https://manera.az/ Medeniyyet - Manera.Az DataLife Engine https://manera.az/index.php?newsid=18307 https://manera.az/index.php?newsid=18307 ]]>
Mədəniyyət Konsepsiyasının əsas məqsədi mədəniyyətə əlçatanlığın təmin edilməsidir, inklüzivlik məsələsidir. Təsisatların inklüzivliyi xüsusilə önəmlidir.

Manera.az xəbər verir ki, bunu mədəniyyət naziri Adil Kərimli iyunun 10-da Milli Məclisdə keçirilən “Kitabxana sisteminin mövcud vəziyyəti və inkişaf perspektivləri” mövzusunda ictimai müzakirədə çıxışı zamanı deyib.

“Buna görə də həm infrastrukturun, həm də kadr potensialının gücləndirilməsi və fondların zənginləşdirilməsi önəmlidir. Məzmunla bağlı ciddi mövzular var. Məzmun yaradan sistemə daha çox diqqət yetirməliyik. Eyni zamanda, cəmiyyətdə kitaba olan həvəsin, yanaşmanın, oxu mədəniyyətinin formalaşdırılması mühüm məsələdir. ]]> Mehemmed Wed, 10 Jun 2026 09:27:12 +0000 https://manera.az/index.php?newsid=18294 https://manera.az/index.php?newsid=18294 ]]>
Azərbaycan Mədəniyyəti 2040 Mədəniyyət konsepsiyası nazirliyin qarşısına konkret öhdəliklər qoyub.

Bunu mədəniyyət naziri Adil Kərimli “Real TV”ə müsahibəsində bildirib.

Nazir bildirib ki, bu konsepsiya ilə ilk dəfə olaraq Azərbaycan dili Azərbaycan mədəniyyətinin müstəqil sahəsi kimi müəyyən edilib:

Mədəniyyət nazirliyi bu sahədə ciddi işlərə başlayıb:

“Bu, əslində, həqiqətən ciddi bir yanaşmadır. Bizim, xüsusilə Azərbaycan dilinə olan yanaşmamızı, onun mədəniyyətdə oynadığı rolu, funksionallığını ifadə etmək üçündür. Bu istiqamətdə Mədəniyyət Nazirliyi olaraq artıq ciddi işlərə başlanılmışdır. Bunların əsasında isə Azərbaycan dilinin və ədəbiyyatının inkişafı ilə bağlı dövlət proqramının hazırlanması durur”.

A.Kərimli qeyd edib ki, bu fəaliyyət qısa müddətdə mütəxəssislərlə birlikdə Azərbaycan dilinin inkişafını, onun nəinki ölkəmizdə, həm də regionda əsas ünsiyyət vasitəsi kimi rolunun artmasını, beynəlxalq mədəni mübadilədə onun rolunun və yerinin artmasını və onun xüsusi şəklinin müəyyən edilməsini, eyni zamanda qloballaşan dünyada, xüsusi rəqəmsal platformalarda Azərbaycan dilinin öz üstünlüyünün və öz yerinin müəyyən edilməsi ilə bağlı artıq konkret nəticələri proqnozlaşdırmağa və həyata keçirməyə imkan verəcəkdir.

Fatimə,
Manera.az

]]> Mehemmed Sun, 24 May 2026 19:53:44 +0000 https://manera.az/index.php?newsid=18288 https://manera.az/index.php?newsid=18288 ]]>
Türkiyənin Antalya və Hatay şəhərlərində Azərbaycan Respublikasının Türkiyədəki Səfirliyinin nəzdindəki Azərbaycan Mədəniyyət Mərkəzinin layihəsi çərçivəsində “Azərbaycan sənət həftəsi” keçirilib. Layihə çərçivəsində Azərbaycan tarixi, ədəbiyyatı və mədəniyyətinin tanıdılmasına həsr olunan bir sıra tədbirlər təşkil edilib.

Manera.az xəbər verir ki, Antalyada keçirilən tədbirlər zamanı Azərbaycan tarixi və mədəniyyətinə dair nəşrlərdən ibarət zəngin kolleksiya Antalya Şəhər Kitabxanasında yaradılmış “Azərbaycan guşəsi”nə hədiyyə olunub. Kitabxanaya, həmçinin azərbaycanlı rəssam Arzu Əsgərovun Türk dünyasının görkəmli şəxsiyyətləri – böyük Azərbaycan şairi Nizami Gəncəvi və türk şairi Yunus Əmrənin portretləri təqdim edilib.

