manera.az
manera.az

Bakıda İCESCO-nun regional ofisi yerləşəcək

Bakıda İCESCO-nun regional ofisi yerləşəcək
Mayın 20-də mədəniyyət naziri Anar Kərimov ölkəmizdə səfərdə olan İslam Dünyası Təhsil, Elm və Mədəniyyət Təşkilatı – İCESCO-nun Baş direktoru Salim bin Məhəmməd əl-Malik ilə görüşüb.

Nazir qonağı salamlayaraq Şuşada keçirilən "Postmünaqişə dövründə humanitar gündəliyin inkişafı: mədəni mühitin canlandırılması yolu ilə davamlı inkişaf” mövzusunda beynəlxalq konfransda iştirakına görə minnətdarlığını bildirib.

İCESCO-nun Baş direktoru Salim bin Məhəmməd əl-Malik də öz növbəsində dəvət üçün mədəniyyət nazirinə dərin təşəkkürünü bildirərək Azərbaycanla təşkilat arasında münasibətlərin davamlı olaraq inkişaf etdiyini, əlaqələrin yüksək səviyyədə olduğunu vurğulayıb.

Görüşdə İCESCO-nun İslam dünyasının birliyi və həmrəyliyinə verdiyi töhfələrin önəmi qeyd edilib. Anar Kərimov baş katibin tarixi Zəfərimizdən sonra Qarabağ ərazisinə növbəti səfərini yüksək dəyərləndirdiyini nəzərə çatdırıb. Həmçinin Şuşanın 2023-cü ildə “Türk Dünyasının Mədəniyyət Paytaxtı” elan edilməsinin tarixi hadisə olduğunu vurğulayıb.

Sonda Azərbaycan Respublikası Hökuməti ilə İCESCO arasında təşkilatın Bakı şəhərində regional ofisinin yerləşməsi haqqında saziş imzalanıb. Sənədi Azərbaycan Respublikası Hökuməti adından mədəniyyət naziri Anar Kərimov və İCESCO-nun Baş direktoru Salim bin Məhəmməd əl-Malik imzalayıblar.

İCESCO-nun regional ofisinin Bakı şəhərində yerləşdirilməsi təşkilatla üzv dövlətlər arasında əlaqələrin daha da dərinləşməsinə töhfə olmaqla yanaşı, qurum tərəfindən ölkəmizə göstərilən yüksək etimadın bariz nümunəsidir.

Qeyd edək ki, 1979-cu ildə yaradılan İCESCO-nun baş ofisi Mərakeşin paytaxtı Rabat şəhərində yerləşir.Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2022    »
 123
45678910
11121314151617
18192021222324
25262728293031