Təhsil - Manera.Az https://manera.az/ Təhsil - Manera.Az DataLife Engine “Qızların Təhsilinə Dəstək” layihəsinin beş illik yubileyi qeyd olunub https://manera.az/index.php?newsid=18501 https://manera.az/index.php?newsid=18501 ]]>
Oktyabrın 22-də “Qızların Təhsilinə Dəstək” layihəsinin beş illik yubileyinə həsr olunmuş tədbir keçirilib.

Manera.az xəbər verir ki, tədbir Ailə, Qadın və Uşaq Problemləri üzrə Dövlət Komitəsinin təşkilatçılığı, Elm və Təhsil Nazirliyi və Təhsilin İnkişafı Fondunun tərəfdaşlığı ilə baş tutub.

Tədbirdə çıxış edən Dövlət Komitəsinin sədri Bahar Muradova, elm və təhsil naziri Emin Əmrullayev və digər rəsmilər qızların təhsilinin cəmiyyətin inkişafındakı rolundan, bərabər təhsil imkanlarının yaradılmasının əhəmiyyətindən danışıblar.

Layihənin beşillik fəaliyyətini əks etdirən film nümayiş olunub, təqaüd proqramının iştirakçıları öz təcrübələrini bölüşüblər.

Yubiley tədbiri bədii proqramla başa çatıb.

]]> Mehemmed Thu, 22 Oct 2026 18:12:27 +0000 “Davamlı İnkişaf Siyasəti” adlı dərsliyin təqdimat mərasimi keçirilib https://manera.az/index.php?newsid=18485 https://manera.az/index.php?newsid=18485 ]]> “Davamlı İnkişaf Siyasəti” adlı dərsliyin təqdimat mərasimi keçirilib
Rektor Urxan Ələkbərovun müəllifi olduğu “Davamlı İnkişaf Siyasəti” adlı dərsliyin təqdimat mərasimi keçirilib

Oktyabrın 8-də müəllifi Azərbaycan Respublikası Prezidenti yanında Dövlət İdarəçilik Akademiyasının rektoru, akademik Urxan Ələkbərov olduğu “Davamlı İnkişaf Siyasəti” adlı dərsliyin təqdimat mərasimi keçirilib.

Tədbirdə dövlət və elm xadimləri, dövlət qurumlarının rəhbərləri, Milli Məclisin deputatları, beynəlxalq təşkilatların nümayəndələri və digər qonaqlar iştirak ediblər.

Təqdimat mərasimində akademik Urxan Ələkbərov, Birləşmiş Millətlər Təşkilatının Rezident Əlaqələndiricisi Dmitro Şlapaçenko, Azərbaycan Milli Elmlər Akademiyasının prezidenti, akademik İsa Həbibbəyli, Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov, Ailə, qadın və uşaq məsələləri komitəsinin sədri Hicran Hüseynova, İqtisadi siyasət, sənaye və sahibkarlıq komitəsinin sədri Azər Əmiraslanov, İqtisadiyyat nazirinin müşaviri Hüseyn Hüseynov çıxış ediblər.

Təqdimat mərasimində dərsliyin məzmunu və əsas istiqamətləri ilə bağlı məlumat verilib, Azərbaycanda dövlət idarəçiliyi sahəsində qazanılmış nailiyyətlər, ölkəmizdə aparılan davamlı inkişaf siyasəti və müasir idarəetmə mexanizmləri ilə bağlı məsələlər diqqət mərkəzində olub. Həmçinin inklüziv və səmərəli dövlət idarəçiliyinin davamlı inkişaf məqsədlərinə nail olunmasında mühüm rol oynadığı qeyd edilib. ]]> Mehemmed Sat, 10 Oct 2026 18:23:22 +0000 ADU-da beynəlxalq simpozium keçirilib https://manera.az/index.php?newsid=18478 https://manera.az/index.php?newsid=18478 ]]>
Azərbaycan Dillər Universitetində Türk dili və ədəbiyyatının tədrisinə həsr olunan beynəlxalq simpozium keçirilib.

Tədbirdə müxtəlif ölkələrdən 40-dan çox alim və tədqiqatçı iştirak edib. ADU-nun rektoru, akademik Kamal Abdulla simpoziumun Türk dilinin öyrənilməsi və təbliği ilə yanaşı, gənc alimlər arasında beynəlxalq elmi əlaqələrin genişləndirilməsinə xidmət etdiyini bildirib.