“Azərbaycan sənət həftəsi” çərçivəsində azərbaycanlı sənətçilərin iştirakı ilə konsert proqramı da təşkil olunub. Tədbirlərdə Antalya Şəhər Kitabxanasının müdiri Oğuzhan Ceylan, Azərbaycan səfirliyinin müşaviri Füzuli Məcidli, Azərbaycan Mədəniyyət Mərkəzinin direktoru Samir Abbasov, Antalya Azərbaycan Mədəniyyət və Həmrəylik Dərnəyinin sədri Azər İsmayıl və Antalya Kepez Bələdiyyəsi sədrinin müavini Evrim Yalçın çıxış ediblər.

Çıxışlarda Azərbaycan ilə Türkiyə arasında qardaşlıq münasibətlərinin önəmi vurğulanıb, mədəni layihələrin ortaq dəyərlərin yaşadılması və gələcək nəsillərə ötürülməsi baxımından mühüm rol oynadığı bildirilib.

“Azərbaycan sənət həftəsi” çərçivəsində tədbirlər Türkiyənin Hatay bölgəsində də davam etdirilib. Azərbaycan Mədəniyyət Mərkəzinin direktoru Samir Abbasov Hatay İl Mədəniyyət və Turizm Müdiri Abdullah Dinç ilə görüşərək mədəni əməkdaşlığın genişləndirilməsi, ortaq dəyərlərin beynəlxalq festivallarda tanıdılması, birgə sərgi və konsertlərin təşkili istiqamətində fikir mübadiləsi aparıb.

Daha sonra Hatay İl Mədəniyyət və Turizm Müdirliyinin nəzdində fəaliyyət göstərən Cəmil Meriç İl Xalq Kitabxanası və Hatayda aparılan arxeoloji qazıntılar zamanı aşkarlanan mozaika əsərlərindən ibarət sərgi ziyarət olunub.

Layihə çərçivəsində Azərbaycan dövləti, tarixi, ədəbiyyatı və incəsənətinə dair 100 seçilmiş nəşr Hatay Mustafa Kamal Universitetinin kitabxanasında yaradılmış “Azərbaycan bölümü”nə hədiyyə edilib.

Tədbirlər çərçivəsində universitetdə “Dünəndən bu günə Azərbaycan–Türkiyə münasibətləri: dildən sənətə uzanan bir qardaşlıq bağı” mövzusunda elmi panel də təşkil olunub. Paneldə Azərbaycan və Türkiyədən alimlər, ziyalılar və mütəxəssislər iştirak ediblər.

Universitetin müəllimi, doktor Nəzrin Əlizadənin moderatorluğu ilə keçirilən paneldə Azərbaycan–Türkiyə strateji müttəfiqliyi, tarixi və mədəni əlaqələr geniş müzakirə olunub. Tədbirdə Füzuli Məcidli, Samir Abbasov, professor Qiyas Şüküroğlu və professor Əli Əskər mövzu ilə bağlı məruzələrlə çıxış ediblər. Panel interaktiv müzakirələrlə davam edib, tələbələrin sualları cavablandırılıb. ]]> Mehemmed Sat, 23 May 2026 06:29:25 +0000 https://manera.az/index.php?newsid=18286 https://manera.az/index.php?newsid=18286 ]]>
Beynəlxalq sazişlər çərçivəsində görülən tədbirlərə baxmayaraq, tarixi məkanlar hələ də təhlükə altındadır.

Bunu WUF13 çərçivəsində keçirilən “Dayanıqlı və İlhamlandırıcı Mədəniyyətin Yenidən Canlandırılması Modeli” mövzusunda panel sessiyasında Azərbaycan Respublikasının mədəniyyət nazirinin müavini Fərid Cəfərov deyib.

O bildirib ki, zəngin mədəni irsin qorunmasına ciddi ehtiyac var.

Nazir müavininin sözlərinə görə, mədəni irsin qorunması yalnız mədəni məsələ deyil, eyni zamanda mühüm öhdəlikdir. Bu baxımdan həyata keçirilən təşəbbüslər böyük məsuliyyət daşıyır.

Prezident İlham Əliyevin rəhbərliyi ilə azad olunmuş ərazilərdə genişmiqyaslı bərpa proqramları həyata keçirilir. Mədəni irs abidələri və digər infrastruktur obyektləri yenidən qurulur, bölgədə həyat tədricən bərpa olunur.

