https://manera.az/ Türk dünyası - Manera.Az DataLife Engine https://manera.az/index.php?newsid=18312 https://manera.az/index.php?newsid=18312 ]]>

Türkiyənin Ankara şəhərində “Bir şəhər, iki baxış: Ziddiyyətlər və harmoniya” adlı beynəlxalq tələbə foto-müsabiqəsi çərçivəsində təşkil olunan sərginin açılışı və mükafatlandırma mərasimi keçirilib.

İyunun 12-də Ankara Musiqi və İncəsənət Universitetinin sərgi salonunda baş tutan tədbir Azərbaycan Respublikasının Türkiyədəki Səfirliyi nəzdindəki Azərbaycan Mədəniyyət Mərkəzi, Qazi Universiteti və Azərbaycan Memarlıq və İnşaat Universiteti tərəfindən təşkil olunub. Tədbirdə mədəniyyət və incəsənət xadimləri, dövlət qurumlarının nümayəndələri, mütəxəssislər, müəllimlər və tələbələr iştirak ediblər.

Tədbirdə Qazi Universitetinin Memarlıq fakültəsinin dekanı professor Ülkü Duman, Azərbaycan Mədəniyyət Mərkəzinin direktoru Samir Abbasov, Qazi Universitetinin Memarlıq fakültəsinin müəllimi professor Çiğdem Varol Özden və Azərbaycan Memarlıq və İnşaat Universitetinin Memarlıq fakültəsinin dekanı professor Zahidə Məmmədova çıxış ediblər.

Çıxışlarda vurğulanıb ki, minilliklər boyu müxtəlif mədəniyyətlərin qovuşduğu Azərbaycanda formalaşmış memarlıq irsi xalqımızın zəngin tarixini, mədəni müxtəlifliyini və estetik dünyagörüşünü əks etdirən əvəzsiz xəzinədir. Qeyd olunub ki, qədim yaşayış məskənlərindən orta əsr qalalarına, karvansaralardan saray və məscidlərə, eləcə də müasir memarlıq nümunələrinə qədər uzanan bu irs milli kimliyimizin canlı ifadəsidir.
Natiqlər müasir şəhərsalma ilə tarixi ənənələrin vəhdətini araşdıran gənclərin estetika və mədəniyyət arasında körpülər qurduğunu bildirərək, ali təhsil müəssisələri arasında əməkdaşlığın əhəmiyyətini xüsusi vurğulayıblar.

Daha sonra foto-sərginin açılışını simvolizə edən lent kəsilib, foto-müsabiqənin qaliblərinə mükafatlar təqdim olunub və sərgiyə baxış keçirilib.

Qeyd edək ki, layihə çərçivəsində Qazi Universitetinin Memarlıq fakültəsinin müəllim və tələbələri Azərbaycan Memarlıq və İnşaat Universitetinin eyni ixtisas üzrə təhsil alan tələbələri ilə birlikdə Bakıya səfər edərək şəhərin tarixi və mədəni mühiti ilə yaxından tanış olublar. Onlar yaradıcılıq məqsədilə müxtəlif fotoşəkillər çəkərək müsabiqəyə təqdim ediblər.






]]> Mehemmed Fri, 12 Jun 2026 16:09:09 +0000 https://manera.az/index.php?newsid=18306 https://manera.az/index.php?newsid=18306 ]]>
İyunun 9-da Türkiyənin Qazi Universitetində Bakıda keçiriləcək 7-ci Dünya Mədəniyyətlərarası Dialoq Forumunun təqdimatı və panel müzakirəsi təşkil olunub.

Manera.az xəbər verir ki, Azərbaycan Respublikasının Türkiyədəki Səfirliyinin nəzdindəki Azərbaycan Mədəniyyət Mərkəzi və Qazi Universitetinin birgə təşəbbüsü ilə baş tutan tədbirdə diplomatlar, mədəniyyət xadimləri, tanınmış ziyalılar, ictimaiyyət nümayəndələri, müəllimlər və tələbələr iştirak ediblər.

