https://manera.az/ Sosial - Manera.Az DataLife Engine https://manera.az/index.php?newsid=18205 https://manera.az/index.php?newsid=18205 ]]>

Ömrünü elmə, Vətənə və Türk dünyasına həsr edən dəyərli bir ziyalının şərəfli həyat yoluna ehtiramla...

Torpağın yetişdirdiyi hər toxum o torpağın bərəkətinin, ruhunun, mənəvi gücünün nişanəsi olduğu kimi, bir xalqın yetirdiyi hər bir istedadlı, zəhmətkeş, əqidəli şəxsiyyət də həmin millətin dəyər ölçüsünü müəyyənləşdirən milli-mənəvi sərvətə çevrilir. Elə insanlar var ki, onların adı bir ömrün sərhədini aşaraq bir məktəbə, bir örnəyə, bir mənəvi dayaq nöqtəsinə çevrilir. Belə şəxsiyyətlər haqqında yazmaq artıq qəlbin ehtiyacına dönür. Çünki burada bir insanın həyatı ilə yanaşı, bir xalqın mənəvi gücü, tarixi yaddaşı, milli qüruru və gələcəyə uzanan ümidləri də görünür.

Bu gün bu torpaq üçün, bu millət üçün, bu məmləkət üçün gənc yaşlarından yorulmaz əməyi ilə dəyərli işlər görən, ölkəmizin siyasi, elmi, mədəni və ictimai həyatında mühüm qatqıları ilə seçilən, adını, soyadını, imzasını artıq Türk dünyasında bir dəyərə, bir nüfuza, bir brendə çevirən çox hörmətli professor Aygün Attar haqqında bu sətirləri yazmağı ürəyim mənə bir vəfa borcu kimi diqtə edir.

Ülkücülüyü yoluna, ədəbi düşüncəsi elminə zinət olan, müəllim pedaqogikasını, türk zehniyyətli nəsil yetişdirmək çabasını, zəhmətsevərliyini və annəliyini ayrıca bir sənət, ayrıca bir yaradıcılıq nümunəsi kimi dəyərləndirdiyim Aygün xanım kimi Azərbaycan qadınının varlığı Türk dünyasının əl birliyinə, dil birliyinə, düşüncə birliyinə güc verir. Onun timsalında Turan düşüncəsi, Turan birliyi və Türk dünyasının mənəvi bütövlüyü daha da işıqlanır, daha da mənalanır. Onun zəngin fəaliyyəti həm Azərbaycanda, həm də onun hüdudlarından kənarda böyük rəğbətlə qarşılanır. Çünki o, Azərbaycanın adını sevgi ilə daşıyan, Vətən yanğısını qürurla yaşadan, milli kimliyini uca tutan, mənsub olduğu xalqın mənəvi obrazını ləyaqətlə təmsil edən parlaq bir ziyalı xanımdır.

Qadın tarixin bütün dövrlərində mənsub olduğu nəslin, ailənin, elin, obanın yükünü çiyinlərində daşıyıb. Əməlləri, davranışları, mərdliyi, qayğıkeşliyi, ləyaqəti ilə həmişə ucalıqda dayanmağa çalışıb. Aygün xanım da bu uca qadınlıq missiyasını öz şəxsiyyətində böyük şərəflə yaşadan dəyərli Azərbaycan xanımıdır. Onun dilindən səslənən “Vətən namusdur, Vətən şərəfdir, Vətən qorunacaq tək hədəfdir” düşüncəsi bir ömür amalının ifadəsi kimi insanın yaddaşında yaşayır.

Aygün xanımın həyat yoluna nəzər salanda insan ilk növbədə onun köklərinin gücünü duyur. Ailəsinin bir tərəfi Zəngəzurdan, bir tərəfi Qarabağdan, Şuşadandır. Zadəgan Ağamirovlar nəslindən olan Aygün xanım Birinci Qarabağ müharibəsinin cəsur komandirlərindən biri, rəhmətlik Adil bəyin və döyüşçü Aqil bəyin bacısıdır. Bu ailənin taleyində mübarizlik, cəsarət, əqidə, ləyaqət və Vətən sevgisi bir soy yaddaşı kimi yaşayır. Elə buna görə də Aygün xanımın həyatına baxanda, onun şəxsiyyətində həmin soykökün nəcibliyini, iradəsini və milli ruhunu aydın görmək olur.

Onun böyük bacısı Sona xanım Həşimovanın adı da Azərbaycanın mübarizə tarixində xüsusi ehtiramla çəkilir. 20 Yanvar faciəsindən sonra Moskvada Qorbaçovun uzatdığı əli “bu əldə millətimin qanı var” deyərək tutmaqdan imtina etməsi qadın cəsarətinin, milli ləyaqətin və mənəvi bütövlüyün nadir təzahürü kimi xalqımızın yaddaşına həkk olunub. Qubadlı rayon partiya komitəsinin katibi olan Sona xanımın həmin cəsarətli davranışı Azərbaycanda böyük rəğbət doğurub, dillərdə dolaşıb, xalqın qəlbində dərin iz buraxıb. Belə bir ailənin mənəvi iqlimində böyüyən Aygün xanımın sonrakı həyat yolunda da eyni əqidənin, eyni mətinliyin, eyni milli duruşun yaşadığını görmək olur.