Türk Mədəniyyəti Araşdırmaları İnstitutunun rəhbəri, professor Əhməd Bican Ərcilasun tədbirin Türk dili və ədəbiyyatının tədrisi, elmi fikir və təcrübə mübadiləsi baxımından əhəmiyyətini vurğulayıb.

Simpoziumda Türk dili və ədəbiyyatının tədrisi, müasir təlim metodları və beynəlxalq əməkdaşlıq məsələləri müzakirə olunub.

Tədbir çərçivəsində təltifolunma mərasimi keçirilib. Akademik Kamal Abdulla, professor Həmidə Əliyeva və Gökxan Seyxan təltif olunublar.

Simpozium bölmə iclasları və bağlanış mərasimi ilə yekunlaşıb.




]]> Mehemmed Thu, 08 Oct 2026 18:42:44 +0000 Naxçıvana yeni təhsil naziri təyin olundu https://manera.az/index.php?newsid=18465 https://manera.az/index.php?newsid=18465 ]]>
Bununla bağlı Naxçıvan Muxtar Respublikası Ali Məclisinin sessiyasında sentyabrın 25-də qərar qəbul edilib.

Qərara əsasən, Elxan Tarqulu oğlu Nəcəfov Naxçıvan Muxtar Respublikasının təhsil naziri vəzifəsindən azad edilib, bu posta Ovni Mehbalı oğlu Muradov təyin olunub.

Xatırladaq ki, Prezident İlham Əliyevin sentyabrın 24-də imzaladığı Sərəncamla Ovni Mehbalı oğlu Muradov Naxçıvan Muxtar Respublikası Babək Rayon İcra Hakimiyyətinin başçısı vəzifəsindən azad edilmişdi. ]]> Mehemmed Sat, 26 Sep 2026 09:46:40 +0000 Xalq Şairi: “Söz savaşı bitməyib” https://manera.az/index.php?newsid=18450 https://manera.az/index.php?newsid=18450 ]]> Xalq Şairi: “Söz savaşı bitməyib”

İctimai-siyasi xadim, Xalq şairi Sabir Rüstəmxanlı Azərbaycanda fəaliyyət göstərən diplomatik korpus nümayəndələrinin Qarabağ və Şərqi Zəngəzura səfəri ilə bağlı Ermənistan cəmiyyətində səsləndirilən reaksiyalara münasibət bildirib.

Manera.az xəbər verir ki, Sabir Rüstəmxanlı sosial media hesabında paylaşdığı yazıda diplomatik korpus nümayəndələrinin azad edilmiş ərazilərə səfərinin Azərbaycanın ərazi bütövlüyünün və dövlət suverenliyinin beynəlxalq səviyyədə qəbul edilməsinin növbəti təsdiqi olduğunu qeyd edib.

O, səfərlə bağlı Ermənistan cəmiyyətində səsləndirilən mənfi münasibətin Azərbaycanın suverenliyi və ərazi bütövlüyünün tanınması ilə ziddiyyət təşkil etdiyini bildirib.

Sabir Rüstəmxanlı uzun illərdir Azərbaycan və Türkiyəyə qarşı aparıldığını bildirdiyi informasiya təbliğatına da diqqət çəkib. Onun sözlərinə görə, müxtəlif ölkələrdə və dillərdə nəşr olunan kitablar və aparılan təbliğat Azərbaycan tarixi ilə bağlı beynəlxalq ictimaiyyətdə yanlış təsəvvürlərin formalaşmasına səbəb olub.

Xalq şairi 1918-ci ildə Bakı və Şamaxıda azərbaycanlıların kütləvi qətlə yetirilməsini, 1992-ci ildə Xocalıda baş verən hadisələri də xatırladıb.

“Ermənilər heç bir tarixi əsası olmayan kitablar çap etdirirdilər, biz isə gerçəkləri, həqiqəti ifadə edən kitab çap etdirmək istəyəndə hətta Azərbaycan rəhbərliyi deyirdi ki, yox, bu, qonşular arasında nifaq yaradır. Düzdür, bu artıq tarixdir, amma biz bu tarixi yaşadığımıza görə bugün müəyyən nəticələr çıxarmalıyıq”, – deyə S. Rüstəmxanlı yazıb.