Tədbiri giriş nitqi ilə açan Qazi Universitetinin rektor müşaviri professor Selami Candan Anadolu və Azərbaycanda müxtəlif sivilizasiyalara, din və inanclara mənsub insanların əsrlər boyu qarşılıqlı anlaşma şəraitində yaşadıqlarını vurğulayaraq, multikulturalizm ənənələrinin xalqların mənəvi zənginləşməsində mühüm rol oynadığını qeyd edib. Professor Selami Candan bildirib ki, forumun əsas mövzusu olan “Ortaq gələcək naminə dialoq: parçalanmış dünyada körpülərin qurulması” müasir dövrün çağırışlarına cavab verən geniş strateji baxışı əks etdirir.

Tədbir çərçivəsində əvvəlcə “Heydər Əliyev və Azərbaycan mədəniyyəti” adlı videoçarx nümayiş etdirilib.

Daha sonra panel müzakirələri keçirilib. Paneldə Azərbaycan Mədəniyyət Mərkəzinin direktoru Samir Abbasov, Qazi Universitetinin Türk Dünyası Araşdırmaları Mərkəzinin müdiri professor Büent Aksoy, Türkiyə Strateji və Siyasi Araşdırmalar Vəqfinin (TÜRPAV) başqanı doçen Sinan Dəmirtürk çıxış edərək, “Azərbaycanın mədəniyyətlərarası dialoqa töhfələri” və “Bakı Prosesi”nin əhəmiyyəti barədə iştirakçılara ətraflı məlumat veriblər.
Çıxışlarda multikulturalizm sahəsində beynəlxalq təcrübə, Türkiyə və Azərbaycandakı tolerantlıq ənənələri, Azərbaycanın təşəbbüsü ilə yaradılmış əməkdaşlıq və dialoq platformaları müzakirə olunub.

Panelin moderatoru Qazi Universitetinin müəllimi doktor Şəhla İbişova olub.

Müzakirələr zamanı mədəniyyətlərarası dialoq, multikulturalizm, tolerantlıq, sülh mədəniyyəti və gənclərin qlobal əməkdaşlığın inkişafındakı rolu kimi mövzular ətrafında fikir mübadiləsi aparılıb.

Tədbirin sonunda panel iştirakçılarının iştirakı ilə sual-cavab sessiyası təşkil olunub.

Qeyd edək ki, Oktyabrın 27-dən 29-dək Bakıda keçiriləcək VII Ümumdünya Mədəniyyətlərarası Dialoq Forumu Azərbaycan Respublikası Mədəniyyət Nazirliyi, UNESCO, BMT-nin Sivilizasiyalar Alyansı (UNAOC), İslam Dünyası Təhsil, Elm və Mədəniyyət Təşkilatı (ICESCO) və BMT-nin Ümumdünya Turizm Təşkilatının (UN Touirsm) birgə tərəfdaşlığı ilə təşkil olunacaq.








]]> Mehemmed Wed, 10 Jun 2026 09:19:46 +0000 https://manera.az/index.php?newsid=18284 https://manera.az/index.php?newsid=18284 ]]>

Türkiyənin Gümüşhane Universitetində “GÜNİFEST Bahar Şənlikləri” keçirilib.

Müxtəlif mədəniyyətləri bir araya gətirən tədbirdə ölkəmizin zəngin mədəniyyətini, qardaşlıq ruhunu, milli mətbəxini tanıtmaq məqsədilə təşkil edilən “Azərbaycan stendi” maraq doğurub.

Ziyarətçilərə mədəni dəyərlərimiz, bayraqlarımız, ənənəvi naxışlarımız və Azərbaycan–Türkiyə qardaşlığını əks etdirən müxtəlif elementlər təqdim olunub.

“Azərbaycan stendini” Gümüşhane Universitetinin rektoru professor Oktay Yıldıza, eləcə də müxtəlif qurumların təmsilçiləri, ictimai təşkilatların nümayəndələri, tələbələr ziyarət ediblər.

