Bu gün Bakı Yunus Əmrə İnstitutunda gənc şair Tural Turanın sayca üçüncü kitabı olan “Tanrı qağaya ismarış” adlı kitabının təqdimat mərasimi keçirilib.

Manera.az xəbər verir ki, tədbirdə ədəbi mühitin tanınmış simaları, mediya nümayəndələri və gənc qələm adamları iştirak edib.

Tədbir şair Emil Rasimoğlunun moderatorluğu ilə baş tutub. Tədbiri açıq elan edən E.Rasimoğlu Tural Turanın ədəbi yaradıcılığı haqda danışaraq yazarın yeni şeirlərdən ibarət “Tanrı qağaya ismarış”kitabından bəhs edib.
Sonra gənc yazarlar çıxış edib şairin ədəbi nümunələrinə münasibət bildirmiş, onun yeni kitabından şeirlərini səsləndirmişlər.

Tədbir müəllifin yeni kitabının imzalanma mərasimi ilə başa çatıb.

Yusif Qurbanlı

---

---