Türkiyə universitetlərinin 40 rektoru və ölkənin professor heyəti iyun ayının ilk günlərində Azərbaycana səfər edəcək.

MANERA.AZ xəbər verir ki, Türkiyə nümayəndə heyətinin Şuşa şəhərinə səfəri nəzərdə tutulub.

Məlumatı modern.az-a açıqlamasında Türkiyə-Azərbaycan parlamentlərarası dostluq qrupunun rəhbəri Şamil Ayrım təsdiqləyib.

“Nümayəndə heyətinə Türkiyə Böyük Millət Məclisinin (TBMM) məsul şəxsləri rəhbərlik edəcək. Nümayəndə heyətinin Bakıda görüşü olacaq. Daha sonra Şuşaya səfərin təşkil edilməsi gözlənilir”, - deputat Şamil Ayrım bildirib.