O qeyd edib ki, azad edilmiş ərazilərdə aparılan bərpa və yenidənqurma işləri sürətlə davam etdirilir.

]]> Mehemmed Thu, 21 May 2026 12:18:46 +0000 https://manera.az/index.php?newsid=18275 https://manera.az/index.php?newsid=18275 ]]>

Dünya şöhrətli Şekspirin "KRAL Lirin qfaciəsi" Azərbaycan Akademik Milli Dram teatrında gürcü rejissoru DAVİD SAKVARELİDZEnın quruluşunda premyerası baş tutdu. Əsərin əsas ideyası yalan və yaltaqlıqdan kənarda əsl həqiqətin aranması, nizamla xaosun toqquşmasıdır.

Tamaşa, Res.xalq artisti Nurəddin Mehdixanlının yubileyinə həsr olunmuşdu. Qeyd edək ki, rejissor həm də musiqi tərtibatını da hazırlamışdı.

Gürcü rejissorunun maraqlı dəst xətti elə ilk səhnələrdən öz kreativliyi ilə diqqəti cəlb etdi. Dekor, səhnə tərtibatı, musiqi duyumu, aktyor seçimi, səhnələrdəki dinamika, əsərə uyğun mistik abu hava bütövlükdə əsərin monumentallığını vurğulayırdı ki, tamaşaçı tədricən hadisələrin mərkəzinə yönəlirdi.

Əlbəttə ki, Kral Liri hər rejissor öz baxış bucağından görür və müəllif bunun üçün də yetərincə zəmin yaradıb... Və bu rejissorun tərtibatı da növbəti yenilikdir.

Dəyərli sənətkarımız Nurəddin Mehdixanlının Kral Liri də bir başqadır... Məhz ömrünün bu çağında onu oynamağın sevincini yaşamaq da hər aktyora nəsib olmur... Aktyor nəhəng bir obraz yaratmalıdır!

Yaradır da! Onun Kral Liri səhnədən səhnəyə dəyişdikcə, cizgilər də dəyişir, xarakterin daha incə məqamları üzə çıxır. Nurəddin Mehdixanlının çiyinlərində illərin səhnə təcrübəsi var və o məhz bu gün arxayınca Krala səhnə həyatı verir. Aktyor indiyədək oynadığı bütün obrazlarında qoyduğu yüksək hədəfə doğru can atıb və tamaşaçı da bunu yüksək qiymətləndirib. Kral Lirin həyatında, mənəviyyatında baş verən psixoloji gərginliklər, ailə məcrasındakı sədaqətsizlik, hiylə, yaltaqlıq, ata övlad münasibəti, var dövlət davası və s... Bunlar hamısı yaşanır və nəticə faciə ilə sonlanır!
Digər obraz Qraf Qlosteri res.xalq artisti Sabir Məmmədov canlandırır. Artıq tək yerişi belə, onun haqqındakı ilk təsəvvürümüzü asanlaşdırır.
Obraz xarakter etibarı ilə maraqlıdır. Və məhz bu aktyorun oyununda maraq ikiqat artır.
O da əslində Krala bənzəyir... Ata-övlad münasibətindəki düzgün qərara varmaması, həqiqətə kor olması, yalnız böyük səhvlər zəminində saflığa can atması tamaşa boyu yaşanır.

Aktyor Sabir Mammadov, obrazının ən xırda cizgilərini belə özünəməxsusluqla ötürə bilir... Nə qədər rejissor dəst xətti zəngindirsə, bir o qədər də obraza can, qan verib onu bizə ötürməyi, öz ruhundan keçirib canlandıran aktyorun əməyi danılmazdı.
Aktyorun tamaşa boyu qulaqlarımızdan birbaşa ruhumuza xitab edən səsi də tamaşada bir başqa ahəng yaradır.
Res.əməkdar artisti Münəvvər Əliyeva bu dəfə yeni ampluada bizi qarşılayır.Onun Qonerilyası ilk baxışdan deyil də, tədricən kimliyini sübut edir. Aktrisa, səhnədə həmişəki kimi maraqlıdır, istedadına arxalanır və nəticədə obrazın tamlığına nail olur. Tamaşaçı onun amplua sərhədinin olmadığına şahid olur. Münəvvər Əliyeva bu dəfə də obrazını sözün əsl mənasında sevdirə bildi.
Digər obraz Qraf Kent Res.əməkdar artisti Elşən Rüstəmov! Aktyorun illərdi ki, teatrda canlandırdığı obrazlar qalereyasında yeni bir nəfəs! Rejissor bu obrazı məhz ona həvalə etməkdə əsla yanılmayıb... Aktyor obrazının bitkin alınması üçün təcrübəsinə arxalanır... Rejissorun fikirlərinə əsaslanıb cızdığı yolda o öz mənini obraz vasitəsilə bizə asanlıqla ötürür. Nəticədə, obraz onun ifasında sevilir və qəbul olunur.
Və nəhayət, Res.əməkdar artisti Anar Heybətov! Uzun illərdi ki ,teatrımızın Müşfiqini canlandıran, ona ruhundan, canından, qanından pay verən bir teatr fədaisi kimi qalıb yaddaşlarımızda!

