Türkiyədə İmadəddin Nəsiminin 650 illiyinə həsr olunmuş sikkə buraxılıb

Azərbaycan Respublikası Ankara səfirliyinin təşəbbüsü, Türkiyə Respublikası Xəzinə və Maliyyə Nazirliyinin Zərbxana və Damğa Mətbəəsinin təşəbbüsü ilə dahi Azərbaycan şairi və mütəfəkkiri İmadəddin Nəsiminin 650 illik yubileyi və “Nəsimi ili”nə həsr olunan bürünc sikkə xatirə pulu buraxıb. Xatirə pulunun ön tərəfində İmadəddin Nəsiminin şəkli, “İmadeddin Nesiminin Doğumunu 650. Yılı” yazısı, arxasında isə “Türkiye Cumhuriyeti 2,5 Lira” yazısı yer alıb.

Məlum olduğu kimi, prezident İlham Əliyevin müvafiq sərəncamı ilə dahi Azərbaycan şairi İmaməddin Nəsiminin 650 illik yubileyi nəzərə alınaraq, 2019-cu il “Nəsimi ili” elan edilib. Bu baxımdan Türkiyədəki səfirliyimiz də bir sıra tədbirlər keçirir. Ümumilikdə 5 min xatirə pulunun buraxılması nəzərdə tutulub. Kolleksiyaçılar bu pulları asanlıqla əldə edə bilərlər.

Məlumat üçün bildirə ki,Xatirə pulları 2021-ci ilin avqustuna qədər dövriyyədə olacaq.Ümumi dəyəri 2 lirə yarım (30 qəpik) olan sikkələri zərbxananın rəsmi saytından 40 lirəyə (11 AZN)almaq mümkündür.

MANERA.AZ