https://manera.az/ Medeniyyet - Manera.Az DataLife Engine https://manera.az/index.php?newsid=18524 https://manera.az/index.php?newsid=18524 ]]>
Türk dünyasının mühüm mədəniyyət tədbirlərindən biri olan VI “Qorqud Ata” Türk Dünyası Film Festivalının açılış mərasimi İstanbulda keçirilib.

Manera.az xəbər verir ki, mərasimdə TÜRKSOY-un Baş katibi Sultan Raev, türk dövlətlərinin mədəniyyət rəsmiləri və kino ictimaiyyətinin nümayəndələri iştirak ediblər.

Noyabrın 7-dək davam edəcək festivalda 10 ölkə və 10 muxtar respublikadan ümumilikdə 56 film nümayiş olunacaq.

Azərbaycan festivalın müsabiqə proqramında “Tağıyev: Məktəb”, “Azıx mağarası” və “Torpağı sanı yaşayasan” filmləri ilə təmsil olunur.

Müsabiqədənkənar proqramda isə “Bir cənub şəhərində” bədii filmi və “Bakı Türkoloji Qurultayı – 100” sənədli filmi nümayiş etdiriləcək.

Festivalda Azərbaycanı kino sahəsinin nümayəndələri və Kino Agentliyinin əməkdaşlarından ibarət 20 nəfərlik heyət təmsil edir.

Açılış mərasimi qırğız rejissor Kanıbek Kalmatovun “Aytmatov” filminin nümayişi ilə başa çatıb. ]]> Mehemmed Wed, 04 Nov 2026 08:44:59 +0000 https://manera.az/index.php?newsid=18520 https://manera.az/index.php?newsid=18520 ]]>
Azərbaycan Respublikasının mədəniyyət naziri Adil Kərimli noyabrın 27-də Masallı rayonunda vətəndaşlarla görüşəcək.

Manera.az xəbər verir ki, qəbul mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə uyğun olaraq təşkil ediləcək.

Görüş 2026-cı il noyabrın 27-də saat 10:00-da Masallı rayon Heydər Əliyev Mərkəzində (Masallı şəhəri, Qarabağ küçəsi, 17) keçiriləcək.

Qəbulda Masallı, Astara, Lerik, Yardımlı və Cəlilabad rayonlarından, eləcə də Lənkəran şəhərindən olan vətəndaşlar iştirak edə biləcəklər.

Qəbulda iştirak etmək istəyən vətəndaşlar noyabrın 23-dək Mədəniyyət Nazirliyinin info@culture.gov.az elektron poçt ünvanına müraciət etməklə və ya (012) 493-43-98 telefon nömrəsi ilə əlaqə saxlayaraq əvvəlcədən qeydiyyatdan keçə bilərlər. ]]> Mehemmed Mon, 02 Nov 2026 10:52:56 +0000 https://manera.az/index.php?newsid=18503 https://manera.az/index.php?newsid=18503 ]]>
Sumqayıt Dövlət Teatrında Xalq şairi Sabir Rüstəmxanlının “Sürgün sevgi” əsəri əsasında hazırlanmış ikihissəli milli faciə tamaşasının premyerası anşlaqla keçirilib.

Əməkdar incəsənət xadimi Ağalar İdrisoğlunun səhnələşdirdiyi tamaşanın musiqisi Əməkdar incəsənət xadimi Cavanşir Quliyevə məxsusdur.

Tamaşada Azərbaycan xalqının repressiya tarixindən, milli azadlıq hərəkatından, 20 Yanvar faciəsindən, eləcə də sürgün, vətən həsrəti və sevgidən bəhs olunur.

Premyerada tanınmış ictimai və sənət adamları iştirak ediblər. Sonda Sabir Rüstəmxanlı və Ağalar İdrisoğlu çıxış edərək tamaşaçılara təşəkkürlərini bildiriblər.

]]> Mehemmed Fri, 23 Oct 2026 12:05:32 +0000 https://manera.az/index.php?newsid=18498 https://manera.az/index.php?newsid=18498 ]]>
Azərbaycanlı bəstəkar İlyas Mirzəyevin II Skripka Konsertinin dünya premyerası Türkiyənin Antalya şəhərində baş tutub.