Bu dəfə gürcü rejissoru ona Hersoq Kornuolu həvalə etdi. Aktyorun maraqlı oyun tərzi, obrazına xüsusi yanaşması diqqətdən yayınmadı. Ümumiyyətlə aktyorun hər dəfə yeni obrazda çıxışı yaddaqalan olur, obrazın böyük ya kiçikliyindən asılı olmayaraq... Məncə faktura ilə istedadın birləşməsi buna xüsusi zəmin yaradır ki, Anar Heybətov da bundan səhnədə yetərincə faydalanır.

Digər aktrisalar: İlahə Həsənova, Rəbbilə Ələkbərzadənin oyununu xüsusi vurğulamaq istəyirəm. Hər iki aktrisa öz maraqlı oyun üslubu ilə tamaşada sevildi. Düşünürəm ki, belə bir əsərdə rol almaları onların hər ikisi üçün yeni bir yaradıcı mərhələ olacaq.
Aktyorlar Elnar Qarayev, Tural İbrahimov, Vüsal Mustafayev, Elçin Nurəliyev, Əliulla Vəliyev və Rəvan Səmədov öz obrazları ilə tamaşaya xüsusi rəng qatdılar ki, bu da tamaşanın bütövlüyünə xidmət edən vacib nüansdır.

Təlxək rolunda olan Elsevər Rəhimov da bu missiyadan kənarda qalmadı desək, doğru olar.
Balaca Kordeliya Aylin Həşimova isə xüsusi təbrikə layiqdir.

Son vaxtlar teatrla bağlı düşüncələrim müxtəlif olur… Düşünürəm ki, əsl teatr siyasət müstəvisindən kənarda qala bilməz. Onun siyasi xəttinin başlıca amili İNSAN faktorudur ki, bu da bütün canlılardan üstündür. Bütün klassik əsərləri araşdırsaq, bu günümüzə güzgü tutur!
Şekspir belə, dövrünün aktuallığını qələmə alanda düşünürdü ki, fikirləri əsrləri aşıb, dünyaya meydan oxuyacaq, ölümsüz olacaq!
Bəli, bəli düşünürdü, əks halda o dahi Şekspir olmazdı!

Siz də düşünün cənablar ! Teatra baxmaq naminə deyil, yaşamaq, yaşatmaq, sevmək, sevilmək, HƏYATI gözəlləşdirmək naminə gəlin, baxın!
Siz də düşünün əziz aktyorlar, rejissorlar və Cəmi Teatr Əhli! Düşünün ki, sizə göndərdiyimiz hər alqış çəkilən zəhmətinizə, sənətdə döyünən qəlbinizə, bəlkə həyatda olmasa da, Səhnədə yaşanan hər xoşbəxt anınıza, gününüzə verdiyimiz Dəyərdir! Sevgidir! Hörmətdir!

Təranə Feyzullayeva
]]> Mehemmed Sun, 17 May 2026 19:57:32 +0000 https://manera.az/index.php?newsid=18268 https://manera.az/index.php?newsid=18268 ]]>
Mayın 11-də Azərbaycan Milli Xalça Muzeyində Azərbaycan Dövlət Mədəniyyət və İncəsənət Universitetinin (ADMİU) təşkilatçılığı ilə Ümumdünya Şəhərsalma Forumunun 13-cü Sessiyası (WUF13) öncəsi keçirilən Bakı Şəhərsalma Kampaniyası çərçivəsində “Eco-Art” Festivalı keçirilib.

Tədbir Dövlət Himninin səsləndirilməsi ilə başlayıb.

