Aprelin 20-də Prezident İlham Əliyev "Kino Agentliyi" publik hüquqi şəxsin yaradılması haqqında sərəncam imzalayıb.

MANERA.AZ xəbər verir ki, yeni qurum Mədəniyyət Nazirliyinin tabeliyində yaradılır.

Agentlik ölkədə kino istehsalının dəstəklənməsi, təbliği, informasiya texnologiyalarının tətbiqi və milli kinonun beynəlxalq arenaya inteqrasiyası üzrə fəaliyyət göstərməlidir.

Yeni quruma sədr və onun iki müavini daxil olmaqla, ümümilikdə Müşahidə Şurası rəhbərlik edəcək. Onun fəaliyyətinə cari rəhbərliyi baş direktor həyata keçirəcək.

Agentliyin təsisçisinin səlahiyyətlərinin həyata keçirilməsi ölkə prezidentinə həvalə olunur.

Onun maliyyələşməsi dövlət büdcəsinin vəsaiti və qanunla qadağan edilməyən digər mənbələr hesabına həyata keçirilməlidir.