Aygün Attar Azərbaycanda anadan olub, lakin qardaş Türkiyədə seçki yolu ilə dövlət universitetinə rektor seçilən ilk azərbaycanlı kimi tarixə adını yazdırıb. Bu fakt özlüyündə böyük bir uğur olmaqla yanaşı, Azərbaycan qadınının zəkasına, idarəçilik qabiliyyətinə, elmə bağlılığına və yüksək təşkilatçılıq istedadına verilən böyük dəyərin ifadəsidir. O, qardaş ölkədə müxtəlif elm ocaqlarında dekan, prorektor və rektor vəzifələrində çalışıb, Türkiyə Respublikası Baş nazirinin müşaviri kimi mühüm dövlət məsuliyyəti daşıyıb. 2021-ci ildən etibarən Türkiyə Prezidenti cənab Rəcəb Tayyib Ərdoğanın rəhbərlik etdiyi Təhlükəsizlik və Xarici Siyasət Şurasının üzvü kimi də bu mühüm missiyanı böyük nailiyyətlə yerinə yetirib. Bu, etimadın, zəhmətin, intellektin və milli mövqeyin ali ifadəsidir.

Bütün ömrü və yaradıcılığı boyunca Azərbaycan başda olmaqla Türk dünyasına töhfələr verən Aygün Attarın dünyanın müxtəlif ölkələrindən aldığı çoxsaylı mükafat və təltiflər onun fəaliyyətinin miqyasını və mənəvi sanbalını dolğun şəkildə göstərir. İlham Əliyev tərəfindən “Vətənə xidmətə görə” ordeni və “Dostluq” ordeni ilə təltif olunması, müxtəlif ölkələrdən aldığı beynəlxalq mükafatlar onun fəaliyyətinə verilən yüksək qiymətin göstəricisidir. Oksfordda “Sokrat” mükafatı, “İlin rektoru” adı, Türk dünyasına xidmət medalları – bunların hər biri bir ömrün zəhmət salnaməsidir. Bununla yanaşı, Qaradəniz Ölkələri Universitetlər Birliyi tərəfindən təqdim olunan “Üstün Başarı Mükafatı”, Kosova tərəfindən verilən “Xidmət Nişanı”, TÜRKSAV-ın “Türk Dünyasına Xidmət” medalı, Qazaxıstan dövləti tərəfindən təqdim olunan “Dövlət Medalı”, həmçinin diaspor fəaliyyətinə görə verilən yüksək nişanlar onun xidmətlərinin geniş coğrafiyada necə böyük rəğbətlə qarşılandığını bir daha təsdiqləyir.

Aygün xanımın bioqrafiyasına hər dəfə diqqətlə baxanda onun həyatının qəribə keçidləri, taleyinin güclü dönüşləri, elmi düşüncə ilə siyasi baxışın, milli mövqe ilə mənəvi bütövlüyün necə ahəng içində birləşdiyi insanı dərindən düşündürür. Səməd Vurğunun gözəl bir fikri var: “Cəsarət böyük yaradıcılıq məsələsidir”. Bu fikir Aygün xanımın şəxsiyyətinə xüsusi yaraşır. Çünki şəxsiyyətində bütövlük, tamlıq, əqidə saflığı olan insan öz yolunu inamla keçir, öz sözünü ləyaqətlə deyir, öz imzasını şərəflə daşıyır. Mən Aygün xanımın bütün yaradıcılığı boyunca onun cəsarətini, milli mövqeyinin sabitliyini, düşüncəsinin aydınlığını, duruşunun mətinliyini xüsusi vurğulayıram. Uzun illərdir onun mövqeyində titrəmə görünmür, səndələmə hiss olunmur, yön dəyişmə yaşanmır. Harada çalışmasından, hansı vəzifədə olmasından asılı olmayaraq, o, həm yaşadığı ölkənin, həm də doğma Vətəninin başını uca edən ziyalı Azərbaycan qadını obrazını ləyaqətlə yaşadıb.

Bəzən elə şəxsiyyətlər olur ki, onlara təşəkkür etmək üçün də, təbrik ünvanlamaq üçün də, ehtiramı ifadə etmək üçün də söz seçmək çətinləşir. Aygün xanım mənim üçün məhz belə şəxsiyyətlərdəndir. Etik və mənəvi dəyərləri həyat amalına çevirən, zəhmətkeşliyi, iradəsi, doğru bildiyi yolun arxasınca dönmədən getməsi, əqidəsinə sədaqəti, yorulmaz əməyi və ortaya qoyduğu bütün işlərdə peşəkarlığı ilə gəncliyə örnək olan bu dəyərli Azərbaycan xanımını mən uzun illərdir böyük diqqət və rəğbətlə izləyirəm. Onun fəaliyyətində elm adamının dəqiqliyi ilə yanaşı, böyük müəllim qəlbinin istiliyi, bir ana ruhunun həssaslığı, bir Vətən sevdalısının yanğısı duyulur.

Mənim Aygün xanımla tanışlığım 2021-ci ildə beynəlxalq jurnalistlərlə birlikdə Azərbaycana gəlişi zamanı olub. ADA Universitetində keçirilən beynəlxalq tədbirdə onun Azərbaycanı, onun tarixini, milli həqiqətlərimizi, Qarabağ gerçəyini beynəlxalq jurnalistlərə böyük sevgi ilə, inamla, qürurla anlatması məni dərin şəkildə təsirləndirib. Həmin gündən etibarən bu xanıma qarşı qəlbimdə böyük ehtiram yaşayıb. Azərbaycan adına danışan, Azərbaycan həqiqətlərini dünyaya ağıl, bilik, dərinlik və mədəniyyətlə çatdıran belə bir qadının varlığı insanda böyük qürur oyadır.

