https://manera.az/ Manera.Az DataLife Engine https://manera.az/index.php?newsid=18531 https://manera.az/index.php?newsid=18531 ]]>
Türkiyə Siyasi və Strateji Araşdırmalar Vəqfinin (TÜRPAV) təşkilatçılığı ilə Ankarada Qarabağ Zəfərinin 6-cı ildönümünə həsr olunmuş “Qafqaz, Türküstan və Türk xarici siyasəti” mövzusunda panel keçirilib.

Noyabrın 7-də Milli Kitabxananın Konfrans Salonunda təşkil olunan tədbirdə Türkiyə və Azərbaycan arasındakı qardaşlıq münasibətləri, Qarabağ Zəfərinin regional və beynəlxalq əhəmiyyəti, Cənubi Qafqazda yaranan yeni geosiyasi reallıqlar və Türk dünyasının gələcək əməkdaşlıq perspektivləri müzakirə olunub.

Tədbirin açılışında Turan Sancağı Təşkilatının Ankara İl Başkanı İsa Fatih Arslan, Öz Türkistan Kültür Dərnəyinin sədri Abdürrahim Masumiyet və TÜRPAV-ın sədri Sinan Demirtürk çıxış ediblər.

Daha sonra Azərbaycanın Türkiyədəki səfirliyinin müşaviri Füzuli Məcidli çıxış edərək Qarabağ Zəfərinin tarixi və siyasi əhəmiyyətindən, Azərbaycan-Türkiyə münasibətlərinin strateji mahiyyətindən və Türk dünyasında birliyin gücləndirilməsinin vacibliyindən bəhs edib.

Paneldə TÜRPAV sədr müavini, strateq Dr. Mehmet Bozkuş, Karabük Universitetinin müəllimi Prof. Dr. Ali Asker və ehtiyatda olan general Dr. Yücel Karauz məruzələrlə çıxış ediblər.

Müzakirələr zamanı Azərbaycan və Türkiyə münasibətlərinin “Bir millət, iki dövlət” fəlsəfəsinə əsaslanan qardaşlıq və strateji tərəfdaşlıq ruhunda inkişafının əhəmiyyəti xüsusi vurğulanıb. İki ölkə arasında siyasi, diplomatik, mədəni və ictimai sahələrdə əməkdaşlığın gücləndirilməsi, ortaq tarixi və milli-mənəvi dəyərlərin Türk dünyasının birliyinə verdiyi töhfələr diqqətə çatdırılıb.

Paneldə, həmçinin Qarabağ Zəfərindən sonra Cənubi Qafqazda formalaşan yeni siyasi mənzərə, Türk dövlətləri arasında əməkdaşlığın genişləndirilməsi, regional təhlükəsizlik və Türkiyənin xarici siyasətinin əsas istiqamətləri ətrafında fikir mübadiləsi aparılıb.

Tədbir Qarabağ Zəfərinin altıncı ildönümü ərəfəsində Azərbaycan-Türkiyə qardaşlığının, ortaq tarixi və milli-mənəvi dəyərlərin, eləcə də Türk dünyasında həmrəyliyin əhəmiyyətinin bir daha vurğulanması baxımından diqqət çəkib.

Məhəmməd,
Manera.az ]]> Mehemmed Sat, 14 Nov 2026 21:39:17 +0000 https://manera.az/index.php?newsid=18530 https://manera.az/index.php?newsid=18530 ]]>
Türkiyənin İğdır şəhərində Azərbaycan və Türkiyə qardaşlığına həsr olunmuş möhtəşəm yürüş keçirilib.

İğdır Valiliyinin və Qars Baş Konsulluğunun iştirakı ilə təşkil olunan yürüşdə 4 mindən çox insan Azərbaycan və Türkiyə bayraqları ilə küçələrə çıxaraq birlik və qardaşlıq nümayiş etdirib.

Yürüş Atatürk prospektindən, Zübeydə Xanım bulvarı və Heydər Əliyev parkının qarşısından başlayaraq Vali Yolu istiqamətində davam edib və həmin ərazinin sonunda başa çatıb.

Tədbir iştirakçıları əllərində dalğalandırdıqları iki ölkənin bayraqları ilə Azərbaycan və Türkiyə arasındakı dostluq və qardaşlıq münasibətlərinə diqqət çəkiblər.

Minlərlə insanın qatıldığı yürüş iki qardaş xalqın ortaq dəyərlərinin, tarixi bağlarının və həmrəyliyinin nümayişi kimi yadda qalıb.