Stendi təşkil edən Gümüşhanə Universiteti Azərbaycan təmsilçiliyinin sədri Yusif Həsənov qeyd edib ki, “Bir millət, iki dövlət” anlayışının bir daha hiss edildiyi festival bütün iştirakçılar üçün unudulmaz xatirəyə çevrilib. ]]> Mehemmed Thu, 21 May 2026 11:52:21 +0000 https://manera.az/index.php?newsid=18244 https://manera.az/index.php?newsid=18244 ]]>
Beynəlxalq Türk Mədəniyyəti Təşkilatının (TÜRKSOY) Ankaradakı qərargahında Azərbaycanın Xalq şairi, publisist və prozaik Sabir Rüstəmxanlının 80 illik yubileyi münasibətilə təntənəli mərasim keçirilib.

TÜRKSOY, Azərbaycanın Türkiyədəki səfirliyi və Ankaradakı Azərbaycan Mədəniyyət Mərkəzi tərəfindən təşkil edilən tədbirdə millət vəkilləri, diplomatlar, Türkiyənin dövlət qurumlarının, siyasi partiyaların və ictimai təşkilatların nümayəndələri, alimlər və ekspertlər iştirak ediblər.

Tədbir ictimai xadimin həyat və yaradıcılığı haqqında sənədli filmin nümayişi ilə başlayıb.

Azərbaycanın Türkiyədəki səfiri Rəşad Məmmədov çıxışında qeyd edib ki, Azərbaycan xalqının milli özünüdərkinin inkişafında mühüm rol oynayan əsərlərin müəllifi olan S. Rüstəmxanlının yaradıcılığı ona ədəbi ictimaiyyətdə hörmət qazandırıb.

O xatırladıb ki, Xalq şairi Azərbaycanın dövlət müstəqilliyinin bərpasına və ərazi bütövlüyünün qorunmasına yönəlmiş ictimai-siyasi proseslərdə fəal iştirak edən ziyalıların nümayəndələrindən biridir.

Səfir qeyd edib ki, S. Rüstəmxanlı həm də dövlətinə və xalqına qarşı heç vaxt çıxış etməyən siyasətçi və millət vəkili nümunəsinə çevrilib.

Sonra Milli Məclisin Mədəniyyət komitəsinin sədr müavini Günay Əfəndiyeva Azərbaycan ədəbiyyatının zəngin ənənələrinin davamçısı olan S. Rüstəmxanlının nailiyyətlərini vurğulayıb.

Milli Məclisin deputatı, həmçinin Azərbaycanın Xalq şairinin yaradıcılığının yüksək təqdirə layiq olduğunu vurğulayıb və qeyd edib ki, o, öz əsərlərində azərbaycanlıların nəsillər boyu davam edən vətənpərvərlik hisslərini əks etdirən ziyalılardan biridir.

TÜRKSOY Baş katibinin müavini Sayit Yusuf, Azərbaycan mədəniyyət nazirinin müşaviri Orxan Fikrətoğlu, Türkiyə-Azərbaycan parlamentlərarası dostluq qrupunun rəhbəri Şamil Ayrım, Türkiyənin hakim Ədalət və İnkişaf Partiyasının (AK Partiya) Türk dünyası ilə əlaqələr üzrə sədr müavini Kürşad Zorlu və Türkiyə Böyük Birlik Partiyasının (BBP) sədri Mustafa Destici S.Rüstəmxanlı yaradıcılığının əhəmiyyətindən danışıblar.

Sabir Rüstəmxanlı çıxışında Türk dünyasının birliyinin vacibliyini vurğulayıb. Yubilyar Türk dünyasını və doğma Azərbaycanı tərənnüm edən şeirlərini oxuyub.

TÜRKSOY Baş katibinin müavini Sayit Yusuf yubilyara Beynəlxalq Türk Mədəniyyəti Təşkilatının medalını təqdim edib.

