https://manera.az/ Gundem - Manera.Az DataLife Engine https://manera.az/index.php?newsid=18530 https://manera.az/index.php?newsid=18530 ]]>
Türkiyənin İğdır şəhərində Azərbaycan və Türkiyə qardaşlığına həsr olunmuş möhtəşəm yürüş keçirilib.

İğdır Valiliyinin və Qars Baş Konsulluğunun iştirakı ilə təşkil olunan yürüşdə 4 mindən çox insan Azərbaycan və Türkiyə bayraqları ilə küçələrə çıxaraq birlik və qardaşlıq nümayiş etdirib.

Yürüş Atatürk prospektindən, Zübeydə Xanım bulvarı və Heydər Əliyev parkının qarşısından başlayaraq Vali Yolu istiqamətində davam edib və həmin ərazinin sonunda başa çatıb.

Tədbir iştirakçıları əllərində dalğalandırdıqları iki ölkənin bayraqları ilə Azərbaycan və Türkiyə arasındakı dostluq və qardaşlıq münasibətlərinə diqqət çəkiblər.

Minlərlə insanın qatıldığı yürüş iki qardaş xalqın ortaq dəyərlərinin, tarixi bağlarının və həmrəyliyinin nümayişi kimi yadda qalıb.

Məhəmməd,
Manera.az ]]> Mehemmed Wed, 04 Nov 2026 23:35:55 +0000 https://manera.az/index.php?newsid=18527 https://manera.az/index.php?newsid=18527 ]]>
Azərbaycanın 8 Noyabr – Zəfər Gününün 6-cı ildönümü münasibətilə Ankarada təntənəli qəbul təşkil edilib.

Manera.az xəbər verir ki, Azərbaycanın Türkiyədəki səfirliyinin təşkilatçılığı ilə Qazi Ordu Evində keçirilən tədbirdə Türkiyənin kənd təsərrüfatı naziri İbrahim Yumaklı, yüksək rütbəli hərbçilər, rəsmi şəxslər, elm adamları və ictimaiyyət nümayəndələri iştirak ediblər.

Azərbaycan və Türkiyənin Dövlət himnlərinin səsləndirilməsi ilə başlayan mərasimdə Qarabağ Zəfərinə həsr olunmuş qısametrajlı film nümayiş etdirilib.

Azərbaycanın Türkiyədəki səfiri Rəşad Aslanov çıxışında Qarabağ Zəfərinin ölkəmizin tarixində mühüm dönüş nöqtəsi olduğunu vurğulayıb. O, Azərbaycan və Türkiyə xalqlarının ortaq tarixi və qardaşlıq bağlarından danışıb.

Türkiyənin kənd təsərrüfatı və meşə naziri İbrahim Yumaklı isə Şuşa Bəyannaməsinin iki ölkə arasındakı münasibətləri müttəfiqlik səviyyəsinə yüksəltdiyini bildirib.

Nazir Türkiyə ilə Azərbaycan arasında əməkdaşlığın və qardaşlıq əlaqələrinin bütün sahələrdə daha da gücləndirilməsi istiqamətində səylərin davam etdiriləcəyini qeyd edib.

Məhəmməd,
Manera.az





]]> Mehemmed Wed, 04 Nov 2026 09:09:47 +0000 https://manera.az/index.php?newsid=18523 https://manera.az/index.php?newsid=18523 ]]>
Beynəlxalq Münasibətlərin Təhlili və Multikulturalizm Mərkəzi (BMTMM) və Bakı Kitab Mərkəzinin birgə təşkilatçılığı ilə ABŞ Ordusunun ehtiyatda olan polkovniki Liam Kollinz və mayoru Con Spenserin müəllifi olduqları “Qarabağ uğrunda müharibə: Strategiya, texnologiya və qələbə” (The War for Karabakh: Strategy, Technology, and Victory) kitabının təqdimat mərasimi keçirilib.

Tədbirdə kitabın məzmunu və əsas ideyaları təqdim olunmaqla yanaşı, Azərbaycanın 44 günlük Vətən müharibəsində qazandığı Qələbənin hərbi-strateji xüsusiyyətləri, müasir müharibələrin xarakterinə təsiri və bu uğurun arxasında dayanan milli güc amilləri ətrafında geniş fikir mübadiləsi aparılıb.

Müzakirələrdə Vətən müharibəsinin müasir hərbi strategiya, texnoloji imkanlardan istifadə, əməliyyatların planlaşdırılması və hərbi idarəetmə baxımından əhəmiyyəti diqqət mərkəzində olub.