Açılış nitqi ilə çıxış edən Azərbaycan Milli Xalça Muzeyinin direktoru Əminə Məlikova şəhərin inkişafının yalnız memarlıq və infrastrukturla deyil, həm də ekoloji düşüncə, mədəni irsin qorunması və yaradıcı yaşayış tərzi ilə ölçüldüyünü bildirib. O, “Eco-Art” festivalının bu ideyaların incəsənət vasitəsilə ifadəsinə xidmət etdiyini qeyd edərək, layihənin ekoloji düşüncə ilə incəsənətin uğurlu vəhdətini nümayiş etdirdiyini vurğulayıb. Ə.Məlikova festivalın həm WUF13 öncəsi həyata keçirilən ən yaddaqalan mədəni təşəbbüslərdən biri olacağına, həm də incəsənət vasitəsilə ekoloji düşüncənin təbliği istiqamətində mühüm mesaj verəcəyinə inandığını bildirib.

ADMİU-nun rektoru professor Ceyran Mahmudova ali məktəbin artıq bir neçə aydır Ümumdünya Şəhərsalma Forumunun 13-cü Sessiyasına hazırlıq istiqamətində ardıcıl layihələr həyata keçirdiyini deyib. O qeyd edib ki, “Eco-Art” Festivalı gənclərin ekoloji düşüncə, milli-mədəni irs və müasir incəsənəti bir platformada birləşdirmək bacarığını nümayiş etdirən uğurlu təşəbbüsdür. Rektor vurğulayıb ki, belə layihələr Azərbaycanın yaradıcı potensialını və dayanıqlı gələcəyə verdiyi töhfəni beynəlxalq müstəvidə nümayiş etdirir.

Mədəniyyət nazirinin müavini Səadət Yusifova Azərbaycanın çoxəsrlik şəhərsalma mədəniyyətinin yaşadılması və müasir çağırışlara uyğun mütərəqqi yanaşmaların təşviqi baxımından “Eco-Art” Festivalını mühüm addım kimi qiymətləndirib. O bildirib ki, memarlıq və şəhər mühiti sadəcə daş və betondan ibarət deyil, həm də xalqın tarixinin, mədəniyyətinin və kimliyinin daşıyıcısıdır. Nazir müavini qeyd edib ki, sərgidə nümayiş olunan əsərlər gənc nəslin ekoloji problemlərə, təbiətin qorunmasına və şəhər mühiti ilə insan arasındakı harmoniyaya bədii baxışını əks etdirir. O vurğulayıb ki, bu yaradıcılıq nümunələri incəsənətin yalnız estetik deyil, həm də maarifləndirici və sosial məsuliyyət formalaşdıran güclü vasitə olduğunu sübut edir.

Dövlət Şəhərsalma və Arxitektura Komitəsinin Aparatı rəhbərinin müavini və WUF13-ün Milli Koordinatorunun müavini Gülşən Rzayeva bildirib ki, tədbirin “Eco-Art” Festivalı adlandırılması təsadüfi deyil. O qeyd edib ki, “eco” anlayışı iqlim dəyişikliyi fonunda şəhər mühitinin dayanıqlığını ifadə edir. “Art” isə Azərbaycanın zəngin mədəniyyətini və incəsənətini simvolizə edir.

Çıxış edən BMT-nin Məskunlaşma Proqramının Ölkə Ofisinin rəhbəri Anna Soeve WUF13-ün təşkilində görülən işləri yüksək qiymətləndirib. O bildirib ki, Bakı Şəhərsalma Kampaniyası çərçivəsində keçirilən belə təşəbbüslər dayanıqlı şəhər inkişafı, ekoloji məsuliyyət və ictimai iştirakçılığın təşviqi baxımından mühüm əhəmiyyət daşıyır. Anna Soeve gənclərin və yaradıcı icmaların bu prosesə fəal qoşulmasını gələcəyin şəhərlərinin formalaşmasına verilən dəyərli töhfə kimi dəyərləndirib.

Festivalın bədii hissəsində Xalq artisti Gülyanaq Məmmədova və tələbələri “Aşiqi-kamil” - Şur kompozisiyası, ADMİU-nun SABAH qrupu isə Əməkdar artist Nofəl Vəliyevin rəhbərliyi ilə “Qobustan sədaları” adlı kompozisiya ilə çıxış ediblər.