Tədbir Türkiyə ictimai təşkilatlarının nümayəndələrinin, alimlərin və ekspertlərin iştirak etdiyi panel müzakirələri ilə davam edib.

Sabir Rüstəmxanlının bir sıra əsərləri TÜRKSOY-un binasında sərgilənib.



[justify][/justify]
]]> Mehemmed Wed, 29 Apr 2026 09:55:32 +0000 https://manera.az/index.php?newsid=18237 https://manera.az/index.php?newsid=18237 ]]>

Aprelin 24-də Ankaradakı Qazi Universitetində “Milli kimlik və soydaş irsi” mövzusunda beynəlxalq konfrans keçirilib.

Qazi Universitetinin rektorluğunda keçirilən tədbir Kərkük Mədəniyyət Assosiasiyası tərəfindən Azərbaycan Diasporuna Dəstək Fondu və Qazi Universiteti rektorluğunun dəstəyi ilə təşkil olunub.

Diplomatlar, alimlər, ictimaiyyət nümayəndələri, universitetin müəllim və tələbələrinin iştirak etdiyi konfransı açan Kərkük Mədəniyyət Assosiasiyasının rəhbəri, tədqiqatçı jurnalist və yazıçı Şəmsəddin Kuzeci rəhbərlik etdiyi təşkilatın əsas məqsədlərindən birinin mədəni irsi öyrənmək və türk xalqlarının tarixi yaddaşını bərpa etmək olduğunu izah etdi.

Ş. Kuzeci deyib: “Biz tarixən İraq Respublikasında yaşamış türkmənlər arasında mədəni əlaqələri genişləndirməyə və ortaq tarixi ənənələrin, etnik mədəni və mənəvi dəyərlərin qarşılıqlı öyrənilməsinə və təbliğinə töhfə verməyə çalışırıq”. O, diqqəti türkmənlərlə digər türk xalqları, o cümlədən azərbaycanlılar arasında mədəni və tarixi yaxınlığa çəkib.

Diasporla İş üzrə Dövlət Komitəsinin sədr müavini Vaqif Seyidbəyov qeyd edib ki, Azərbaycan Türk dünyasının mərkəzində yerləşən bir ölkə olaraq, qohum xalqlarla əlaqələri daim inkişaf etdirməyə çalışıb. O vurğulayıb ki, Dövlət Komitəsinin fəaliyyət sahələrindən biri də dost xalqların diaspor təşkilatları ilə əlaqələri gücləndirməkdir.

Konfrans müxtəlif ölkələri təmsil edən alimlərin, o cümlədən Azərbaycan Milli Elmlər Akademiyasının nümayəndəsinin iştirakı ilə panel müzakirələrlə işini davam etdirib. ]]> Mehemmed Fri, 24 Apr 2026 13:34:53 +0000 https://manera.az/index.php?newsid=18158 https://manera.az/index.php?newsid=18158 ]]>
İstanbulda Azərbaycan və Türkiyənin tanınmış ictimai xadimi, mütəfəkkir, yazıçı və alim Əhməd bəy Ağaoğluna həsr olunan “Şərq ilə Qərb arasında bir mütəfəkkir: Əhməd Ağaoğlu” kitabının təqdimatı keçirilib.

Nəşr Azərbaycan Respublikasının Türkiyədəki Səfirliyinin nəzdindəki Azərbaycan Mədəniyyət Mərkəzinin “Türkiyədə tanınmış azərbaycanlıların izi ilə” layihəsi çərçivəsində hazırlanıb.

Tədbirdə Azərbaycan mədəniyyət nazirinin müavini Murad Hüseynov, İstanbul İniversitetinin rektoru, professor Osman Bülent, Azərbaycan Mədəniyyət Mərkəzinin direktoru Samir Abbasov, İstanbuldakı baş konsulluğumuzun konsulu Sevinc Süleymanova, Türkiyədəki Səfirliyimizin müşaviri Füzuli Məcidli, universitetin müəllim heyəti, ictimaiyyət nümayəndələri, yerli azərbaycanlılar iştirak ediblər.