Çox böyük qürur hissi ilə bildirirəm ki, bu gözəl xanım eyni zamanda mənim müəllifi olduğum “Qalib Sərkərdənin böyük qayıdışı” adlı üçüncü kitabımın rəyçisidir. Bu mənim üçün həm ədəbi taleyimdə, həm də şəxsi həyatımda unudulmaz və əlamətdar hadisədir. Ötən ilin dekabr ayında kitabımın Ankarada keçirilən təqdimatında Aygün xanım ailə üzvləri ilə birlikdə iştirak etdi və tribunadan çıxışında kitaba, Zəfər ruhuna, Azərbaycanın haqq savaşına və milli yaddaşımıza verdiyi yüksək dəyəri böyük səmimiyyətlə ifadə etdi. Həmin anlar mənim yaddaşıma qürur dolu, minnətdarlıq dolu, unudulmaz bir səhifə kimi yazılıb.
Zəfərin 5 illiyinə həsr etdiyim kitabım üçün Aygün xanımdan rəyçi olmasını xahiş edəndə, o, kitabı diqqətlə oxuyub, dəyər verib və bu xahişimi qəbul etdi.Bununla da kitabıma böyük şərəf qatdı. Daha sonra təqdimatın yüksək səviyyədə təşkil olunması üçün həmin gündən etibarən Azərbaycanın Türkiyədəki səfirliyi ilə birlikdə bu tədbirin ən yüksək səviyyədə ərsəyə gəlməsi üçün xüsusi hazırlıq apardı. Bu münasibət, bu həssaslıq, bu vəfa, bu dəstək qəlbimdə ona qarşı dərin minnətdarlıq duyğusunu o qədər böyüdüb ki... Vətən sevdalısı olan belə bir xanımın bir kitaba, bir müəllifə, bir milli ideyaya bu qədər ürəklə sahib çıxması onun nə qədər yüksək mənəvi keyfiyyətə sahib olduğunu bir daha aydın göstərdi.

Bu faktların, bu örnəklərin sayını daha da uzatmaq mümkündür. Onu tanıyan hər bir həmyerlimizin, tələbəsindən tutmuş, ona dərs verən müəllimlərinə, onunla çalışan həmkarlarına, fikirlərindən güc alan insanlara qədər çoxlarının bu sətirlərlə həmfikir olacağı qənaətindəyəm. Belə sevgi qazanmaq bir ömrün ən böyük mənəvi mükafatıdır. Gəncliyində kamilləşmək isə Ulu Yaradanın seçilmiş insanlara bəxş etdiyi ali mərtəbələrdən biridir.

Hörmətli Aygün xanım, Siz uğurlu elm insanı, güclü bir ziyalı, nüfuzlu bir idarəçi kimi qəlblərdə yer tutmaqla yanaşı, eyni zamanda Azərbaycanın səsini, Türk dünyasının ortaq vicdanını, millət sevgisini, tarix şüurunu və milli yaddaşını daşıyan çox dəyərli bir şəxsiyyətsiniz. Sizin əməyiniz, duruşunuz, sədaqətiniz, nəzakətiniz və yüksək xarakteriniz hər zaman təqdirlə anılır, adınızın varlığı həm Türkiyə, həm də Azərbaycan üçün böyük qürur mənbəyinə çevrilir.Ürəyimdə Sizə qarşı o qədər böyük minnətdarlıq var ki, bunu bir neçə cümləyə sığdırmaqda çətinlik çəkirəm. Mən Sizi tanıdığıma, Sizin kimi böyük ürək sahibi, dərin düşüncəli, vətənpərvər, ziyalı bir xanımın diqqətini və dəstəyini gördüyümə görə özümü xoşbəxt sayıram. Sizin Azərbaycanın adına etdiyiniz xidmətlər mənim qəlbimdə hər zaman ən ülvi duyğularla yaşayacaq.

Hörmətli Aygün xanım, ad gününüz münasibətilə Sizə qəlbimin ən səmimi duyğuları ilə təbriklərimi çatdırıram. Sizə möhkəm can sağlığı, uzun ömür, ailə səadəti, yeni-yeni uğurlar, elmi və ictimai fəaliyyətinizdə tükənməz enerji arzulayıram. Uca Tanrı Sizi qorusun, yolunuzu daim açıq etsin, qəlbinizə rahatlıq, ömrünüzə bərəkət versin.İmzanız daim ucalarda görünsün, sözünüz daim eşidilsin, xidmətləriniz hər zaman ehtiramla anılsın. Siz Azərbaycan qadınının zəkasını, ləyaqətini, mübarizliyini və mənəvi ucalığını öz şəxsiyyətinizdə yaşadan nadir simalardansınız.
Var olun, Aygün xanım, var olun ki, Azərbaycanın adı Sizin kimi dəyərli xanımların timsalında daha da ucalır, Türk dünyasının mənəvi birliyi Sizin kimi ziyalıların varlığı ilə daha da möhkəmlənir. Var olun ki, Vətən sevgisinin necə yaşandığını, əqidəyə sədaqətin necə qorunduğunu, ləyaqətin necə ucaldığını Sizin ömür yolunuzdan şahidlik edək. Var olun ki, Azərbaycan qadınının gücü, zəkası və Vətənə bağlılığı Sizin simanızda bir örnək, bir qürur, bir məktəb kimi yaşasın və gələcək nəsillərə yol göstərsin.

Sözlərin yetmədiyi bir dəyərin qarşısında...
Dərin hörmət və ehtiramla

Aygül Bağırova ]]> admin Thu, 16 Apr 2026 09:56:48 +0000 https://manera.az/index.php?newsid=18202 https://manera.az/index.php?newsid=18202 ]]>
Ümumdünya Poçt İttifaqı (ÜPİ) tərəfindən təşkil olunan 55-ci Beynəlxalq yazı müsabiqəsinə start verilib. Azərbaycanda müsabiqənin rəsmi təmsilçisi və təşkilatçısı “Azərpoçt” MMC-dir.