Məhəmməd,
Manera.az ]]> Mehemmed Wed, 04 Nov 2026 23:35:55 +0000 https://manera.az/index.php?newsid=18529 https://manera.az/index.php?newsid=18529 ]]>
4 noyabr 2026-cı il tarixində Ankara Universitetinin Dil və Tarix-Coğrafiya fakültəsinin Muzaffer Göker salonunda Güney Azərbaycanın görkəmli alimi, tarixçi, dilçi və şairi Prof. Dr. Məhəmmədtağı Zehtabinin 103-cü doğum ildönümünə həsr olunmuş anım proqramı təşkil edilib.

“Varlıq” dərgisi və Ankara Universiteti Türkoloji Topluluğunun birgə təşkilatçılığı ilə keçirilən tədbirdə görkəmli alimin həyatı, elmi fəaliyyəti və Azərbaycan dilinin, milli-mədəni irsinin qorunmasına verdiyi töhfələr yad edilib.

Proqram çərçivəsində Məhəmmədtağı Zehtabinin həyatından bəhs edən sənədli film nümayiş olunub, alim və tədqiqatçıların iştirakı ilə panel keçirilib. Panelə Dr. M. Rza Heyət moderatorluq edib. Prof. Dr. Ali Qafqasyalı və Zehtabinin tələbələrindən Azər Ferruhi çıxış ediblər. Tədbir Araz Elsəsin musiqi təqdimatı ilə davam edib.

Anım proqramı Güney Azərbaycanın elm, dil və mədəniyyət tarixində mühüm iz qoymuş Məhəmmədtağı Zehtabinin zəngin irsinin tanıdılması və gələcək nəsillərə çatdırılması baxımından əhəmiyyət daşıyır.


]]> Mehemmed Wed, 04 Nov 2026 16:53:54 +0000 https://manera.az/index.php?newsid=18528 https://manera.az/index.php?newsid=18528 ]]>

Bu gün Azərbaycan Dövlət Pedaqoji Universitetinin (ADPU) Quba filialında 8 Noyabr – Zəfər Gününə həsr olunmuş “Zəfər salnaməsi: Müzəffər xalqın qüruru, qalib dövlətin əzəməti” mövzusunda tədbir keçirilib.

Tədbirdə filialın direktoru, professor Yusif Alıyev, şəhid ailələrinin üzvləri, qazilər, veteranlar, müəllim və tələbələr iştirak ediblər. Çıxışlarda Azərbaycanın tarixi Zəfəri, şəhidlərin qəhrəmanlığı və milli birliyin əhəmiyyəti vurğulanıb.

Tədbir çərçivəsində şəhid ailələrinə gül dəstələri təqdim olunub, qazilər fəxri fərmanlarla təltif edilib, kitab və rəsm sərgiləri nümayiş etdirilib.

Sonda iştirakçılar Vətən müharibəsi şəhidi Nuran Mirzəyevin adını daşıyan auditoriyanı ziyarət edərək onun xatirəsini ehtiramla yad ediblər.

]]> Mehemmed Wed, 04 Nov 2026 14:45:39 +0000 https://manera.az/index.php?newsid=18527 https://manera.az/index.php?newsid=18527 ]]>
Azərbaycanın 8 Noyabr – Zəfər Gününün 6-cı ildönümü münasibətilə Ankarada təntənəli qəbul təşkil edilib.

Manera.az xəbər verir ki, Azərbaycanın Türkiyədəki səfirliyinin təşkilatçılığı ilə Qazi Ordu Evində keçirilən tədbirdə Türkiyənin kənd təsərrüfatı naziri İbrahim Yumaklı, yüksək rütbəli hərbçilər, rəsmi şəxslər, elm adamları və ictimaiyyət nümayəndələri iştirak ediblər.

Azərbaycan və Türkiyənin Dövlət himnlərinin səsləndirilməsi ilə başlayan mərasimdə Qarabağ Zəfərinə həsr olunmuş qısametrajlı film nümayiş etdirilib.

Azərbaycanın Türkiyədəki səfiri Rəşad Aslanov çıxışında Qarabağ Zəfərinin ölkəmizin tarixində mühüm dönüş nöqtəsi olduğunu vurğulayıb. O, Azərbaycan və Türkiyə xalqlarının ortaq tarixi və qardaşlıq bağlarından danışıb.

