manera.az
manera.az

Markesin vida məktubu: Daha ölə bilərəm

5-04-2019, 20:17

Markesin vida məktubu: Daha ölə bilərəm
MANERA.AZ dünya şöhrətli yazıçı Qabriel Qarsiya Markesin "Son məktub" essesini təqdim edir:

Tanrı bir anlıq indiki vəziyyətimi – sanki bələyə bürünmüş körpə kimi olduğumu unudub, canıma can verə-verə məni mükafatlandırsa, ağlımdan keçən hər şeyi dilə gətirə bilməzdim, amma ən azı dilə gətirdiklərimi təfərrüatıyla ağlımdan keçirər və düşünərdim. Hər şeyin maddi tərəflərinə deyil, mənasına dəyər verərdim. Az yatar, az yuxu görər, gözümü yumduğum hər dəqiqədə 60 saniyə işıqdan məhrum olduğuma təəssüflənərdim. İnsan bu həyat eşqindən imtina etsə, qocalar. Başqaları dayananda yeriməyə davam edər, başqaları yatanda oyaq qalmağa çalışardım. Başqaları danışanda susub qulaq asar, şokoladlı dondurmanın dadından zövq alardım.

Əgər Tanrı mənə azca ömür versə, sadə geyinər, üzümü Günəşə sarı çevirər, yalnız vücuduma yox, ruhumu da bütün çılpaqlığıyla nəzər yetirərdim. Tanrım, əgər imkanım olsaydı, içimin bütün nifrətini buzun altında basdırıb, Günəşin çıxmasını gözləyərdim.

Göy üzünə Van Qoqun rəsmlərini çəkər, Benedettinin şeirlərini söyləyər, serenadalar oxuyardım. Göz yaşlarımla gülləri sulayar, vücuduma batan tikanların ağrısını hiss eləyə-eləyə, dodaq qırmızısına oxşayan tac yarpaqlarını öpmək istərdim.

Tanrım, bir qurtumluq həyatım olsaydı... Elə gün olmazdı ki, qarşılaşdığım bütün insanlara sevgimi bildirməyim. Bütün qadın və kişiləri ən sevdiyim insanlar olduqlarına bir-bir inandırardım. Özüm də sevgi içində yaşayardım. Kişilərə qocalanda sevgidən imtina etməklərinin nə qədər səhv hərəkət olduğunu başa salardım. Çünki insan eşqsiz qalan andan qocalır. Uşaqlara qanad verər, uçmağı isə özlərinin öyrənmələrinə şərait yaradardım. Ahıllara ölümün qocalıq yox, unutqanlıqla bağlı bir xəstəlik olduğunu izah edərdim.

Ey insanlar, sizlərdən çox şeylər öyrəndim. Sən demə, yeni doğulan körpə atasının barmağını sıxanda, əslində, onu əbədi qandallayıb özünə məhkum edirmiş.

Sizlərdən çox şey öyrəndim. Amma bu öyrəndiklərim daha nəyəsə yaramayacaq. Çünki hamısını bir çantaya yığıb qıfılladım.

Daha ölə bilərəm.

MANERA.AZБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031