Manera.az xəbər verir ki, Türkiyə Mədəniyyət və Turizm Nazirliyinin dəstəyi ilə həyata keçirilən “Sənətdə 50 il” layihəsi çərçivəsində təşkil olunan konsert Atatürk Mədəniyyət Mərkəzinin Aspendos zalında keçirilib.

Əsər Antalya Dövlət Simfonik Orkestrinin ifasında, yunanıstanlı dirijor Nikos Haliassasın rəhbərliyi ilə musiqisevərlərə təqdim olunub. Konsertin solo skripka partiyasını əsərin ithaf olunduğu tanınmış skripka ifaçısı Olqu Qızılay səsləndirib.

Üç hissədən ibarət olan əsərdə insanın daxili ziddiyyətləri, azadlıq axtarışları, müharibələrin doğurduğu faciələr və sülhə ümid musiqi dili ilə ifadə edilib. Konsertin finalında səslənən zəng sədaları dostluğun, insanlığın və qarşılıqlı anlaşmanın qələbəsini simvolizə edib.

Konsert proqramında bəstəkar İlyas Mirzəyev də səhnəyə çıxaraq fortepianoda özünün “Leyla” əsərini ifa edib.

Gecənin ikinci hissəsində isə fransız bəstəkarı Jorj Bizenin məşhur “Karmen” operasından orkestr süitaları səsləndirilib.

Qeyd edək ki, İlyas Mirzəyevin II Skripka Konserti oktyabrın 23-də İzmirdə də təqdim olunacaq. Əsər İzmir Simfonik Orkestrinin ifasında, tanınmış dirijor, professor Rengim Gökmenin rəhbərliyi ilə səsləndiriləcək.

]]> Mehemmed Thu, 22 Oct 2026 15:12:53 +0000 https://manera.az/index.php?newsid=18495 https://manera.az/index.php?newsid=18495 ]]>
Azərbaycanlı tanınmış modelyer Gülnarə Xəlilova Türkiyədə keçirilən IX Beynəlxalq “Bursa Fashion Week” moda həftəsində milli kolleksiyasını təqdim edib.

Manera.az xəbər verir ki, kolleksiyada Azərbaycanın milli geyim ənənələri, zəngin mədəni irsi və dekorativ-tətbiqi sənət nümunələri müasir moda elementləri ilə vəhdətdə nümayiş etdirilib.

Türkiyə, Azərbaycan, Şimali Makedoniya, Rumıniya, Bolqarıstan və İtaliyadan dizaynerlərin qatıldığı tədbir mədəniyyətlərarası əməkdaşlığın inkişafına töhfə verib.

Qeyd edək ki, layihənin təsisçisi, təşkilatçısı və ideya müəllifi tanınmış dizayner Yaşariye Doğandır. ]]> Mehemmed Tue, 20 Oct 2026 14:30:31 +0000 https://manera.az/index.php?newsid=18490 https://manera.az/index.php?newsid=18490 ]]>
Azərbaycan Dövlət Akademik Milli Dram Teatrında Xalq artisti Nurəddin Mehdixanlının 70 illik yubileyinə həsr olunan “Sənətə həsr olunmuş ömür” adlı tədbir keçirilib.

Manera.az xəbər verir ki, tədbir Mədəniyyət Nazirliyinin görkəmli incəsənət və ədəbiyyat xadimlərinin yubileylərinin keçirilməsi ilə bağlı tədbirlər planına uyğun olaraq təşkil olunub.

Yubiley gecəsində əvvəlcə Mədəniyyət Nazirliyi adından təbrik məktubu oxunub.

Tədbirdə çıxış edən Azərbaycan Teatr Xadimləri İttifaqının sədri Xalq artisti, Dövlət mükafatı laureatı Hacı İsmayılov, Əməkdar incəsənət xadimi, professor İlham Rəhimli, Əməkdar incəsənət xadimi, Prezidentin fərdi təqaüdçüsü polkovnik Abdulla Qurbani görkəmli sənətkarın Azərbaycan teatr və kino tarixində yaratdığı obrazlar haqqında danışıb, teatr sənətinin inkişafındakı böyük xidmətlərindən, sənətə sədaqətindən və Vətənə sevgisindən bəhs ediblər.

Gecədə Xalq artistləri - Mələkxanım Əyyubova, Samir Cəfərov və Nazpəri Dostəliyeva tərəfindən musiqi nömrələri təqdim edilib.