Kitab Azərbaycanın Vətən müharibəsində əldə etdiyi Qələbəyə hərbi-strateji və texnoloji aspektlərdən yanaşması, eləcə də Qarabağ müharibəsinin müasir hərb elmi kontekstində təhlili baxımından diqqət çəkir.

Təqdimat mərasimi Qarabağ müharibəsinin beynəlxalq hərbi ekspertiza müstəvisində öyrənilməsi və Azərbaycanın tarixi Qələbəsinin müxtəlif aspektlərinin elmi-analitik müzakirəsi baxımından əhəmiyyətli olub. ]]> Mehemmed Tue, 03 Nov 2026 16:34:07 +0000 https://manera.az/index.php?newsid=18521 https://manera.az/index.php?newsid=18521 ]]>

Qarabağ Zəfərinin 5-ci ildönümünə həsr olunmuş “5. Yıl Dönümünde Karabağ Zaferi” adlı beynəlxalq şeir antologiyasının təqdimatı keçiriləcək.

Kafkas Universiteti, Azərbaycanın Qars Başkonsulluğu və Türk Ocaqları Dərnəyinin Qars şöbəsinin birgə təşkilatçılığı ilə keçirilən beynəlxalq şeir müsabiqəsində Türkiyə, Azərbaycan, Özbəkistan, İran və Gürcüstandan 123 şair 168 şeirlə iştirak edib.

Müsabiqəyə təqdim olunan şeirlər əsasında hazırlanan antologiya Qarabağ Zəfərinin tarixi əhəmiyyətini, Vətən sevgisini və Türk dünyasının ortaq mənəvi dəyərlərini ədəbiyyat vasitəsilə yaşatmağı hədəfləyir.

Antologiyanın redaktorlarından biri, professor Mitat Durmuş əsəri Azərbaycan-Türkiyə qardaşlığının və Türk dünyasının ədəbi-mənəvi birliyinin rəmzi kimi səciyyələndirib.

Kitabın təqdimatı 7 noyabr 2026-cı il tarixində Qars İl Mədəniyyət Müdirliyinin Konfrans Salonunda keçiriləcək Zəfər Konserti çərçivəsində baş tutacaq.

]]> Mehemmed Mon, 02 Nov 2026 18:45:54 +0000 https://manera.az/index.php?newsid=18519 https://manera.az/index.php?newsid=18519 ]]>

Vətəndən uzaqda yaşamaq Vətənə bağlı olmaqdan uzaq düşmək demək deyil. Bəzən bir insanın qazandığı uğur bütöv bir xalqın qüruruna, sevincinə çevrilir. Qardaş Türkiyədə peşəkar fəaliyyəti ilə seçilən, Azərbaycan adını beynəlxalq səviyyədə ucaldan soydaşımız, Ankara Şəhər Xəstəxanasının Ürək və Damar Cərrahiyyəsi Klinikasının həkimi, dosent Fərid Qasımzadənin Türkiyə Prezidenti Rəcəb Tayyib Ərdoğan tərəfindən nüfuzlu mükafata layiq görülməsi də belə əlamətdar hadisələrdəndir. Əməkdar jurnalist Hikmət Xudiyev bu uğuru milli qürur, Vətənə bağlılıq və Azərbaycan ziyalısının beynəlxalq nüfuzu kontekstində dəyərləndirir. Məqaləni təqdim edirik.
***

FƏRİD QASIMZADƏ – TÜRKİYƏDƏKİ FƏXARƏT ÜNVANIMIZ

Elə insanlar var ki, Vətəndən uzaqda yaşasalar da, ürəkləri, düşüncələri, əməlləri ilə daim doğma torpağa bağlıdırlar. Onlar qazandıqları uğurlarla yalnız öz adlarını deyil, mənsub olduqları xalqın adını da ucaldır, fəaliyyət göstərdikləri ölkələrdə Azərbaycanı ləyaqətlə təmsil edən mənəvi elçilərə çevrilirlər. Onların hər bir nailiyyəti Vətənə uzanan bir qürur körpüsü, hər bir uğuru milli fəxarətimizin yeni ünvanıdır. Bu gün qardaş Türkiyədə yaşayan və müxtəlif sahələrdə uğurla fəaliyyət göstərən soydaşlarımız arasında belə fəxarət ünvanlarımız az deyil. Onlar öz bilikləri, peşəkarlıqları, zəhmətləri, mənəvi keyfiyyətləri ilə Azərbaycan adını ucaldır, xalqımızın intellektual potensialını, zəngin mənəvi dünyasını layiqincə nümayiş etdirirlər. Belə insanların qazandığı uğurların sorağı Azərbaycana çatanda onların sevincini öz sevincimiz, nailiyyətlərini ümummilli qürurumuz kimi qarşılayırıq. Ankarada yaşayan soydaşımız, Ankara Şəhər Xəstəxanasının Ürək və Damar Cərrahiyyəsi Klinikasının həkimi, dosent Fərid Qasımzadənin son uğuru da məhz belə bir fəxarət hissi doğurur. Ulularının doğma yurdu Qarabağdan gələn mənəvi köklərini özündə yaşadan Fərid müəllim həkimlik fəaliyyəti, yüksək peşəkarlığı və insanlara xidmət amalı ilə Azərbaycan adını Türkiyədə ucaldan ziyalılarımızdandır. Onun qazandığı nailiyyətlər bir daha göstərir ki, Vətənin böyüklüyü həm də onun yetişdirdiyi insanların dünyada qazandığı hörmət və nüfuzla ölçülür.

