manera.az
manera.az

Görkəmli aktrisa Fatma Qədri anılıb/MANERA.AZ

Görkəmli aktrisa Fatma Qədri anılıb/MANERA.AZ


Akademik Milli Dram Teatrının kollektivi I Fəxri xiyabanda Azərbaycan SS xalq artisti Azərbaycanda ilk professional teatr təhsili görmüş görkəmli aktrisa Fatma Qədrinin məzarını ziyarət edib.

Anım mərasimində çıxış edən Akademik Milli Dram Teatrının bədii rəhbəri-direktoru, xalq artist Azər Paşa Nemət Fatma Qədrinin Azərbaycan teatrının inkişafındakı xidmətlərindən danışıb, onu səhnəmizin korifey sənətkarlarından biri kimi qiymətləndirib: “Azərbaycan teatr sənətinin inkişafında, səhnəmizin ifadə imkanlarının genişlənməyində Fatma xanımın çox böyük xidmətləri olub. Fatma Qədri bizim ailənin yaxın dostu olub, mən Fatma xanımı həmişə hörmət və ehtiramla xatırlamışam. Fatma Qədri Akademik Milli Dram Teatrının səhnəsində hər zaman baş rollarda çıxış edib, onun yaratdığı obrazlar tamaşaçılar tərəfindən böyük məhəbbətlə qarşılanıb”.

Görkəmli aktrisa Fatma Qədri anılıb/MANERA.AZ


Anım tədbirində xalq artistləri Rafiq Əzimov və Hacı İsmayılov Fatma Qədrinin həyat və yaradıcılığı haqqında məlumat verib, onun həyatındakı maraqlı hadisələri mərasim iştirakçıları ilə bölüşüblər.

Tədbir iştirakçıları daha sonra Fəxri xiyabanda dəfn olunan digər sənət xadimləri – Şövkət Məmmədova, Bəşir Səfəroğlu, Mustafa Mərdanov, Mirzağa Əliyev, Ələsgər Ələkbərov və digərlərinin məzarını ziyarət edib, abidələri üstünə gül dəstələri düzüblər.

Görkəmli aktrisa Fatma Qədri anılıb/MANERA.AZ


Tədbir Mədəniyyət və Turizm Nazirliyinin dəstəyi, Azərbaycan Teatr Xadimləri İttifaqı və Akademik Milli Dram Teatrının təşkilatçılığı ilə baş tutub.

Qeyd edək ki, Azərbaycan teatr səhnəsinin ilk peşəkar aktrisalarından olan F.Qədri 1907-ci ilin aprelin 14-də Odessa şəhərində doğulub. 1932-1935-ci illərdə Bakı Rus Dram Teatrının aktrisası olub, 1935-ci ildən Azərbaycan Milli Dram Teatrında işləyib.

Fatma Qədri 1968-ci ildə 60 yaşında Bakıda vəfat edib.

Görkəmli aktrisa Fatma Qədri anılıb/MANERA.AZ


Turan Etibaroğlu
Manera.az
Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2022    »
 12
3456789
10111213141516
17181920212223
24252627282930
31