O qeyd edib ki, Azərbaycanın Zəfərindən sonra Ermənistanın baş naziri Nikol Paşinyan və Ermənistan rəsmiləri Qarabağın Azərbaycan ərazisi olması ilə bağlı mövqelər səsləndirib. Bununla belə, S. Rüstəmxanlının fikrincə, informasiya mübarizəsi davam edir. O, Qarabağdakı Gəncəsər və Xudavəng kimi tarixi-dini abidələrin erməni irsi kimi təqdim edilməsi ilə bağlı iddialara da toxunub. O, bu cür yanaşmaları tənqid edib və Ermənistan ərazisində Azərbaycan xalqının tarixi-mədəni irsinin mövcudluğunun da nəzərə alınmasının vacibliyini vurğulayıb.

İctimai-siyasi xadimin sözlərinə görə, diplomatik korpus nümayəndələrinin Qarabağ və Şərqi Zəngəzura səfəri bölgədə yaranmış yeni reallığın beynəlxalq ictimaiyyət tərəfindən yerində müşahidə edilməsi baxımından əhəmiyyətlidir.

“Bu səfələrə qarşı çıxmaq əslində Azərbaycanın yaratdığı yeni reallığın qəbul edilməsinə qarşı çıxmaqdır”, – deyə o bildirib.

S. Rüstəmxanlı Azərbaycanın informasiya mübarizəsində daha fəal olmasının vacibliyini qeyd edib. O, Azərbaycan alimlərini, ziyalılarını və ictimaiyyət nümayəndələrini bu istiqamətdə fəaliyyət göstərməyə çağırıb.

Xalq şairi xüsusilə sosial şəbəkələrdə süni zəka vasitəsilə yayılan saxta tarixi materialların ifşa edilməsinin vacib olduğunu bildirib və bu istiqamətdə sistemli fəaliyyət göstərən xüsusi bir mərkəzin yaradılmasını təklif edib.

“Bir həqiqəti qəbul etməliyik ki, Qarabağda hərbi qarşıdurma bitsə də, daha böyük coğrafiyada, beynəlxalq arenada diplomatiya və informasiya savaşı davam edir”, – deyə Sabir Rüstəmxanlı vurğulayıb.

Xalq şairi belə yekunlaşdırıb: “Bir sözlə, erməni ilə davamız bitdi deyib arxayınlaşmaq doğru deyil. Erməni yalanı dünyada hansı səviyyədə yayılırsa, o səviyyədə də biz cavab verməyi bacarmalıyıq.”

]]> Mehemmed Wed, 16 Sep 2026 16:22:45 +0000 Prorektor: ADPU-nun məzunlarından 1163 nəfəri əmək bazarına daxil olub https://manera.az/index.php?newsid=18447 https://manera.az/index.php?newsid=18447 ]]>
Azərbaycan Dövlət Pedaqoji Universitetinin (ADPU) 2025-2026-cı tədris ilinin yay semestri 384 tələbənin iştirakı ilə 54 fənn üzrə təşkil olunub. İmtahanlarda iştirak edən 362 tələbədən 287-si müvəffəq, 75-i isə qeyri-müvəffəq qiymət alıb.

ADPU-dan manera.az-a bildirilib ki, bu barədə Elmi şuranın iclasında tədris işləri üzrə prorektor dosent Eldar Aslanov məlumat verib. Prorektor bildirib ki, bu il ADPU-nun bakalavriat səviyyəsini normativ təhsil müddətində 2278 nəfər başa vurub. Onlardan 1040 nəfəri Azərbaycanda magistraturaya qəbul olub, 78 nəfəri isə xaricdə magistratura təhsili üçün müraciət edib. Məzunlardan 1163 nəfəri əmək bazarına daxil olub, 901 nəfər MİQ imtahanında iştirak edib. Onların 805-i, yəni 89 faizi keçid balını toplayaraq seçim etmək hüququ qazanıb.

Yeni tədris ilinə hazırlıqla bağlı görülən işlər barədə məlumat verən prorektor bildirib ki, birinci tədris ili tələbələri üçün məlumatlandırma görüşlərinin dərslərlə paralel olaraq ilk həftə ərzində keçirilməsi, həmçinin universitet rəhbərliyinin tələbələrlə onlayn görüşünün təşkili nəzərdə tutulur. Həmçinin ötən dövrdə magistratura səviyyəsində 40 ixtisaslaşma üzrə təhsil proqramlarının hazırlanaraq təsdiqə təqdim edildiyi diqqətə çatdırılıb.