Rəsmi şəxslər çıxışlarında Azərbaycan–Türkiyə qardaşlığını vurğulayaraq, Ağaoğlunun irsinin ortaq mədəni dəyər kimi əhəmiyyətini qeyd ediblər.

Qeyd edək ki, tarixçi Dilqəm Əhməd tərəfindən arxiv materialları əsasında tərtib olunan kitabda Ağaoğlunun indiyədək araşdırılmamış məqalələri, xatirələri və onun haqqında fikirlər yer alıb.

Sonda kitab sərgisi təşkil olunub, imza mərasimi keçirilib və nəşrin nüsxələri universitet kitabxanasına hədiyyə edilib.

Məhəmməd,
Manera.az











]]> Mehemmed Wed, 01 Apr 2026 12:36:26 +0000 https://manera.az/index.php?newsid=18022 https://manera.az/index.php?newsid=18022 ]]>
Türkiyənin Ordu şəhərində Böyükşəhər Bələdiyyəsinin mədəniyyət layihəsi çərçivəsində “Metehandan Mehmetçiyə” Türk Dövlətləri Muzeyi açılıb. Muzeydə yaradılmış stendlərdə Türk tarixi xronoloji ardıcıllıqla müxtəlif əsər və eksponatlar vasitəsilə təqdim olunur. Türk tarixində iz qoymuş şəxsiyyətlərin büstləri, eləcə də ayrı-ayrı tarixi dövrləri əks etdirən maddi-mədəniyyət nümunələri ziyarətçilərə nümayiş etdirilir.

Muzeyin açıq hava ekspozisiyasında tarixdə mövcud olmuş 16 Türk dövlətini qurmuş şəxsiyyətlərin büstləri və həmin dövlətlərin bayraqları, həmçinin Çanaqqala zəfərini əks etdirən Türk əsgərlərinin heykəlləri ucaldılıb.

Türkiyədəki Azərbaycan Mədəniyyət Mərkəzinin direktoru Samir Abbasov muzeyi ziyarət edərək Ordu Böyükşəhər Bələdiyyəsinin idarə heyətinin sədri və eyni zamanda muzeyin rəhbəri olan Dr. Mimar Nihat Şen ilə görüşüb. Görüş zamanı Türk dünyasının ortaq tarixinə işıq salan muzeydə tarixin müxtəlif mərhələlərinin xronoloji ardıcıllıqla həm əyani, həm də rəqəmsal vasitələrlə təqdim olunmasının əhəmiyyəti, bu zəngin irsin gələcək nəsillərə ötürülməsində muzeylərin mühüm rolu vurğulanıb.

Eyni zamanda Türk dünyası dövlətçilik tarixində mühüm yer tutan orta əsrlər Azərbaycan dövlətlərinə dair guşələrin yaradılması, Azərbaycan ədəbiyyatının zirvəsində dayanan dahi mütəfəkkirlərin büstlərinin muzeydə yerləşdirilməsi, habelə Türk dünyası tarixində xüsusi yerə malik Azərbaycanın şanlı Qarabağ zəfərinə həsr olunmuş ayrıca guşənin yaradılması razılaşdırılıb.

İkitərəfli mədəni əməkdaşlığın genişləndirilməsi, ortaq layihələrin həyata keçirilməsi, Ordu şəhərində Azərbaycan incəsənəti həftəsinin təşkili və Türk Dövlətləri Muzeyində Azərbaycanla bağlı guşələrin yaradılması Ordu Böyükşəhər Bələdiyyəsi və bölgənin Mədəniyyət və Turizm İdarəsi tərəfindən də müsbət qarşılanıb.

