Hamı sənə meyl edəcək... | MANERA.AZ

Elşad can Şamil

SİQARET KİMİ...

Siqaret kimi olacaqsan bu həyatda...
Yanacaqsan, yana-yana
səni yandıranı daha çox yandıracaqsan.
Zəhərləyəcəksən, amma şirin gələcək zəhərin...
Aludəçi olacaq səni sevən, ata bilməyəcək...
Yaşaya-yaşaya öləcək, dərhal ölməyəcək...
"Sağlamlığa ziyan" olacaqsan
Sağlamlar səni axtaracaq...
Üstündə "öldürər" yazılacaq amma
Yenədə keçilməz olacaqsan !!!
Zövq verəcəksən...

Siqaret kimi olacaqsan bu həyatda...
Hamı səni pisləyəcək...
Hamı sənə meyl edəcək...
Danışıldıqca çoxalacaqsan...
Çoxaldıqca paylaşılacaqsan...
Çəkərək çəkmə deyən qadağalarla,
İnkar olunduqca təsdiqlənəcəksən...
Bu tərəfdən nə qədər çox uzaqlaşsalar,
O tərəfdən bir o qədər yaxınlaşacaqlar...

Siqaret kimi olacaqsan bu həyatda...
Səni atmaq istəyən min bir yola əl atacaq...
Əziyyət çəkəcək...
Fikrə gedib bir də sənə əl atacaq...
Qoxun gələr gəlməz xatırlanacaqsan...
Ürək səni istəyəcək...
Сiyər səni istəyəcək...
Bədən səni istiyəcək...
Dost da səni istiyəcək...
Düşmən də...
Uşaqlıqdan böyüklüyə “körpü” olacaqsan...

Siqaret kimi olacaqsan bu həyatda...
Ən sanballı məclislərin havasına dolacaqsan...
Dildə-dodaqda olacaqsan...
Göz önündə qalacaqsan,
Və ya ciblərdə olacaqsan dəbdə olan pul kimi...
Amma bu dəfə puldan da üstün olacaq sənin hörmətin...
Pul olmayan yerdə sən olacaqsan...
Pula səni dəyişəcəklər...
Qidanı sənlə dəyişəcələr...
Gəzən məlumatlara görə aclığı da unutdurursan insana...
Dərdi də unutdurursan...
Dərmanı da...

Siqaret kimi olacaqsan bu həyatda...
Səni özlərinə sadiq yoldaş seçəcəklər...
Tək qaldığı vaxtlarını sənlə keçirəcəklər...
Səni rahat tanıma şansı vermiyəcəksən...
Əvvəl əvvəl acı olacaqsan...
Zəhər zəqqum olub ciyərlərini
gözlərini dolduracaqsan
Öskürdə öskürdə, incidə incidə
sevilməyin ləzzətini görəcəksən...
qohum əqraba hirslənsədə
Dostlar tanışlar məsləhət biləcək səni
səhiyyə nazirliyi pisləsə də
digər nazirlər canına çəkəcək səni...
Səni tanımayanlara sirli aləm kimi görünəcəksən...
Keçmişi addıyıb gəldiyin kimi...
Gələcəkdən qabaq gələcəksən...
Siqaret kimi olacaqsan bu həyatda...

MANERA.AZ