Anadolu Universitetinin Dövlət Konservatoriyasının dosenti, tanınmış violino ifaçısı Hüseyn Bülent Akdenizin iştirakı ilə Üzeyir Hacıbəyli adına Bakı Musiqi Akademiyasında (BMA) ustad dərsləri təşkil edilib.

Akademiyanın tələbələri üçün nəzərdə tutulmuş ustad dərslərində V.A.Mosartın “Konsert № 5”, P.İ.Çaykovskinin “Vals - Skerso”, İ.S.Baxın “2 nömrəli partita”dan Sarabanda və Jiqa əsərləri araşdırılaraq ifaçılıq xüsusiyyətləri və çətinlikləri haqqında müzakirələr aparılıb.