Tədbir bədii hissə ilə davam edib.

Xalq artistinin çıxış etdiyi “Aydın”, “Solğun çiçəklər”, “Göytürklər”, “Hələ sevirəm deməmişdilər”, “Pəncərədə işıq”, “Xurşidbanu Natəvan”, “Kral Lir” tamaşalarından məşhur dialoqlar və “Cavad xan” filmindən fraqment nümayiş olunub. ]]> Mehemmed Thu, 15 Oct 2026 02:00:41 +0000 https://manera.az/index.php?newsid=18487 https://manera.az/index.php?newsid=18487 ]]>

Azərbaycan Respublikasının Türkiyədəki Səfirliyinin nəzdindəki Azərbaycan Mədəniyyət Mərkəzinin layihəsi çərçivəsində, İğdır Valiliyinin və Azərbaycanın Qarsdakı Baş Konsulluğunun dəstəyi ilə İğdırda Azərbaycan İncəsənət Həftəsi çərçivəsində konsert proqramı və milli geyimlərin nümayişi təşkil olunub.

Manera.az xəbər verir ki, tədbirdə Qars valisi Fırat Taşolar, Azərbaycanın Qarsdakı baş konsulu Qoşqar Zeynalov, Azərbaycan Mədəniyyət Mərkəzinin direktoru Samir Abbasov, yerli idarəetmə orqanlarının nümayəndələri, mədəniyyət və incəsənət xadimləri, eləcə də çoxsaylı İğdır sakinləri iştirak ediblər.

Tədbir zamanı Azərbaycan–Türkiyə qardaşlıq münasibətləri, xalqımızın zəngin mədəni irsi və ortaq dəyərlərimiz haqqında məlumat verilib.
Proqram çərçivəsində Bakı Milli Geyim Evinin kolleksiyasına daxil olan Azərbaycanın ənənəvi milli geyimləri İğdır Universitetinin tələbələrinin iştirakı ilə keçirilən moda nümayişində təqdim olunub.

Daha sonra Azərbaycanın və Özbəkistanın Xalq artisti Gülyanaq Məmmədova, müğənnilər İlkin Dövlətov və Elgün Quliyev səhnəyə çıxaraq musiqi nömrələri ilə tamaşaçılar qarşısında çıxış ediblər.

Azərbaycan Mədəniyyət Mərkəzinin “Zəngəzur” Xalq Rəqsləri Ansamblı milli rəqsləri ilə proqrama xüsusi rəng qatıb.

Böyük maraqla qarşılanan tədbir Azərbaycanın zəngin mədəni irsinin, milli musiqi və rəqs sənətinin Türkiyədə tanıdılmasına, eləcə də iki qardaş ölkə arasında mədəni əlaqələrin daha da möhkəmləndirilməsinə mühüm töhfə verib.

Məhəmməd,
Manera.az


]]> Mehemmed Wed, 14 Oct 2026 08:10:25 +0000 https://manera.az/index.php?newsid=18475 https://manera.az/index.php?newsid=18475 ]]>

Rəssam Arif Hüseynovun “Xoşbəxt Azərbaycan ailəsi” adlı əsəri Ankara Rəsm və Heykəl Muzeyinin daimi kolleksiyasına daxil edilib.

Azərbaycan Respublikasının Türkiyədəki Səfirliyinin nəzdində fəaliyyət göstərən Azərbaycan Mədəniyyət Mərkəzinin həyata keçirdiyi “Azərbaycanın nişanələri dünyada” layihəsi çərçivəsində Azərbaycanın Xalq rəssamı Arif Hüseynovun “Xoşbəxt Azərbaycan ailəsi” adlı rəsm əsəri Ankara Rəsm və Heykəl Muzeyinin daimi kolleksiyasına daxil edilib.

Azərbaycan Mədəniyyət Mərkəzinin mədəni irsimizin tanıdılması və Azərbaycan incəsənətinin beynəlxalq miqyasda tanınmasının genişləndirilməsi məqsədilə həyata keçirdiyi davamlı layihə çərçivəsində Türkiyə Respublikasının Mədəniyyət və Turizm Nazirliyi tərəfindən müvafiq dəstək göstərilib. Əsərin Ankara Rəsm və Heykəl Muzeyinin fonduna daimi olaraq daxil edilməsi və muzeydə sərgilənməsi barədə qərar qəbul olunub.

