Bakı Beynəlxalq Multikulturalizm Mərkəzinin “Azərbaycan multikulturalizmi” fənninin xarici və yerli universitetlərdə tədrisi layihəsi çərçivəsində Portuqaliyanın Lissabon şəhərində Lusotona Humanitar və Texnologiya Universitetində fənnin ilk mühazirəsi keçirilib.

MANERA.AZ xəbər verir ki, ilk mühazirə interaktiv keçib,tələbələr tərəfindən Azərbaycan multikulturalizmi haqqında müxtəlif suallar verilib, maraqlı diskussiyalar aparılıb.

Lusotona Humanitar və Texnologiya Universitetində “Azərbaycan multikulturalizmi” fənni Maya Cəfərquliyeva tərəfindən tədris edilir. Dərsdə iştirak edənlər təcrübəli və savadlı tələbələrdir, bəziləri artıq elmlər namizədidir. Tələbələrin arasında dövlət məmurları, yəhudi icmasının təmsilçisi, arxitetktorlar ,hüquqşunas, dini təşkilatın rəhbəri,turizm sahəsində çalışanlar var.

Xatırladaq ki, BBMM-nin layihəsi çərçivəsində “Azərbaycan multikulturalizmi” fənni 11 xarici ölkə universitetlərində tədris edilir. Fənnin ötən ildən tədris edildiyi Bolqarıstanın Müqəddəs Kliment Oxridski adına Sofiya Universiteti, Gürcüstanın İvan Cavaxişvili adına Tbilisi Dövlət Universiteti, Rusiya Federasiyasının Ural Federal Universitetinin Yekaterinburq filialı, Litva Pedaqoji Universiteti, Çexiya Respublikasının Praqa Karlov Universiteti , İtaliyanın Roma Sapienza Universiteti və Belarus Dövlət Universitetinə bu ilki tədris ilindən daha 4 xarici ölkə universiteti - Portuqaliyanın Lusofona Humanitar və Texnologiya Universiteti, Ukraynanın Poltava İqtisadiyyat və Ticarət Universiteti, İsveçrənin Frayburq Universiteti və Türkiyənin Erciyez Universiteti də əlavə edilib.
Бесплатные шаблоны для 10.5Forex Портал для чайников