“Azərpoçt” MMC-dən Manera.az-a verilən məlumata görə layihə gənclərin yazı bacarıqlarını inkişaf etdirməyə və onların fikirlərini beynəlxalq səviyyədə ifadə etməsinə imkan yaradır.

Bu ilin mövzusu: “Rəqəmsal dünyada insan əlaqələri nə dərəcədə əhəmiyyətlidir?”

İştirak qaydaları:

Müsabiqədə 9-15 yaş arası məktəblilər iştirak edə bilər;
Yazı maksimum 800 söz həcmində olmalı, əl yazısı ilə ingilis dilində yazılmalıdır;
Yazı başlıq, salamlama, əsas mətn və yekun hissədən ibarət olmaldır;
Yazının sonunda imza hissəsi (ad, soyad, ata adı. təhsil aldığı məktəb və əlaqə nömrəsi) qeyd olunmalıdır;
Süni intellektdən istifadəyə icazə verilmir və bu, müvafiq qaydada yoxlanılır;
Yazı ilə yanaşı iştirakçının yüksək keyfiyyətli fotosu (5x7 ölçüsündə çap şəklində) təqdim edilməlidir;
20 aprel 2026-cı il yazının son göndərilmə tarixidir.
Yazılar “Azərpoçt” MMC-nin Üzeyir Hacıbəyli küçəsi 72 ünvanında yerləşən İctimaiyyətlə əlaqələr şöbəsinə təqdim edilməlidir.

Əlaqə: media@azerpost.az


Ölkədaxili mərhələ: Yazılar peşəkar müəllimlər tərəfindən qiymətləndirilir, ən yaxşı 3 iş seçilir. 1-ci yerin qalibi beynəlxalq mərhələdə Azərbaycanı təmsil edir. Digər qaliblər və iştirakçılar hədiyyə və sertifikatlarla təltif olunur.

Beynəlxalq mərhələ: Ölkələrdən seçilmiş namizədlər beynəlxalq münsiflər heyəti tərəfindən qiymətləndirilir. 1, 2 və 3-cü yerlərin sahibləri qızıl, gümüş və bürünc medallarla mükafatlandırılır. Qalibə beynəlxalq tədbirdə iştirak imkanı yaradılır.


Qeyd edək ki, mövzu rəqəmsallaşma fonunda insani ünsiyyətin və emosional bağların əhəmiyyətini ön plana çəkməyə yönəlib. ]]> admin Wed, 15 Apr 2026 05:57:25 +0000 https://manera.az/index.php?newsid=18196 https://manera.az/index.php?newsid=18196 ]]>

Elm və Təhsil Nazirliyi tərəfindən həyata keçirilən “Elm və təhsil sahəsində ictimai təşəbbüslərin dəstəklənməsi” qrant müsabiqəsi çərçivəsində “Azərbaycan Jurnalistlər Şəbəkəsi” İctimai Birliyi tərəfindən “Elm və təhsil sahəsi üzrə media savadlılığının artırılmasına dəstək” layihəsinin icrasına başlanılır.

Nazirlikdən Manera.az-a bildirilib ki, layihənin əsas məqsədi elm və təhsil mövzuları üzrə ixtisaslaşmış, sahəvi biliklərə malik media nümayəndələrinin bu istiqamətdə peşəkar bacarıqlarının daha da təkmilləşdirilməsinə töhfə verməkdir.

Layihə çərçivəsində ölkə mediasında fəaliyyət göstərən jurnalistlərin iştirakı ilə ümumilikdə 10 interaktiv təlim sessiyasının keçirilməsi nəzərdə tutulur. Təlimlər qurum nümayəndələri və sahə üzrə mütəxəssislərin iştirakı ilə təşkil olunacaq.

Təlim sessiyaları zamanı aşağıdakı aktual mövzular üzrə təqdimat və müzakirələr aparılacaq:

• Təhsilin iqtisadiyyatı

• Məktəbəqədər təhsil

• Ümumi təhsil sisteminin əsasları

• Tədrisin məzmunu və dərslik siyasəti

• Yerli və beynəlxalq təhsil qiymətləndirmələri

• Ali təhsil və beynəlxalq reytinqlər

• Təhsildə rəqəmsallaşma

• Elmi islahatlar

• Təhsildə keyfiyyət təminatı

• Elmi-pedaqoji jurnalistika

Təlimlərdə hazırda ölkə mediasında fəaliyyət göstərən jurnalistlər iştirak edə bilərlər. Maraqlanan şəxslər qeyd olunan mövzularla tanış olduqdan sonra xüsusi müraciət forması vasitəsilə qeydiyyatdan keçməlidirlər. Qeydiyyatın ilkin mərhələsi 30 apreldə yekunlaşacaq.

Qeydiyyatdan keçmiş namizədlər arasından seçiləcək iştirakçılara təlimlərin vaxtı və məkanı barədə əvvəlcədən fərdi şəkildə məlumat veriləcək. Təlimlər may ayından başlayaraq ilboyu davam edəcək.

Sual və təkliflər üçün mediaschool@ajn.az ünvanına yazmaq olar.

]]> admin Mon, 13 Apr 2026 10:14:46 +0000 https://manera.az/index.php?newsid=18195 https://manera.az/index.php?newsid=18195 ]]>
Misirdə Azərbaycan dilinə maraq günbəgün artır. Qahirə şəhərində fəaliyyət göstərən Misir-Azərbaycan Dostluq Cəmiyyəti nəzdində Azərbaycan dili kurslarının yeni müdavimləri ilə görüş keçirilib.