Bu çərçivədə Arif Hüseynov “Xoşbəxt Azərbaycan ailəsi” adlı rəsm əsərini Ankara Rəsm və Heykəl Muzeyinə hədiyyə edib.

“Xoşbəxt Azərbaycan ailəsi” adlı rəsm əsərində Azərbaycan xalqının ənənəvi ailə modeli və ailə birliyi bədii dillə əks etdirilib. Əsərin əsas motivini Azərbaycan ailəsinin birlik və sevgi içərisində yaşaması, milli-mənəvi dəyərlərə bağlılığı təşkil edir. ]]> Mehemmed Tue, 06 Oct 2026 07:28:01 +0000 https://manera.az/index.php?newsid=18474 https://manera.az/index.php?newsid=18474 ]]>
Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin “Dilimiz milli-mədəni kimliyimizin təməlidir” mövzusunda həyata keçirdiyi silsilə seminarlar davam edir.

Layihənin əsas məqsədi “Azərbaycan Mədəniyyəti – 2040” Konsepsiyası əsasında Azərbaycan dilinin milli mədəniyyətdəki rolunun və mövqeyinin daha da möhkəmləndirilməsi, mediada Azərbaycan dilindən düzgün və səlis istifadənin təşviq edilməsi, eləcə də bu istiqamətdə maarifləndirmə və dil savadlılığının artırılmasına dəstək göstərməkdir.

Layihə çərçivəsində ikinci seminar 8 oktyabr 2026-cı il tarixində Azərbaycan Milli Kitabxanasında keçiriləcək.

Seminarda Xalq şairi, yazıçı, ictimai xadim Sabir Rüstəmxanlı iştirak edəcək.

Dil, milli kimlik və mədəni irs məsələlərinin müzakirə olunacağı tədbirə giriş sərbəstdir.


]]> Mehemmed Tue, 06 Oct 2026 05:28:22 +0000 https://manera.az/index.php?newsid=18468 https://manera.az/index.php?newsid=18468 ]]>
İstanbulda müasir Azərbaycan rəssamlarının əsərlərindən ibarət sərgi açılıb.

Manera.az xəbər verir ki, Azərbaycan Respublikasının Türkiyədəki Səfirliyinin nəzdində fəaliyyət göstərən Azərbaycan Mədəniyyət Mərkəzinin layihəsi çərçivəsində təşkil olunan “Müasir Azərbaycan rəssamlarının sərgisi” Sefaköy Mədəniyyət və İncəsənət Mərkəzində sənətsevərlərə təqdim edilib.

29 sentyabr 2026-cı il tarixində keçirilən sərgidə müasir Azərbaycan təsviri sənətinin müxtəlif üslub və yaradıcılıq istiqamətlərini əks etdirən əsərlər nümayiş olunub.

Ekspozisiyada Aydın Rehimov, Letafet Memmedova, Nadir Hüseynov, Yusif Alızade, Aida Rzayeva, Hicran Alioğlu, Assım Resuloğlu, Ebulfez Fekecoğlu, Teymur Ağaoğlu, İlham Enveroğlu, Vagif Zeyidguliyev, Ramila Aliyeva, Behruz Guliyev, Leyla Aliyeva Önen, Tariyel Alizade, Pervane Alizade, Süreyya Abdullalı və Faig Ağayevin əsərləri yer alıb.

Sərgidə Azərbaycanın tarixi və mədəni irsini, milli dəyərlərini, dövlətçilik ənənələrini, Vətən sevgisini və Qarabağ Zəfərini mövzu edən əsərlər xüsusi maraq doğurub. Azərbaycanın müstəqilliyini, dövlət rəmzlərini, tarixi yaddaşını, eləcə də 44 günlük Vətən müharibəsində qazanılan Zəfərin ruhunu əks etdirən rəsm əsərləri ziyarətçilərin diqqətini cəlb edib.

Sərginin təşkilinə Azərbaycan Respublikasının İstanbul şəhərindəki Baş Konsulluğu, Küçükçekmece Bələdiyyəsi və Hazarfen Dərnəyi də dəstək göstərib.




]]> Mehemmed Wed, 30 Sep 2026 12:21:32 +0000