifli bildirib ki, E.Aslangilin şeirləri və bu romanı müəyyən məqamlarda səsləşir:

"Elçin gənc olsa da, çox cəsarətli bir addım atıb və fərqli bir əsər ortaya qoyub. Demək olar ki, ənənəvi roman tennikasından kənara çıxıb. Bu cəsarətinə görə onu alqışlamaq lazımdır".

Daha sonra çıxış edən digər iştirakçılar da Elçin Aslangilin şeir və nəsr əsərləri barədə fikirlərini bölüşüblər.

Onlar romanda şifrələrin, müəyyən kodların olduğunu bildiriblər.

Sonda müəllif oxucular üçün kitablarını imzalayıb.Бесплатные шаблоны для 10.5Forex Портал для чайников