İclasda eksperimental qrupların yaradılması, yeni ixtisasların açılması istiqamətində işlərin davam etdirilməsi, yeni magistratura ixtisaslaşmalarının yaradılması, “ADPU-2030” strateji planının icrasına diqqətin artırılması, illik iş planlarının Strateji İnkişaf Planına uyğunlaşdırılması, professor-müəllim heyətinin müasir təhsil mühitinin tələblərinə uyğun bacarıqlarının inkişaf etdirilməsi, “Moodle” sistemindən istifadənin genişləndirilməsi, növbəti ilin qəbul planının cari qəbul nəticələrinin təhlili əsasında hazırlanması və yeni ixtisaslar üzrə kadr hazırlığı üçün işçi qrupların fəaliyyətinin gücləndirilməsi əsas istiqamətlər kimi müəyyənləşdirilib. ]]> Mehemmed Tue, 15 Sep 2026 17:47:57 +0000 Ankarada Azərbaycan dili kurslarına yeni qəbul başlayıb https://manera.az/index.php?newsid=18444 https://manera.az/index.php?newsid=18444 ]]>

Ankarada Azərbaycan dilini öyrənmək və Azərbaycan mədəniyyəti ilə daha yaxından tanış olmaq istəyənlər üçün yeni imkan yaradılıb.

Azərbaycan Respublikasının Türkiyədəki Səfirliyi nəzdində fəaliyyət göstərən Azərbaycan Mədəniyyət Mərkəzi Qazi Universitetində təşkil etdiyi Azərbaycan Türkçəsi kurslarına yeni tələbə qəbuluna başlayıb.

Kursların əsas məqsədi Azərbaycan dilinin və mədəniyyətinin təbliği, iştirakçıların Azərbaycanın tarixi, ədəbiyyatı, mədəniyyəti və milli dəyərləri ilə daha yaxından tanış edilməsidir.

Kursa kimlər müraciət edə bilər?

Kursa ən azı bakalavr təhsili olan və ya hazırda Ankaranın hər hansı universitetində təhsil alan Türkiyə və digər ölkə vətəndaşları müraciət edə bilərlər.

Bundan əlavə, Azərbaycan dilinə, ədəbiyyatına və mədəniyyətinə maraq göstərən, bu istiqamətdə elmi tədqiqat aparan, eləcə də təhsilini Azərbaycan universitetlərində davam etdirmək istəyən şəxslərin müraciətləri də qəbul olunur.

Kurs başlanğıc səviyyəsində və əyani formatda keçiriləcək. Tələbata uyğun olaraq orta səviyyə üzrə ayrıca qrupun yaradılması da nəzərdə tutulur.

Dərslər həftədə iki dəfə təşkil olunacaq. Bununla yanaşı, iştirakçıların danışıq bacarıqlarının inkişaf etdirilməsi və Azərbaycan mədəniyyətini daha yaxından tanımaları məqsədilə həftədə bir dəfə əlavə sərbəst proqramların keçirilməsi planlaşdırılır.

Tədris proqramı 5 ay davam edəcək. Altıncı ay isə imtahan və sertifikatlaşdırmaya ayrılacaq. Kurs iştirakçıları üçün ən azı 80 faiz davamiyyət tələbi müəyyənləşdirilib.

Proqramı uğurla başa vuran iştirakçılara Azərbaycan Mədəniyyət Mərkəzi və Qazi Universitetinin birgə sertifikatı təqdim ediləcək.

Kurs müddətində tanınmış ziyalılarla görüşlər, Azərbaycan mədəniyyəti və milli dəyərlərinə həsr olunmuş seminarlar, açıq dərslər və müxtəlif mədəni proqramların keçirilməsi də planlaşdırılır.

Müraciət qaydaları

Namizədlərdən aşağıdakı sənədlər tələb olunur:

şəxsiyyət vəsiqəsi;
fotoşəkil;
CV;
niyyət məktubu;
tövsiyə məktubu.

Müraciətlər yalnız PDF formatında elektron poçt vasitəsilə qəbul edilir. Namizədlərin seçimi müsahibə əsasında aparılacaq.