Festival çərçivəsində Əməkdar artist Yaqut Paşayevann bədii rəhbərliyi ilə M.F.Axundzadənin “Hekayəti-Müsyö Jordan Həkimi-Nəbatat və Dərviş Məstəli şah Cadükuni-məşhur” komediyasının motivləri əsasında hazırlanmış “Oyanış” adlı səhnə kompozisiyası nümayiş olunub.

Həmçinin festivalda Sənətşünaslq üzrə fəlsəfə doktoru, dosent Nəzakət Səfərovanın rəhbərliyi ilə tələbələrin hazırladığı Nizami Gəncəvinin “Xəmsə”sinə həsr olunmuş “Təkrar emalda miniatür”, “Daşın simfoniyası”, sənətşünaslq üzrə fəlsəfə doktoru, dosent Aysel Əzizovanın rəhbərliyi ilə tələbələr tərəfindən hazırlanmış “Şəhər irsi” kimi kompozisiyalar təqdim edilib. Layihələrdə memarlıq detalları, ornamentlər və təkrar emal materialları üzərində qurulan bədii yanaşmalar ekoloji mesajlarla diqqət çəkib.

Eyni zamanda, Əməkdar rəssam Vüqar Əlinin tələbələri ilə birgə hazırladığı “Yaşıl dünya - hər addım bir ümid” vitraj və kompozisiyalar, Azər Abdullayevlə tələbələrinin poster sərgisi, “Təbiət və tullantılar” adlı təkrar emal nümunələri (Röya Həsən, Gülnaz Mədətova, Fidan Cəfərli və tələbələri), həmçinin “Abidələrin müasir rəng palitrası - daşdan ipəyə” adlı batika nümunələri (Şəhla Abbasova və tələbələri) nümayiş etdirilib. Tələbələrin hazırladığı bu işlər ekologiya, şəhər mühiti və mədəni irsin qorunması mövzularını yaradıcı şəkildə əks etdirib.

“Eco-Art” Festivalı incəsənət və ekoloji düşüncənin vəhdətini nümayiş etdirərək gənc yaradıcıların dayanıqlı gələcəyə baxışını ortaya qoyub. Festival eyni zamanda WUF13 öncəsi Bakıda keçirilən mədəni təşəbbüslər sırasında xüsusi əhəmiyyət daşıyıb.







]]> Mehemmed Tue, 12 May 2026 12:06:35 +0000 https://manera.az/index.php?newsid=18260 https://manera.az/index.php?newsid=18260 ]]>

Layihə Azərbaycan Respublikası Mədəniyyət Nazirliyi, Türkiyə Respublikası Mədəniyyət və Turizm Nazirliyi, Azərbaycan Respublikası Kino Agentliyi və Azərbaycan Respublikasının Türkiyədəki Səfirliyinin nəzdindəki Azərbaycan Mədəniyyət Mərkəzinin birgə əməkdaşlığı ilə keçirilir.

Layihəyə eyni zamanda İzmir və Bursa İl Mədəniyyət və Turizm Müdirlikləri, İzmir Azərbaycan Dərnəyi və Bursa Azərbaycan İnnovasiya və Həmrəylik Dərnəyinin dəstək verir.

Layihə çərçivəsində açılış mərasimi və ilk nümayiş 5 may saat 14:00-da Ege Universitetində keçiriləcək.
Yeni Azərbaycan filmi “Nargin: Sona qədər sirli” tamaşaçılara təqdim ediləcək.

“Nargin. Sona qədər sirli” sənədli-dram üslubunda çəkilmiş və Azərbaycan tarixinin mühüm, eyni zamanda az tanınan səhifələrindən birinə həsr olunmuş filmdir.

Film, xüsusilə I Dünya Müharibəsi dövründə Bakı yaxınlığında yerləşən Nargin adasında baş verən hadisələri əks etdirir.
Filmdə Xəzər dənizində, Bakı yaxınlığında yerləşən Nargin adasında saxlanılan Osmanlı əsirlərinin ağır həyat şəraiti təsvir olunur. Eyni zamanda, Azərbaycan türklərinin çətin tarixi şəraitə baxmayaraq türk qardaşlarına yardım etmək üçün göstərdikləri fədakarlıq ön plana çıxarılır və dostluq, qardaşlıq bağlarının ən ağır sınaqlardan belə güclənərək çıxdığı nümayiş etdirilir.

***
7 mayda Bursa Osmangazi Göstəri Mərkəzində Azərbaycan filmi “Buta” nümayiş olunacaq. Həmin gün Uludağ Universitetində kino sevərlərə Azərbaycan retro filmi “Qaynana” təqdim ediləcək.