Türkiyənin kənd təsərrüfatı və meşə naziri İbrahim Yumaklı isə Şuşa Bəyannaməsinin iki ölkə arasındakı münasibətləri müttəfiqlik səviyyəsinə yüksəltdiyini bildirib.

Nazir Türkiyə ilə Azərbaycan arasında əməkdaşlığın və qardaşlıq əlaqələrinin bütün sahələrdə daha da gücləndirilməsi istiqamətində səylərin davam etdiriləcəyini qeyd edib.

Məhəmməd,
Manera.az





]]> Mehemmed Wed, 04 Nov 2026 09:09:47 +0000 https://manera.az/index.php?newsid=18526 https://manera.az/index.php?newsid=18526 ]]>
AMEA-nın Nizami Gəncəvi adına Ədəbiyyat İnstitutunda görkəmli ictimai-siyasi xadim, general və şərqşünas Sadıq bəy Ağabəyzadənin 160 illiyinə həsr olunmuş kitab nəşr edilib.

Manera.az xəbər verir ki, “Sadıq bəy Ağabəyzadə general-şərqşünas” adlı nəşr institutun Dünya ədəbiyyatı və komparativistika şöbəsi tərəfindən hazırlanıb.

Kitabın elmi redaktoru AMEA-nın prezidenti, akademik İsa Həbibbəyli, ideya müəllifi və tərtibçisi isə filologiya elmləri doktoru, professor Gülər Abdullabəylidir.

152 səhifəlik topluda Azərbaycan Xalq Cümhuriyyətinin daxili işlər naziri və nazir müavini vəzifələrində çalışmış Sadıq bəy Ağabəyzadənin həyat və fəaliyyətinə dair elmi məqalələr, müxtəlif illərdə keçirilmiş konfransların materialları yer alıb.

Nəşrdə generalın hərbi-siyasi fəaliyyəti ilə yanaşı, Polşanın Lvov Universitetindəki elmi-pedaqoji fəaliyyəti də işıqlandırılıb. ]]> Mehemmed Wed, 04 Nov 2026 08:54:38 +0000 https://manera.az/index.php?newsid=18525 https://manera.az/index.php?newsid=18525 ]]>
Milli QHT Forumunda “Mirvarid Dilbazi Poeziya Məclisi” İctimai Birliyi və “Kəlağayı ev-muzeyi”nin birgə təşkilatçılığı ilə Azərbaycanın qədim milli-mədəni irsinin təbliğinə həsr olunmuş tədbir keçirilib.

Manera.az xəbər verir ki, tədbirdə İctimai Birliyin sədri, “Kəlağayı ev-muzeyi”nin direktoru, tədqiqatçı-yazıçı Güllü Eldar Tomarlı milli-mənəvi dəyərlərin qorunmasının və gələcək nəsillərə ötürülməsinin əhəmiyyətindən danışıb.

Mərasimdə müəllifin “Kəlağayı bayramı” və “Kəlağayı milli sərvətimizdir” kitabları təqdim olunub. Sonuncu nəşrin gürcü və rus dillərinə tərcümə edilmiş versiyaları da ictimaiyyətə təqdim edilib.

Çıxışlarda Azərbaycan kəlağayısının 2014-cü ildə UNESCO-nun Qeyri-Maddi Mədəni İrs üzrə Reprezentativ Siyahısına daxil edilməsinin əhəmiyyəti vurğulanıb.

Tədbir çərçivəsində qədim kəlağayılar və müasir sənətkarların əl işlərindən ibarət sərgi nümayiş etdirilib.

Bununla da 2026-cı il üzrə “Kəlağayı bayramı” silsilə tədbirlərinə rəsmi start verilib.

]]> Mehemmed Wed, 04 Nov 2026 08:51:36 +0000 https://manera.az/index.php?newsid=18524 https://manera.az/index.php?newsid=18524 ]]>
Türk dünyasının mühüm mədəniyyət tədbirlərindən biri olan VI “Qorqud Ata” Türk Dünyası Film Festivalının açılış mərasimi İstanbulda keçirilib.

Manera.az xəbər verir ki, mərasimdə TÜRKSOY-un Baş katibi Sultan Raev, türk dövlətlərinin mədəniyyət rəsmiləri və kino ictimaiyyətinin nümayəndələri iştirak ediblər.

Noyabrın 7-dək davam edəcək festivalda 10 ölkə və 10 muxtar respublikadan ümumilikdə 56 film nümayiş olunacaq.