Son müraciət tarixi: 10 oktyabr 2026-cı il
Dərslərin başlanma tarixi: 15 oktyabr 2026-cı il
Qeydiyyat: ödənişsiz


E-poçt: azerbaycandilikurslari@gmail.com
Əlaqə: +90 507 099 88 45

Ünvan: Qazi Universiteti, Hersek Binası, “Azerbaycan Türkçesi Eğitim Ocağı”


]]> Mehemmed Thu, 10 Sep 2026 13:12:06 +0000 2027-ci ilin imtahan modeli: hansı dəyişikliklər olacaq? https://manera.az/index.php?newsid=18441 https://manera.az/index.php?newsid=18441 ]]>
2027-ci ildə ümumi orta (9 illik) və tam orta (11 illik) təhsil səviyyələri üzrə buraxılış, eləcə də ali təhsil müəssisələrinə qəbul imtahanlarının proqramlarının hazırlanması yekunlaşmaq üzrədir.

Manera.az xəbər verir ki, bu barədə Dövlət İmtahan Mərkəzinin (DİM) İdarə Heyətinin sədri Məleykə Abbaszadə bildirib.

Onun sözlərinə görə, proqramlar yaxın günlərdə DİM-in saytında yerləşdiriləcək.

M.Abbaszadə qeyd edib ki, 2027-ci il üzrə imtahan proqramlarının məzmununda ciddi dəyişiklik nəzərdə tutulmur. Proqramların hazırlanması zamanı DİM-də müvafiq fənlər üzrə fəaliyyət göstərən elmi-metodik seminarlarda orta və ali təhsil müəssisələrinin müəllim və mütəxəssislərinin iştirakı ilə geniş müzakirələr aparılıb.

Bu prosesdə cari tədris ilində ümumtəhsil müəssisələrində istifadə olunan 5-11-ci sinif dərslikləri təhlil edilib. 9 və 11-ci sinif şagirdlərinin əvvəlki illərdə istifadə etdikləri dərsliklərlə hazırda müvafiq siniflərdə istifadə olunan dərsliklər müqayisə olunub. Fənn kurikulumlarının təlim nəticələri və məzmun standartlarının tələblərinə uyğun mövzular müəyyənləşdirilərək proqramlar formalaşdırılıb.

Nəticədə proqramların məzmununda ciddi dəyişiklik edilməyib, yalnız redaktə xarakterli düzəlişlər aparılıb.

]]> Mehemmed Tue, 08 Sep 2026 13:30:12 +0000 Nazir: “Təhsildə bəzi dəyişikliklərin nəticəsini 30 ildən sonra görəcəyik” https://manera.az/index.php?newsid=18440 https://manera.az/index.php?newsid=18440 ]]> Nazir: “Təhsildə bəzi dəyişikliklərin nəticəsini 30 ildən sonra görəcəyik”
Elm və təhsil naziri Emin Əmrullayev təhsil sistemində nəticələrin yüksəldilməsi üçün yalnız bir istiqamətdə deyil, bütövlükdə təhsil ekosistemində dəyişikliklərin aparılmasının vacib olduğunu bildirib.

Manera.az xəbər verir ki, nazir bu fikirləri PISA 2025 – Şagirdlərin Qiymətləndirilməsi üzrə Beynəlxalq Proqramının nəticələrinin təqdimatı zamanı səsləndirib.

Emin Əmrullayevin sözlərinə görə, müəllim, məktəb, valideyn və sosial mühit daxil olmaqla bütün amillərin dəyişdirilməsi uzunmüddətli prosesdir.

“Ekosistem dəyişəndə nəticələr də artacaq. Müəllimi dəyişəcəksiniz, məktəbi dəyişəcəksiniz, valideynin baxışını dəyişəcəksiniz, təhsilin mühitini və insanların sosial mühitini dəyişəcəksiniz. Sadəcə, bunların bəziləri 5 ilin, bəziləri isə 30 ilin tələbidir”, – deyə nazir qeyd edib.

Nazir təhsil nəticələrinin yaxşılaşdırılmasında müəllim amilinin xüsusi əhəmiyyət daşıdığını vurğulayıb. O bildirib ki, sertifikatlaşdırma və müəllimlərin işə qəbulu istiqamətində həyata keçirilən islahatların nəticələri uzunmüddətli perspektivdə daha aydın görünəcək.

“Son 5 ildə Azərbaycan məktəblərində hər 5 müəllimdən biri yenilənib. Yəni müəllimlərin 20 faizindən çoxu sistemdən çıxıb və yenisi ilə əvəzlənib. Biz sistemə yanaşdıqda bunun təsirini 10 il sonra görəcəyik. Sistem üçün bu yaxşıdır, fərd üçün isə ola bilsin ki, müəyyən mənada neqativdir”, – Emin Əmrullayev bildirib.