Manera.az xəbər verir ki, görüşdə çıxış edən Cəmiyyətin sədri və Dünya Azərbaycanlı Alimlər Birliyinin həmsədri, tədqiqatçı-alim Seymur Nəsirov tələbələrə Azərbaycanın tarixi, zəngin mədəni irsi, ədəbiyyatı və müasir inkişafı barədə ətraflı məlumat verib. O bildirib ki, Azərbaycan dilinə artan marağın nəticəsi olaraq kurslara 200-dən çox müraciət daxil olub. Onlardan 45 nəfər üçün yeni qruplar təşkil olunub.

Qeyd olunub ki, kurs iştirakçıları arasında yalnız misirlilər deyil, müxtəlif ölkələrin vətəndaşları da yer alır.

Cəmiyyətdəki kurslarda Azərbaycan dilini tədris edən İnarə Osmanova tələbələrə dilimizin əhəmiyyəti və ərəb dili ilə oxşar xüsusiyyətləri barədə məlumat verib.

Hazırda Cəmiyyət nəzdində fəaliyyət göstərən müxtəlif kurslarda 61 ölkədən 670-dən çox tələbə ödənişsiz əsaslarla təhsil alır. Tədris proqramına Azərbaycan dili ilə yanaşı, xəttatlıq, ərəb dili və ədəbiyyatı, “Qurani-Kərim”in qiraəti, xalçaçılıq, muğam sənəti və digər istiqamətlər daxildir. ]]> admin Mon, 13 Apr 2026 10:11:31 +0000 https://manera.az/index.php?newsid=18187 https://manera.az/index.php?newsid=18187 ]]>
Türkiyədə Azərbaycanın tarixinə həsr olunan yeni kitab işıq üzü görüb.

Modern.az xəbər verir ki, Okan Yeşilot və Zeynep Akarslanın müəllifi olduğu “Azərbaycanın qədim şəhərləri” (Azerbaycan’ın Kadim Şehirleri) adlı kitab “Türk Tarih Kurumu” tərəfindən nəşr edilib.

150 səhifəlik kitab türk dilində hazırlanıb və “Cümhuriyyətin yüzüncü ili armağanı” seriyasında təqdim olunub.

Nəşrdə Azərbaycanın qədim şəhərlərinin tarixi və mədəni irsi araşdırılıb.
]]> admin Sun, 12 Apr 2026 15:25:59 +0000 https://manera.az/index.php?newsid=18186 https://manera.az/index.php?newsid=18186 ]]>
Zaman hər kəsin üzərindən keçir, hər ömür isə zamanın yaddaşında iz buraxa bilmir. Elə ömürlər var ki, illərlə ölçülmür, cəmiyyətin yaddaşında qazandığı yer ilə dəyər qazanır. Belə ömürlər haqqında yazarkən söz daha məsuliyyətli səslənir. Çünki burada bir insanın həyat yolu təsvir olunmur, burada bir düşüncənin, bir mövqenin, bir mənəvi xəttin tarixlə qovuşması təqdim edilir.

Azərbaycanın elmi fikrində, müəllimlik ənənəsində və ictimai-siyasi həyatında bu yükü ləyaqətlə daşıyan simalardan biri – professor, Milli Məclisin deputatı Fəzail İbrahimlidir.

12 aprel 1951-ci ildə Yardımlı rayonunun Çanaqbulaq kəndində dünyaya gələn Fəzail İbrahimli həyat yoluna sadə mühitdən başlayaraq mənəvi ucalığa yüksəldən ziyalılardandır. Azərbaycan Dövlət Pedaqoji İnstitutunun Tarix fakültəsində aldığı ali təhsil onun gələcək fəaliyyətinin möhkəm əsasına çevrilib. Əmək fəaliyyətinə orta məktəbdə müəllim kimi başlayaraq düşüncə formalaşdıran pedaqoq, ziyalı kimi tanınıb.

Onun həyatında xüsusi yer tutan məqamlardan biri öz sözləri ilə ifadə etdiyi bu fikirdə əksini tapır: “Mən 1982-ci ilin may ayında Bakı Dövlət Universitetinə müəllim təyin edilmişəm.” Bu cümlə bir fakt olmaqla yanaşı, bütöv bir ömrün istiqamətini müəyyənləşdirən başlanğıc kimi dəyərləndirilir. Həmin mərhələdən etibarən fəaliyyəti auditoriyalardan başlayaraq elmi düşüncənin formalaşmasına, gənc nəslin dünyagörüşünün zənginləşməsinə xidmət edən geniş müstəviyə yayılıb.

Uzun illər Bakı Dövlət Universitetində müəllim, baş müəllim, dosent və professor kimi fəaliyyət göstərən Fəzail İbrahimli yüzlərlə tələbənin yetişməsində, onların milli düşüncə ilə formalaşmasında mühüm rol oynayır. Onun müəllimlik fəaliyyəti peşə çərçivəsini aşaraq bir missiya kimi davam edib. Bu missiyanın mahiyyəti tarixə yalnız keçmişin hadisələri kimi yanaşmamaq, onu milli yaddaşın və dövlətçilik təfəkkürünün əsas dayağı kimi təqdim etməkdən ibarətdir.

Elmi fəaliyyəti də bu xətt üzrə inkişaf edib. O, 100-dək elmi əsərin, monoqrafiya, dərslik və dərs vəsaitlərinin müəllifi kimi tarix elminin müxtəlif istiqamətlərində sanballı tədqiqatlar aparıb. Onun əsərlərində tarix cəmiyyətin inkişaf qanunauyğunluqlarını əks etdirən canlı bir sistem kimi təqdim olunur. Bu yanaşma dərin təfəkkürün və geniş dünyagörüşün göstəricisidir.