Bundan əlavə, Azərbaycan Mədəniyyət Mərkəzinin Qazi Universitetindəki Azərbaycan Türkcəsi Tədris Ocağında “Cənnət yuxusu” filminin nümayiş olunacaq.

Layihənin davamı olaraq Mudanya Universitetində “Zəfər Rəqsi” filmi göstəriləcək.

Məhəmməd,
Manera.az


]]> Mehemmed Mon, 04 May 2026 06:31:07 +0000 https://manera.az/index.php?newsid=18259 https://manera.az/index.php?newsid=18259 ]]>

Azərbaycan ilə Serbiya arasında mədəni əlaqələr dinamik şəkildə inkişaf edir və bu əməkdaşlıq artıq yeni mərhələyə qədəm qoyur.

Manera.az xəbər verir ki, bu fikirləri jurnalistlərə açıqlamasında Azərbaycanın mədəniyyət nazirinin müavini Fərid Cəfərov bildirib.

O qeyd edib ki, iki ölkə arasında münasibətlər bütün sahələr üzrə yüksələn xətt üzrə inkişaf edir və bu prosesin əsasında dövlət başçılarının siyasi iradəsi dayanır. Nazir müavininin sözlərinə görə, mədəniyyət sahəsində əməkdaşlıq da bu ümumi inkişafın ayrılmaz tərkib hissəsidir. Azərbaycan və Serbiya arasında artıq mədəniyyətin müxtəlif istiqamətləri üzrə səmərəli əməkdaşlıq formalaşıb. Kitabxana sahəsində hər il yüzlərlə kitabın qarşılıqlı tərcüməsi və mübadiləsi həyata keçirilir. Həm Azərbaycan, həm də Serbiya müəlliflərinin əsərlərinin digər ölkədə nəşr olunması xalqlarımız arasında mədəni yaxınlaşmaya mühüm töhfə verir.

Fərid Cəfərov əlavə edib ki, muzeylər arasında əməkdaşlıq da diqqətəlayiqdir. Xüsusilə Azərbaycan Xalça Muzeyi ilə Serbiyanın Etnoqrafiya Muzeyi arasında təşkil olunan mübadilə sərgiləri bu sahədə uğurlu tərəfdaşlığın bariz nümunəsidir.

Nazir müavini vurğulayıb ki, film sənayesi sahəsində də son illərdə müsbət dinamika müşahidə olunur. Azərbaycan nümayəndələrinin Serbiyada keçirilən beynəlxalq film festivallarında iştirakı, eyni zamanda, serbiyalı qonaqların Bakıda təşkil olunan kino tədbirlərində fəal iştirakı əlaqələrin genişləndiyini göstərir.

“Yeni birbaşa aviareysin açılması iki ölkə arasında mədəni mübadilələrin intensivləşməsinə və xalqlar arasında birbaşa təmasların artmasına əlverişli şərait yaradacaq. Serbiya nümayəndə heyətinin Azərbaycana səfəri incəsənət və musiqi sahəsində əməkdaşlığa yeni impuls verəcək. Keçiriləcək birgə tədbirlər və layihələr iki ölkə arasında dostluq əlaqələrinin daha da möhkəmlənməsinə xidmət edəcək”, - deyə F.Cəfərov bildirib.

]]> Mehemmed Mon, 04 May 2026 06:04:05 +0000 https://manera.az/index.php?newsid=18258 https://manera.az/index.php?newsid=18258 ]]>

Şirvanşahlar Sarayından Qoşa Qala meydanına qədər təşkil olunan yürüşdə dövlət rəsmiləri, Milli Məclisin deputatları və diplomatik korpusun nümayəndələri iştirak ediblər.

Tədbirin açılışında çıxış edən “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri Rüfət Mahmud bildirib ki, artıq üçüncü dəfə təşkil olunan bu beynəlxalq festival insanları bir araya gətirərək İçərişəhərdə xüsusi ab-hava, sevgi və ilham yaradır. O qeyd edib ki, festivalın ərsəyə gəlməsində çoxsaylı insanların zəhməti dayanır və bu prosesdə iştirak edənlər təmsil etdikləri qurumdan asılı olmayaraq işə yalnız vəzifə kimi deyil, sevgi və böyük məsuliyyət hissi ilə yanaşırlar. Sədr vurğulayıb ki, xalça, sadəcə məişət əşyası deyil, tariximizin, mədəni kimliyimizin və mənəvi dəyərlərimizin ayrılmaz tərkib hissəsidir.