Nazir PISA 2029-a hazırlıq prosesi barədə də məlumat verib. Onun sözlərinə görə, növbəti qiymətləndirmədən əvvəl – 2028-ci ildə PISA test sualları təsadüfi seçim əsasında Azərbaycan məktəblərində sınaqdan keçiriləcək.

Bu mərhələdə məqsəd Azərbaycanda təqdim olunan sualların digər ölkələrdəki suallarla eyni şəkildə işləyib-işləmədiyini müəyyənləşdirməkdir. Mübahisəli hesab edilən suallar isə qiymətləndirmədən çıxarılacaq.

Emin Əmrullayev, həmçinin bildirib ki, PISA 2029 çərçivəsində media savadlılığı və süni intellektlə bağlı bacarıqların ölçülməsi də nəzərdə tutulur. Bu istiqamətdə müvafiq hazırlıq işlərinin aparılması planlaşdırılır. ]]> Mehemmed Tue, 08 Sep 2026 09:56:42 +0000 DİM sədri magistraturaya qəbulun yekun nəticələrini açıqladı https://manera.az/index.php?newsid=18422 https://manera.az/index.php?newsid=18422 ]]>
Dövlət İmtahan Mərkəzinin (DİM) sədri Məleykə Əsədova magistraturaya qəbulun əsas və əlavə yerləşdirmə mərhələlərinin yekun nəticələri ilə bağlı paylaşım edib.

Bildirilib ki, magistraturaların boş qalan plan yerlərinə keçirilən əlavə yerləşdirmədə iştirak etmək üçün 1457 bakalavr müraciət edib. Onlardan 508 nəfər magistraturaya qəbul olunub, qəbul olunanların 82 nəfəri isə dövlət sifarişi əsasında təhsil alacaq.

Əsas və əlavə yerləşdirmənin nəticələrinə əsasən, bu il magistraturaya ümumilikdə 13 516 nəfər qəbul olunub. Onlardan 6579 nəfər dövlət sifarişi əsasında təhsil almaq imkanı qazanıb.

Qeyd olunub ki, bu il magistraturaya qəbul 67 proqram üzrə aparılıb və proqramlar üzrə müsabiqə vəziyyəti fərqli olub. Bəzi proqramlarda ayrılmış plan yerləri tam dolduğu halda, bir sıra istiqamətlərdə yerlərin 50 faizdən çoxu boş qalıb.

Məleykə Əsədova vurğulayıb ki, hər hansı proqram üzrə plan yerlərinin boş qalmasını həmin ixtisasa və ya sahəyə ölkədə ehtiyacın olmaması kimi qiymətləndirmək doğru deyil. Onun sözlərinə görə, qəbul planı ölkənin mövcud və perspektiv kadr tələbatı nəzərə alınmaqla müəyyən edilir və Nazirlər Kabineti tərəfindən təsdiqlənir.

DİM sədri həmçinin qeyd edib ki, bəzi proqramlar üzrə ixtisaslaşma seçiminə buraxılan bakalavrların sayı əvvəlcədən ayrılmış plan yerlərinin sayından az olub. Bu səbəbdən həmin proqramlarda plan yerlərinin tam dolmayacağı müsabiqədən əvvəl də məlum idi.

“Magistraturaya qəbulun nəticələrini təhlil edərkən yalnız neçə plan yerinin dolduğuna deyil, həmin sahə üzrə müəyyən edilmiş kadr tələbatına, ayrılmış plan yerlərinin sayına və müsabiqədə iştirak etmək hüququ qazanan bakalavrların sayına birlikdə baxmaq daha düzgün mənzərə yaradır”, – paylaşımda bildirilib.

Məleykə Əsədova qəbul olunan bakalavrları təbrik edərək, magistratura təhsilinin onlar üçün seçdikləri sahədə biliklərini dərinləşdirmək, yeni bacarıqlar qazanmaq və peşəkar istiqamətlərini daha dəqiq müəyyənləşdirmək baxımından faydalı mərhələ olacağına ümid etdiyini bildirib.

Qəbul olunanlara xatırladılıb ki, magistraturaların boş qalan plan yerlərinə qəbul olmuş şəxslər 3 sentyabr saat 15:00-dan 9 sentyabr saat 18:00-dək elektron qaydada my.gov.az platformasında qeydiyyatdan keçməlidirlər.


]]> Mehemmed Thu, 03 Sep 2026 13:08:36 +0000