İctimai-siyasi fəaliyyətində də eyni prinsipial mövqe ilə seçilib. Uzun illər Milli Məclisdə təmsil olunaraq parlament həyatında fəal iştirak edib, müxtəlif dövrlərdə məsul vəzifələr daşıyıb, parlament rəhbərliyində yer alıb. Bu gün də deputat kimi fəaliyyəti dövlətçilik maraqlarına sədaqət, milli dəyərlərə bağlılıq və ölçülü çıxışlarla yadda qalır.

Onun çıxışlarında aydın hiss olunan əsas xətt sözün məsuliyyətidir. Hər fikir məntiqə, təhlilə və dövlətçilik düşüncəsinə söykənir. Bu xüsusiyyət onun ictimai nüfuzunu formalaşdıran başlıca amillərdəndir.

Fəzail İbrahimlinin ifadə etdiyi kimi, “ziyalı olmaq cəmiyyət qarşısında məsuliyyət daşımaqdır.” Bu fikir onun həyat yolunun əsas prinsipinə çevrilib. Müəllimlik fəaliyyəti, elmi tədqiqatları və ictimai mövqeyi bu prinsipin canlı təcəssümü kimi çıxış edir.
Onun ömür yoluna nəzər saldıqda diqqəti cəlb edən əsas məqamlardan biri daxili bütövlükdür. Müxtəlif sahələrdə fəaliyyət göstərməsinə baxmayaraq, şəxsiyyətində alimlik, müəllimlik və vətəndaş mövqeyi vahid bir sistemdə birləşir. Bu sistem səmimiyyət, məsuliyyət və mənəvi dayanıqlıq üzərində qurulub.

Belə ömürlər cəmiyyət üçün mənəvi dayaq rolunu daşıyır. Zamanın dəyişən şərtləri fonunda sabitlik gətirir, dəyərlərin qorunmasına xidmət edir və gələcək nəsillər üçün istiqamət müəyyənləşdirir.

Bu yazını burada bitirmək çətindir. Çünki Fəzail müəllim haqqında söz açdıqca qəlbindəki münasibətin səsi də eşidilir.
Uzun illərdir sizi yaxından tanıyaraq həyatımın müxtəlif məqamlarında yanımda doğma bir nəfəs hiss etmişəm, Fəzail müəllim. Bu doğmalıq illərin sınağından keçərək mənəvi bağlılığa çevrilib. Sizi düşündükcə qəlbimdən keçən ilk fikir belə formalaşır: bu ölkənin dayaq nöqtələri məhz sizin kimi aydın insanların çiyinlərində dayanır.

Sizdə müəllimin təmkinini, alimin dərinliyini, ata qayğısını və səmimiyyəti bir arada görmüşəm. Bu böyük şəhərdə yolumu aydınlaşdıran, sözü ilə istiqamət verən, bəzən bir baxışı ilə insanı düşüncəyə çəkən bir şəxsiyyət kimi yaddaşıma əbədi həkk olunmusunuz.

Bəzən insan həyatında elə məqamlar yaranır ki, bir söz, bir münasibət, bir diqqət onun yoluna işıq tutur. Sizin varlığınız mənim üçün məhz belə bir dayaq, belə bir istiqamət mənbəyidir.

Bu gün – doğum gününüzdə qəlbimdən gələn dua aydındır: Uca Tanrı sizə möhkəm can sağlığı, aydın təfəkkür, güclü ruh və uzun ömür nəsib etsin. Elmdə, müəllimlikdə, ictimai fikirdə və parlament həyatında qazandığınız sanbal yeni nəsillərə örnək olaraq yaşasın, yolunuza işıq saçmaqda davam etsin.

Çünki bəzi ömürlər yaşanıb bitmir…bəzi ömürlər zamanın yaddaşında işığa çevrilir…və o işıq illər keçdikcə daha uzaqlara yol göstərir.

Aygül Bağırova,
Manera.az


]]> admin Sun, 12 Apr 2026 15:21:48 +0000 https://manera.az/index.php?newsid=18175 https://manera.az/index.php?newsid=18175 ]]>
Aprelin 2-də Akademik Milli Dram Teatrında Aprel döyüşlərinin 10-cu ildönümünə həsr olunmuş “Zəfər Yolu” layihəsinin təqdimatı keçirilib.

Layihə Mədəniyyət Nazirliyinin dəstəyi ilə, “Zəfər” Şəhid Ailələrinə Dəstək İctimai Birliyinin təşkilatçılığı, Veysəloğlu Şirkətlər Qrupunun sponsorluğu və Mədəniyyət TV-nin media tərəfdaşlığı ilə həyata keçirilir.

Tədbirdə dövlət və hökumət rəsmiləri, deputatlar, şəhid ailələri və qazilər, ictimaiyyət və media nümayəndələri iştirak ediblər.
Çıxış edənlər – mədəniyyət nazirinin müavini Fərid Cəfərov, “Zəfər” Şəhid Ailələrinə Dəstək İctimai Birliyinin sədri Sevinc Orucova, Veysəloğlu Şirkətlər Qrupunun sədr müavini İlqar Nuri, şəhid anaları Ziba Əsgərova və Zeynəb Bayramova – Aprel döyüşlərinin Azərbaycan Ordusunun sonrakı Zəfərinə aparan yolun başlanğıcı olduğunu vurğulayıb, şəhidlərin əziz xatirəsini ehtiramla yad ediblər.

Tədbir çərçivəsində şəhidlərin xatirəsinə ithaf olunmuş “Xatirələr muzeyi” adlı ədəbi-bədii kompozisiya təqdim olunub.