Qeyd edək ki, görüş zamanı həmçinin muzeyin müxtəlif bölmələrinə baxış keçirilib, rəqəmsal təqdimatlar və hazırlanmış videomateriallar izlənilib, irəli sürülən təkliflər yerində müzakirə olunaraq dəyərləndirilib. Azərbaycanın Qarabağ zəfərinə həsr olunmuş “Böyük zəfər: 44 gün, 23 saat, 43 dəqiqə” adlı yeni və unikal nəşr muzeyə hədiyyə edilib.

Məhəmməd,
Manera.az







]]> Mehemmed Fri, 30 Jan 2026 13:36:45 +0000 https://manera.az/index.php?newsid=17997 https://manera.az/index.php?newsid=17997 ]]>

“Türkiyədə tanınmış azərbaycanlıların izi ilə” layihəsi çərçivəsində Əhməd bəy Ağaoğlu haqqında araşdırma kitabı nəşr olunub.

Azərbaycanın Türkiyədəki Səfirliyinin nəzdindəki Azərbaycan Mədəniyyət Mərkəzinin “Türkiyədə tanınmış azərbaycanlıların izi ilə” layihəsi çərçivəsində Azərbaycan-Türkiyə ictimai fikir tarixinin önəmli simalarından olan Əhməd bəy Ağaoğlu haqqında araşdırma və nəşr layihəsi həyata keçirilib.

Layihə çərçivəsində Azərbaycan və Türkiyənin tanınmış ictimai xadimi, mütəfəkkir, yazıçı, hüquqşünas və şərqşünas alim Əhməd bəy Ağaoğlunun indiyədək araşdırılmayan və çap olunmayan elmi-ədəbi məqalələri, xatirələri, memuarları, gündəlik qeydləri, onunla bağlı müsahibələr və arxiv materialları əsasında “Doğu ile Batı arasında bir mütefekkir: Ahmet Ağaoğlu” adlı kitab Türkiyə türkcəsində nəşr edilib.

Azərbaycan Mədəniyyət Mərkəzindən verilən məlumata görə, kitabı nəşrə azərbaycanlı tarixçi və araşdırmaçı, dosent Dilqəm Əhməd hazırlayıb.
Nəşrdə Azərbaycan Respublikasının Prezidenti İlham Əliyevin Əhməd bəy Ağaoğlunun 150 illik yubileyinin qeyd olunması ilə bağlı imzaladığı Sərəncamda yer alan dəyərləndirmələrə də yer verilib. Sərəncamda Əhməd bəy Ağaoğlunun milli oyanış hərəkatındakı rolu, müasirləşmə ideyalarının ardıcıl müdafiəçisi olması və Azərbaycan maarifçiliyinə verdiyi töhfələr xüsusi vurğulanır.

Nəşrdə Əhməd bəy Ağaoğlunun şəxsi arxivindən sənədlər və fotoşəkillər də ilk dəfə oxuculara təqdim olunur. Kitab, onun həyat və yaradıcılığını daha dərindən öyrənmək istəyənlər, eləcə də tarix və mədəniyyət məsələlərinə fərqli baxış axtaran oxucular üçün mühüm mənbədir.

Kitabın Türkiyədə universitetlərdə geniş təqdimatının keçirilməsi, eləcə də aparıcı ali məktəblərə və kitabxanalara hədiyyə olunması nəzərdə tutulur.

Qeyd edək ki, Şuşada doğulan Əhməd bəy Ağaoğlu Azərbaycan ictimai fikir tarixində maarifçilik, millilik və modernləşmə ideyalarını birləşdirən qabaqcıl mütəfəkkir kimi xüsusi yer tutur. O, Türkiyə Cümhuriyyətinin qurucusu Mustafa Kamal Atatürkün yaxın silahdaşlarından biri olmuş, Anadolu Agentliyinin ilk idarə heyətinə rəhbərlik etmiş, həmçinin Azərbaycan Xalq Cümhuriyyəti Parlamentinin və Türkiyə Böyük Millət Məclisinin II və III çağırışlarında millət vəkili kimi fəaliyyət göstərmişdir.

