manera.az
manera.az

Azərbaycan-Moldova ədəbi əlaqələrində mühüm yenilik

10-11-2017, 13:13

Azərbaycan-Moldova ədəbi əlaqələrində mühüm yenilik
Azərbaycan Yazıçılar Birliyi Bədii Tərcümə və Ədəbi Əlaqələr Mərkəzinin daha bir yaradıcı layihəsi uğurlu nəticələr verib.

Bugünlərdə Mərkəzin qısa müddətdə ərsəyə gələn iki yeni nəşri işıq üzü görüb. Bu kitablarda müasir Moldova ədəbiyyatında seçkin imzalardan olan iki ədibin Azərbaycan dilinə çevrilmiş əsərləri dərc edilib.

Görkəmli Moldova şairi Arkadie Suçevyanunun “Qağayı ilə göndərilən məktub” adlanan 112 səhifəlik bu şeirlər toplusu bilinqva (ikidilli) nəşrdir. Şeirləri dilimizə Səlim Babullaoğlu və Qismət çeviriblər. Tərcümələr İ.Pilkinin, A.Brodskinin və R.Olşevskinin sətri çevirmələri əsasında hazırlanıb. “Mütərcim” nəşriyyatında çap edilən kitabda müəllif haqqında dolğun bioqrafik məlumat verilib.

Digər nəşrdə isə ünlü Moldova yazıçısı İqor Volnitskinin “Mənə ölməyi öyrət” romanı yer alıb. Yerli və rusdilli ədəbi mühitdə geniş əks-səda doğurmuş romanı Azərbaycan dilinə Azad Yaşar tərcümə edib. 224 səhifəlik bu kitab “Parlaq imzalar” nəşriyyatı ilə birgə seriya üzrə çap olunub. Nəşrin önsözündə A.Suçevyanunun İ.Volnitski və onun bu romanı haqqında yüksək rəyi öz ifadəsini tapıb. Kitabda müəllifin bioqrafiyasına dair ətraflı məlumat da var.

Hər iki kitabın redaktoru Seyfəddin Hüseynlidir.

Nəşrlər Moldova Azərbaycanlıları Konqresinin dəstəyilə, “Bakıda Moldova kitabı günləri” çərçivəsində hazırlanıb. Azərbaycan Respublikası Mədəniyyət və Turizm Nazirliyi ilə Bədii Tərcümə və Ədəbi Əlaqələr Mərkəzinin dəstəklədiyi “Bakıda Moldova kitabı günləri” gələn il yanvarın son ongünlüyünə nəzərdə tutulur.

Mərkəzin sədri şair Səlim Babullaoğlu bu yeni nəşrləri Azərbaycan-Moldova ədəbi əlaqələri baxımından vacib addım kimi dəyərləndirərək deyib: “Belə bir önəmli işə fəal dəstək verdiyi üçün Moldova Azərbaycanlıları Konqresinin rəhbəri Vüqar Novruzova minnətdaram”. O, Moldova ədiblərindən A.Suçevyanu və İ.Volnitskinin əsərlərinin Azərbaycan oxucusunda, xüsusən, ədəbi mühitimizdə maraq doğuracağına ümid etdiyini bildirib.

Azərbaycan-Moldova ədəbi əlaqələrində mühüm yenilikБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30