]]> admin Sat, 04 Apr 2026 17:49:08 +0000 https://manera.az/index.php?newsid=18174 https://manera.az/index.php?newsid=18174 ]]>

“Modern İnkişaf və Ailə” İctimai Birliyi tərəfindən Müharibə, Əmək və Silahlı Qüvvələr Veteranları Təşkilatında şəhid ailələrinin, veteranların, ziyalıların, media və ictimaiyyət nümayəndələrinin iştirakı ilə geniş tərkibli tədbir keçirilib.

Manera.az xəbər verir ki, tədbir Azərbaycan Respublikasının Dövlət Himninin səsləndirilməsi ilə başlanıb, Ümummilli Lider Heydər Əliyevin və Vətən uğrunda canını fəda etmiş şəhidlərin əziz xatirəsi bir dəqiqəlik sükutla yad edilib.

Tədbiri giriş nitqi ilə açan Müharibə, Əmək və Silahlı Qüvvələr Veteranları Təşkilatının sədri, polkovnik Cəlil Xəlilov “Modern İnkişaf və Ailə” İctimai Birliyinin ölkənin ictimai həyatındakı rolundan bəhs edib, təşkilatın milli-mənəvi dəyərlərin qorunması və təbliği istiqamətində gördüyü işləri yüksək qiymətləndirib. O bildirib ki, birlik öz fəaliyyəti ilə milli maraqların müdafiəsinə, dövlət siyasətinin təbliğinə və gənc nəslin vətənpərvərlik ruhunda formalaşmasına mühüm töhfələr verir.

Cəlil Xəlilov qeyd edib ki, təşkilatın sədri Zərifə Quliyevanın rəhbərliyi ilə həyata keçirilən çoxşaxəli fəaliyyət çərçivəsində şəhid ailələrinə, qazilərə və həssas kateqoriyadan olan vətəndaşlara mütəmadi diqqət göstərilir, sosial və mənəvi dəstək istiqamətində ardıcıl iş aparılır. O, Zərifə Quliyevanın ictimai fəaliyyətini xüsusi vurğulayaraq, bu xidmətlərin dövlət səviyyəsində qiymətləndirilməsinin əhəmiyyətini diqqətə çatdırıb.

Çıxışının sonunda təşkilata yeni qəbul ediləcək üzvləri təbrik edib, natiq onların gələcək fəaliyyətlərində uğurlar arzulayıb, dövlətçilik ideallarına sədaqətlə xidmət edəcəklərinə inamını ifadə edib.

Tədbirdə çıxış edən “Modern İnkişaf və Ailə” İctimai Birliyinin sədri Zərifə Quliyeva yeni üzvləri səmimi təbrik edib, təşkilatın ötən dövrdə həyata keçirdiyi layihələr və qarşıda duran prioritet istiqamətlər barədə ətraflı məlumat verib. O vurğulayıb ki, təşkilatın sıralarına qoşulan şəxslər arasında şəhid ailələrinin üzvlərinin və qazilərin yer alması xüsusi qürur hissi doğurur.

Zərifə Quliyeva qeyd edib ki, ölkənin müstəqilliyi, ərazi bütövlüyü və təhlükəsizliyi uğrunda mübarizə aparmış qəhrəmanların xidmətləri hər zaman yüksək ehtiramla anılır və bu istiqamətdə həyata keçirilən fəaliyyətlər davamlı xarakter daşıyır. O, Ulu Öndər Heydər Əliyevin ideyalarının yaşadılmasının və Azərbaycan Respublikasının Prezidenti İlham Əliyevin rəhbərliyi ilə həyata keçirilən siyasətin dəstəklənməsinin təşkilatın fəaliyyətində əsas istiqamətlərdən biri kimi qəbul edildiyini bildirib.

Tədbirin davamında “Modern İnkişaf və Ailə” İctimai Birliyinə yeni qəbul edilən üzvlərə üzvlük vəsiqələri təqdim olunub, onlara xatirə hədiyyələri verilib.

Sonda tədbir iştirakçıları ilə birgə xatirə şəkli çəkdirilib.

Qeyd edək ki, “Modern İnkişaf və Ailə” İctimai Birliyi respublika səviyyəsində müxtəlif layihələr və tədbirlər həyata keçirir, xüsusilə şəhid ailələri və qazilərlə bağlı sosial və vətənpərvərlik yönümlü təşəbbüslər təşkilatın fəaliyyətində əsas yer tutur. Bu istiqamətdə layihələrin cari ildə də davam etdirilməsi nəzərdə tutulur.




]]> admin Fri, 03 Apr 2026 19:02:36 +0000 https://manera.az/index.php?newsid=18169 https://manera.az/index.php?newsid=18169 ]]>
“2016-cı ilin Aprel döyüşlərindən artıq 10 il ötür. Tarixin yaddaşına dörd günlük savaş kimi həkk olunan bu hərbi-siyasi hadisə əslində təkcə cəbhə xəttində qazanılmış taktiki üstünlük deyildi. Bu döyüşlər Azərbaycanın gələcək böyük zəfərlərinin, xüsusilə 2020-ci ilin 44 günlük Vətən müharibəsində qazanılan möhtəşəm Qələbənin siyasi, mənəvi və strateji bünövrəsi oldu. Aprel döyüşləri illərlə erməni ordusu ətrafında formalaşdırılmış “məğlubedilməzlik” mifini darmadağın etdi, Azərbaycan xalqında isə qələbəyə sarsılmaz inam yaratdı”.

Bunu Milli Məclisin deputatı Fəzail İbrahimli deyib.