Oktyabrın 31-də İstanbul şəhərində Türkiyə Respublikası Prezident Administrasiyasının himayəsi altında, Türkiyə Sağlamlıq İnstitutları Başkanlığının (TÜSEB) təşkilatçılığı ilə keçirilən 12-ci Türk Tibb Dünyası Qurultayı çərçivəsində “2026 TÜSEB Əziz Səncər Elm, Xidmət, Təşviq və Səhiyyə Texnologiyaları Prestij Mükafatları” mərasimində baş verən əlamətdar hadisə bu qürur hissini daha da artırdı. “Əziz Sancar Elm, Xidmət və Təşviq Mükafatları»nın təqdimetmə mərasimi Türkiyə Respublikasının Prezidenti Rəcəb Tayyib Ərdoğanın iştirakı ilə keçirildi. Mərasimin ən sevindirici məqamlarından biri isə Ankara Şəhər Xəstəxanasının ürək həkimi, azərbaycanlı dosent Fərid Qasımzadənin mükafata layiq görülməsi oldu. Xüsusilə qürurverici və diqqətəlayiq məqam ondan ibarətdir ki, bu mötəbər mükafatı soydaşımız Fərid Qasımzadəyə şəxsən Türkiyə Prezidenti Rəcəb Tayyib Ərdoğan təqdim etdi. Türkiyənin səhiyyə naziri Kamal Məmişoğlu və TÜSEB-in sədri Ümid Kervanın iştirakı ilə dövlət başçısının mükafatı birbaşa təqdim etməsi soydaşımızın peşəkar fəaliyyətinə, səhiyyə sahəsindəki xidmətlərinə və əldə etdiyi nailiyyətlərə göstərilən yüksək ehtiramın əlaməti kimi xüsusi məna daşıyır. Bir azərbaycanlı həkimin Türkiyə Prezidentinin iştirakı ilə keçirilən belə mötəbər mərasimdə təltif olunması, üstəlik mükafatın şəxsən dövlət başçısı tərəfindən təqdim edilməsi, əlbəttə, yalnız Fərid müəllimin deyil, bütün Azərbaycan ictimaiyyətinin sevincinə çevrilən hadisədir.