“Azərxalça” ASC-nin İdarə Heyətinin sədri, Əməkdar incəsənət xadimi Emin Məmmədov çıxışında bildirib ki, Beynəlxalq Xalça Festivalının keçirilməsi xalçaçılıq sənətinə göstərilən diqqət və qayğının bariz nümunəsidir. O vurğulayıb ki, dövlət başçısının tapşırıqlarına uyğun olaraq bu sənət yalnız muzey eksponatı kimi deyil, yaşayan və inkişaf edən sahə kimi qorunmalı və gələcək nəsillərə ötürülməlidir.

E.Məmmədov qeyd edib ki, “Azərxalça” ASC-nin ölkənin müxtəlif bölgələrində fəaliyyət göstərən istehsalat sahələrində 500-ə yaxın toxucu çalışır və onların təxminən 85 faizini qadınlar təşkil edir. Bu isə regionlarda məşğulluğun təmin olunması və ənənəvi sənətin yaşadılması baxımından xüsusi əhəmiyyət daşıyır. Festival çərçivəsində ziyarətçilər bu zəhmətin nəticəsi olan xalça nümunələri ilə yaxından tanış olmaq imkanı əldə edirlər.

Azərbaycan Respublikasının İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev bildirib ki, bu cür festivalların artıq ənənə halını alması mühüm əhəmiyyət kəsb edir. O qeyd edib ki, bu kimi tədbirlər yaradıcı insanların fəaliyyətinin təşviqi baxımından vacib platformadır, eyni zamanda cəmiyyətdə bayram ab-havası yaradaraq insanları bir araya gətirir. Y.Abdullayev tədbirin təşkilində əməyi olan hər kəsə minnətdarlığını bildirərək bu təşəbbüsün davamlı olmasının vacibliyini vurğulayıb.

Tədbir konsert proqramı ilə davam edib.

Milli Məclisin deputatı, parlamentin Mədəniyyət komitəsinin sədri Polad Bülbüloğlu çıxışında bildirib ki, İçərişəhərdə keçirilən Xalça Festivalı milli-mədəni irsimizin təbliği baxımından xüsusi əhəmiyyət daşıyır. O qeyd edib ki, xalçaçılıq Azərbaycan xalqının əsrlər boyu formalaşmış sənət ənənəsi olmaqla yanaşı, xalqın dünyagörüşünü, estetik zövqünü və tarixini özündə əks etdirən nadir mədəni irs nümunəsidir.

Festival çərçivəsində Qoşa Qala meydanı 11 ölkənin milli pavilyonlarının nümayiş olunduğu və konsert proqramlarının keçirildiyi əsas mərkəzə çevrilib.

Eyni zamanda, Bakı Xanlar parkı və Vahid bağı boyunca təşkil edilən sərgi-satış yarmarkalarında unikal sənət nümunələri təqdim olunub. Multani və Buxara karvansaraları isə eksklüziv sərgi və məhsul təqdimatları üçün ziyarətçilərin üzünə açıq olub.

Festivalın proqramına tanınmış yerli rəssamların, həmçinin Fransa, Qazaxıstan və Albaniyadan olan sənətkarların müxtəlif qalereyalarda nümayiş etdirilən əsərlərindən ibarət sərgilər də daxil edilib.








]]> Mehemmed Mon, 04 May 2026 05:50:02 +0000 https://manera.az/index.php?newsid=18252 https://manera.az/index.php?newsid=18252 ]]>
"Pop Art" cərəyanının öncüsü Roy Lixtenşteynin 30 ildən artıqdır gizli qalan məşhur "Anxious Girl" ("Narahat qız") əsəri 18 mayda Nyu-Yorkda Christie's hərrac evində satışa çıxarılacaq.

"Euronews"un verdiyi xəbərə görə, sənətçinin karyerasının ən parlaq dövrünə aid olan bu ikonik tablonun 60 milyon dollara qədər alıcı tapacağı proqnozlaşdırılır.

Xətti roman estetikası və "Ben-Day" nöqtələri ilə işlənən bu əsər, "Girls" seriyasından son 10 ildə hərraca çıxarılan ilk nümunə olması baxımından kolleksiyaçılar üçün nadir fürsət hesab olunur. ]]> Mehemmed Thu, 30 Apr 2026 07:42:05 +0000