Məhəmməd,
Manera.az


]]> Mehemmed Wed, 21 Jan 2026 12:06:11 +0000 https://manera.az/index.php?newsid=17983 https://manera.az/index.php?newsid=17983 ]]>
Ankara Özəl YÜCE Məktəblərində yanvar ayı Azərbaycana həsr edilib. Bu çərçivədə Azərbaycan Respublikasının Türkiyədəki səfirliyi nəzdindəki Azərbaycan Mədəniyyət Mərkəzinin təşəbbüsü ilə məktəbdə bir aylıq “Azərbaycan Stendi” təşkil olunub.

Mərkəzdən manera.az-a verilən məlumata görə, layihənin məqsədi Azərbaycan mədəniyyətini, tarixini və dilini Türkiyəli şagirdlərə tanıtmaq və təbliğ etməkdir. Məktəbin əsas giriş foyesində yerləşdirilən stenddə milli mədəniyyətimizə aid müxtəlif suvenirlər, milli musiqi alətləri, Azərbaycan nağıllarının qəhrəmanlarının maketləri, oyuncaqlar, xalçalar, kəlağayılar, eləcə də Azərbaycan haqqında ana dilimizdə və Türkiyə türkcəsində nəşr olunmuş kitab və materiallar nümayiş etdirilir.

Ay ərzində məktəbin müxtəlif siniflərinin şagirdləri stendi ziyarət edir, onlara Azərbaycan haqqında ətraflı məlumat verilir. Tədbirin sonunda nümayiş etdirilən nəşrlərin Ankara Özəl YÜCE Məktəbinin kitabxanasına hədiyyə olunması nəzərdə tutulur.

Bu təşəbbüs sayəsində şagirdlər Qafqazın incisi və qardaş ölkə olan Azərbaycanın zəngin mədəniyyəti, ədəbiyyatı, möhtəşəm tarixi abidələri, özünəməxsus memarlığı, geniş turizm imkanları və əldə etdiyi mühüm nailiyyətlər ilə yaxından tanış olmaq imkanı qazanırlar.








]]> Mehemmed Thu, 15 Jan 2026 09:45:28 +0000 https://manera.az/index.php?newsid=17980 https://manera.az/index.php?newsid=17980 ]]>
Türkiyənin Qazi Universitetində Azərbaycan Mədəniyyət Mərkəzi tərəfindən yaradılmış Azərbaycan dilinin Tədrisi Ocağında tədqiqatçı, pedaqoq, jurnalist, şair və yazıçı, Kərkük Türkman Mədəniyyət Dərnəyinin rəhbəri Dr. Şəmsəddin Kuzəçinin Azərbaycana səfərləri əsasında yazdığı kitabların təqdmatı keçirilib.

Öllkəmizin Türkiyədəki səfirliyinin nəzdindəki Azərbaycan Mədəniyyət Mərkəzinin dəstəyi ilə baş tutan tədbrdə, Azərbaycanlı və İraqlı diplomatlar, Gazi Universitetinin rəhbər şəxsləri, elm xadimləri və ictimaiyyət nümayəndələri iştirak ediblər.

Təqdimat mərasiminin moderatoru Azərbaycan Dili Tədris Ocağının müəllimi Dr. Şəhla İbişova əvvəlcə İraq-türkman folklorunun toplanması, tədqiqi və nəşri sahəsində xidmətləri ilə tanınan Ş. Kuzəçinin, yaradıcılığı haqqında iştırakçılara məlumat verib.

Azərbaycan Mədəniyyət Mərkəzinin direktoru Samir Abbasov çıxışında araşdırmaçı, jurnalist və şair Şəmsəddin Küzəçinin Azərbaycan-İraq ədəbi əlaqələri, dostluq münasibətlərimizin inkişafında xidmətlərini haqqında danışaraq, onun fəaliyyətinin xalqlarımız arasında dostluq, qardaşlıq körpüsünün möhkəmlənməsinə xidmət etdiyini vurğulayıb.