Azərbaycan festivalın müsabiqə proqramında “Tağıyev: Məktəb”, “Azıx mağarası” və “Torpağı sanı yaşayasan” filmləri ilə təmsil olunur.

Müsabiqədənkənar proqramda isə “Bir cənub şəhərində” bədii filmi və “Bakı Türkoloji Qurultayı – 100” sənədli filmi nümayiş etdiriləcək.

Festivalda Azərbaycanı kino sahəsinin nümayəndələri və Kino Agentliyinin əməkdaşlarından ibarət 20 nəfərlik heyət təmsil edir.

Açılış mərasimi qırğız rejissor Kanıbek Kalmatovun “Aytmatov” filminin nümayişi ilə başa çatıb. ]]> Mehemmed Wed, 04 Nov 2026 08:44:59 +0000 https://manera.az/index.php?newsid=18523 https://manera.az/index.php?newsid=18523 ]]>
Beynəlxalq Münasibətlərin Təhlili və Multikulturalizm Mərkəzi (BMTMM) və Bakı Kitab Mərkəzinin birgə təşkilatçılığı ilə ABŞ Ordusunun ehtiyatda olan polkovniki Liam Kollinz və mayoru Con Spenserin müəllifi olduqları “Qarabağ uğrunda müharibə: Strategiya, texnologiya və qələbə” (The War for Karabakh: Strategy, Technology, and Victory) kitabının təqdimat mərasimi keçirilib.

Tədbirdə kitabın məzmunu və əsas ideyaları təqdim olunmaqla yanaşı, Azərbaycanın 44 günlük Vətən müharibəsində qazandığı Qələbənin hərbi-strateji xüsusiyyətləri, müasir müharibələrin xarakterinə təsiri və bu uğurun arxasında dayanan milli güc amilləri ətrafında geniş fikir mübadiləsi aparılıb.

Müzakirələrdə Vətən müharibəsinin müasir hərbi strategiya, texnoloji imkanlardan istifadə, əməliyyatların planlaşdırılması və hərbi idarəetmə baxımından əhəmiyyəti diqqət mərkəzində olub.

Kitab Azərbaycanın Vətən müharibəsində əldə etdiyi Qələbəyə hərbi-strateji və texnoloji aspektlərdən yanaşması, eləcə də Qarabağ müharibəsinin müasir hərb elmi kontekstində təhlili baxımından diqqət çəkir.

Təqdimat mərasimi Qarabağ müharibəsinin beynəlxalq hərbi ekspertiza müstəvisində öyrənilməsi və Azərbaycanın tarixi Qələbəsinin müxtəlif aspektlərinin elmi-analitik müzakirəsi baxımından əhəmiyyətli olub. ]]> Mehemmed Tue, 03 Nov 2026 16:34:07 +0000 https://manera.az/index.php?newsid=18522 https://manera.az/index.php?newsid=18522 ]]> Zəfər Günü ərəfəsində Azərbaycan Respublikası Mədəniyyət Nazirliyi və “Ədibin Evi”nin birgə təşkilatçılığı ilə keçirilən “Mənim Qəhrəmanım” adlı Milli Komiks Kitabı müsabiqəsinin qalibləri elan olunub.

“Azərbaycan Mədəniyyəti – 2040” Konsepsiyasının həyata keçirilməsi çərçivəsində təşkil edilən müsabiqənin əsas məqsədi 14-17 yaşlı gəncləri qrafik hekayəçilik vasitəsilə dövrümüzün yeni qəhrəman obrazını yaratmağa təşviq etmək olub.

Müsabiqəyə təqdim edilən 31 əsər münsiflər heyəti tərəfindən qiymətləndirilib və nəticədə üç qalib müəyyənləşdirilib.

Beləliklə, Azərbaycan Rəssamlıq Akademiyasının nəzdində İncəsənət Kollecinin 16 yaşlı tələbəsi Zəhra Məmmədova birinci yerə layiq görülüb. Bakı məktəbliləri arasında 14 yaşlı Xədicə Şirin Derdiyok ikinci, Amir Hüseynli isə üçüncü yeri tutub.

Müsabiqə gənclərin yaradıcılıq potensialının üzə çıxarılması, milli-mədəni dəyərlərin müasir qrafik hekayəçilik dili ilə ifadə olunması və yeni qəhrəman obrazlarının formalaşdırılması baxımından əhəmiyyət daşıyır.

]]> Mehemmed Tue, 03 Nov 2026 15:49:35 +0000