Onun sözlərinə görə, uzun illər ərzində Azərbaycan cəmiyyətində belə bir ümid vardı ki, beynəlxalq hüquq, BMT qətnamələri və ATƏT-in Minsk qrupu vasitəsilə torpaqların işğaldan azad olunması mümkün olacaq. “Lakin zaman keçdikcə aydın oldu ki, beynəlxalq təşkilatlar və böyük güclər problemi həll etməkdən daha çox onu dondurmaq, bölgədə təsir rıçaqlarını saxlamaq niyyətindədirlər. Məhz bu reallıq Azərbaycanın siyasi iradəsini daha da möhkəmləndirdi: torpaqları yalnız dövlətin gücü, xalqın birliyi və lider qətiyyəti azad edə bilər”, - o vurğulayıb.

Deputat bildirib ki, bu mərhələdə Prezident, Müzəffər Ali Baş Komandan İlham Əliyevin həyata keçirdiyi uzaqgörən strateji kurs xüsusi tarixi əhəmiyyət daşıdı: “Diplomatik masada danışıqları davam etdirən Azərbaycan paralel şəkildə ordusunu modernləşdirdi, hərbi gücünü artırdı, beynəlxalq müstəvidə siyasi mövqelərini möhkəmləndirdi. Dövlətin iqtisadi qüdrəti gücləndikcə, hərbi arsenal da yeni mərhələyə qədəm qoydu. Bu, Aprel döyüşlərində öz real nəticəsini göstərdi.

Aprel savaşları həm də milli psixologiyanın dönüş nöqtəsi idi. Azərbaycanın işğalla heç vaxt barışmayacağını dünyaya daha əvvəl qəhrəman Mübariz İbrahimovun misilsiz şücaəti nümayiş etdirmişdisə, 2016-cı ilin aprelində bunu bütöv bir ordu təsdiqlədi. Azərbaycan əsgəri sübut etdi ki, illərlə yaradılmış saxta miflər, düşmən ordusu barədə şişirdilmiş təsəvvürlər reallıq qarşısında heç nədir. Cəmi dörd gün ərzində əldə edilən uğurlar xalqın qələbə ruhunu oyatdı, “Böyük Zəfər mümkündür” düşüncəsini milli şüura həkk etdi.

Məhz bu baxımdan Aprel döyüşləri İkinci Qarabağ müharibəsinin siyasi və mənəvi məşqi idi. 2020-ci ildə Azərbaycan ordusu 44 gün ərzində tarixi ədaləti bərpa edərkən, həmin qələbənin mənəvi başlanğıcı məhz 2016-cı ilin aprelində qoyulmuşdu. Aprel döyüşləri göstərdi ki, Azərbaycan artıq təkcə müdafiə olunan tərəf deyil, strateji təşəbbüsü ələ almağı bacaran, hədəfə doğru irəliləyən qalib dövlətdir.

Ölkə.az ]]> admin Fri, 03 Apr 2026 15:22:47 +0000 https://manera.az/index.php?newsid=18162 https://manera.az/index.php?newsid=18162 ]]>

Mayın 14-15-də Heydər Əliyev Fondu və Mədəniyyət Nazirliyinin təşkilatçılığı ilə Şuşada "Xarıbülbül" IX Beynəlxalq Musiqi Festivalı keçiriləcək.

Builki festival da maraqlı proqram və dünyanın müxtəlif ölkələrindən istedadlı incəsənət xadimlərinin təqdimatları ilə yadda qalacaq.

Festivalın əsas məqsədlərindən biri mədəni dialoqun inkişafına töhfə vermək və musiqiçilər arasında yaradıcılıq mübadiləsini təşviq etməkdir. Məhz bu səbəbdən zəngin mədəniyyət hadisəsi olan "Xarıbülbül" Beynəlxalq Musiqi Festivalına Azərbaycan ifaçıları və musiqi kollektivləri ilə yanaşı, ABŞ, Qazaxıstan, Özbəkistan, Türkmənistan, Yaponiya və digər ölkələrdən incəsənət nümayəndələri dəvət alıblar.

Festivala mayın 14-də Cıdır düzündəki konsertlə start veriləcək. Tədbir iki gün ərzində Şuşanın bir sıra məkanlarını əhatə edəcək.

Şuşanın rəmzi olan gülün adını daşıyan "Xarıbülbül" musiqi festivalı 1989-cu ildən keçirilir. Festival həmin il may ayında məşhur xanəndə, pedaqoq, Xalq artisti Seyid Şuşinskinin 100 illik yubileyi ilə əlaqədar Ağdam rayonunun Abdal Gülablı kəndində başlayıb, Şuşada davam edib və Ağdamda yekun konsertlə başa çatmışdı. 1990-cı ildən isə "Xarıbülbül" festivalı beynəlxalq status alıb. Qarabağ münaqişəsi dövründə əsas konsertlər Ağdamda təşkil edilib. Festivalın bir sıra konsertləri Bərdə və Ağcabədidə də keçirilib.

Vətən müharibəsindəki tarixi zəfərimizlə torpaqlarımız işğaldan azad olunduqdan sonra festival yenidən Şuşaya qayıdıb. Festivalın bəzi konsertləri Laçın şəhərində də olub.

Dünyanın bir çox ölkələrindən çoxsaylı musiqiçilərin iştirak etdiyi bu dostluq və musiqi bayramı mədəni irsimizin zəngin ənənələrinin qorunub saxlanılması ilə yanaşı, mədəniyyətlərarası dialoqun möhkəmləndirilməsinə öz töhfəsini verir. ]]> admin Wed, 01 Apr 2026 13:44:04 +0000