“Şəmsəddin Kuzəçinin əsərlərində mənə ən çox təsir edən məqam, 1918-ci ildə Azərbaycanın köməyinə gələn Qafqaz İslam Ordusunun tərkibində savaşan yeddi İraqlı türkmanın ölkəmizin azadlığı uğrunda şəhid olmasıyla bağlı məlumatdır.

S.Abbasov Türk dünyası ailəsi arasında bu cür ortaq dəylərin, milli mədəniyyətimizin, ədəbiyyatımızın təbliğinin əhəmiyyətini qeyd edərək, Ş.Kuzəçinin əsərlərində Azərbaycanı Kərküklü türkmanlər üçün “mənəvi məkan” adlandırdığını, Azərbaycanla İraq arasındaki tarixi dostluq, ədəbi əlaqələrə diqqət çəkib.

Qazi Universiteti prorektoru, prof. Dr. Selami Candan, Türk dünyası Araşdırma və Uyğulama Mərkəzinin rəhbəri, professor, dr. Bülent Aksoy, Araştırmacı-Yazar, professor, dr. Hayrettin İvgin və başqa çıxışçılar Şəmsəttin Kuzəçinin " Azərbaycan Səyahətlərim" kitabının sadəcə bir səyahət gündəliyi deyil, qardaşlıq səfərinin nəticələrinin bədii salnaməsi olduğunu qeyd edərək, Türk dünyası ailəsinin zəngin mədəniyyəti, eyni dil, din, folklor, musiqi, ənənə yaxınlığının bu qardaşlıq münasibətlərinin bariz göstəricisi olduğunu söyləyiblər.

İraq Səfirliyinin ikinci katibi Usame Kemali tədqiqatçı, pedaqoq, jurnalist, şair və yazıçı, Kərkük Türkman Mədəniyyət Dərnəyinin rəhbəri Şəmsəddin Kuzəçinin yaradıcılığı, Azərbaycana səfərləri əsasında yazdığı kitabların tanıdılmasında dəstək üçün təşəkkür çıxışı edərək, bu cür layihələrin xalqlar arasında dostluq və qardaşlıq münasibətlərinin inkişafına xidmət etdiyini bildirib.

Tədbirə Azərbaycanda İraq-Türkman ədəbiyyatı üzrə tanınmış araşdırmaçı, professor Qəzənfər Paşayev canlı videobağlantı ilə çıxış edərək, Azərbaycan və İraq-Türkmanları arasında ədəbi-mədəni əlaqələrin qurulması, ədəbi fəaliyyətlərindən danışaraq, araşdırmaçı, yazar Şəmsəddin Kuzəçinin uzun illər xalqlarımız arasında dostluq və ədəbi əlaqələrə töhfə verən yaradıcılığından bəhs edib.

Kərkük Türkman Mədəniyyət Dərnəyinin rəhbəri Şəmsəddin Kuzəçi öz çıxışında Azərbaycan səfərləri, qardaş Azərbaycanla mədəni-ədəbi əlaqələrdən danışıb. O, bildirib ki, İraq-türkman ədəbiyyatı ümumtürk ədəbiyyatının ayrılmaz tərkib hissəsidir.

Ş.Kuzəçi, türkmanların ədəbi-mədəni inkişafında mühüm rol oynayan şair və yazıçıların araşdırmaları, kitabları və tədqiqat məqalələrindən bəhs edib. “İraq-türkmanları xalqın mənəvi bütövlüyünü təmin edən zəngin folklor irsinə sahibdirlər. Ortaq tarixi dəyərlərimiz, adət-ənənələrimiz bizi bir-birimizdən ayırmır”, deyən yazıçı, Türk dünyası ölkələrinin bir-birinə daha da yaxınlaşmasının əhəmiyyətini vurğulayıb.

O, ədəbi-mədəni əlaqələrə tövhə verəcək “Kərküktən Azərbaycana” adlı saytın da fəalyyətə başladığını qeyd edib.











]]> Mehemmed Wed, 14 Jan 2026 11:33:36 +0000