Mükafatın adını daşıdığı böyük şəxsiyyət – Nobel mükafatı laureatı Əziz Sancar dünya elminə verdiyi töhfələrlə yalnız Türkiyənin deyil, bütün türk dünyasının qürur mənbəyinə çevrilib. Onun adını daşıyan mükafatların təqdim edilməsi elmə, biliyə, zəhmətə, insanlığa və cəmiyyətə xidmətə verilən dəyərin rəmzidir. Belə bir mükafata layiq görülmək isə insanın öz peşəkar fəaliyyətində qazandığı etimadın, əməyinin və xidmətlərinin yüksək səviyyədə tanınması deməkdir. Fərid Qasımzadənin bu mötəbər təltifə layiq görülməsi, ilk növbədə, illərlə davam edən zəhmətinin, peşəsinə sədaqətinin, yüksək məsuliyyət hissinin və insanlara göstərdiyi diqqət və qayğının layiqli qiymətidir. Onun uğuru yalnız fərdi nailiyyət kimi dəyərləndirilməməlidir. Bu, həm də xarici ölkələrdə yaşayan azərbaycanlı ziyalıların, elm və səhiyyə nümayəndələrinin fəaliyyətinə göstərilən ehtiramın, Azərbaycan insanının intellektual imkanlarına verilən yüksək dəyərin ifadəsidir. Həkimlik elə bir peşədir ki, onun mahiyyətində insan həyatı, sağlamlıq, mərhəmət və məsuliyyət dayanır. Bu sənətin böyüklüyü yalnız tibbi biliklərin dərinliyi, elmi dərəcə və peşəkar təcrübə ilə ölçülmür. Həkimin əsl böyüklüyü həm də xəstənin ağrısını duya bilməkdə, ümidsizliyə qapılan insana ümid verməkdə, çətin anlarda onun yanında olmaqda, insan həyatına müqəddəs bir dəyər kimi yanaşmaqdadır. Hər bir həkimin fəaliyyətində görünən və görünməyən zəhmət var. Gecələr yuxusuz qalmaq, məsuliyyətli qərarlar vermək, insan taleləri qarşısında böyük məsuliyyət daşımaq, daim öyrənmək və öz üzərində çalışmaq bu peşənin ayrılmaz xüsusiyyətləridir. Həkim bəzən bir insanın həyatını xilas etməklə bütöv bir ailənin sevincini, ümidini, gələcəyə inamını geri qaytarır. Elə buna görə də həkimlik yalnız ixtisas deyil, həm də böyük mənəvi missiyadır. Fərid Qasımzadənin fəaliyyətinə bu prizmadan yanaşanda onun qazandığı mükafatın əsl mahiyyəti daha aydın görünür. Bu təltif insan sağlamlığının keşiyində dayanmağın, seçdiyi sənətə vicdanla xidmət etməyin, peşəkarlığı insanlıq keyfiyyətləri ilə birləşdirməyin təqdiridir. Çünki bilik insanı mütəxəssis, mərhəmət isə onu əsl həkim edir. Fərid müəllimin uğurunda bizi xüsusilə sevindirən başqa bir məqam da var. Bu, onun Qarabağla bağlı mənəvi kökləridir. Qarabağ Azərbaycan xalqının yaddaşında yalnız bir coğrafi məkan deyil. Qarabağ böyük şəxsiyyətlər, zəngin mədəniyyət, musiqi, ədəbiyyat, elm və mənəviyyat deməkdir. Bu torpaq neçə-neçə görkəmli ziyalı, sənətkar, alim, dövlət xadimi yetişdirib. Onun övladlarının dünyanın müxtəlif ölkələrində öz bilik və bacarıqları ilə tanınması, xalqımıza başucalığı gətirməsi Qarabağın mənəvi zənginliyinin davamıdır. İnsanın doğulduğu və ya ulu babalarının yaşadığı torpaqla bağlılığı bəzən onun bütün ömür yoluna xüsusi bir məna verir. Bu bağlılıq insanın xarakterində, dünyagörüşündə, mənəvi dəyərlərində, həyata münasibətində yaşayır. Fərid Qasımzadənin Qarabağ kökləri də onun Azərbaycan adına qazandığı uğura xüsusi bir çalar əlavə edir. Qarabağdan gələn bir soyun nümayəndəsinin qardaş Türkiyədə belə yüksək səviyyədə təqdir olunması, sözün həqiqi mənasında, qürur doğurur. Bu gün dünyaya səpələnmiş azərbaycanlıların arasında öz peşəsi, elmi fəaliyyəti, yaradıcılığı və ictimai xidmətləri ilə seçilən çoxsaylı soydaşlarımız var. Onların bir qismi dünyanın nüfuzlu universitetlərində dərs deyir, elmi tədqiqatlar aparır, bir qismi səhiyyə sistemində insanlara xidmət göstərir, digər qismi mədəniyyət, incəsənət, ədəbiyyat, iqtisadiyyat və müxtəlif sahələrdə mühüm nailiyyətlər əldə edir. Onların qazandığı hər bir uğur Azərbaycan xalqının intellektual potensialının dünyaya təqdimatıdır. Belə soydaşlarımızın uğurları haqqında danışmaq, onları tanıtmaq, əməyinə qiymət vermək həm də milli mənəvi borcumuzdur. Çünki Vətənin sərhədləri daxilində və xaricində əldə edilən hər bir layiqli nailiyyət ümumi milli sərvətimizdir. Harada yaşamasından asılı olmayaraq, öz fəaliyyəti ilə Azərbaycanı ləyaqətlə təmsil edən insan xalqının mənəvi nüfuzuna xidmət edir. Bu baxımdan, Fərid Qasımzadənin mükafata layiq görülməsi Türkiyədə yaşayan soydaşlarımızın uğurlarına göstərilən diqqətin daha bir əlamətdar nümunəsidir. Onun timsalında biz yalnız peşəkar həkimi deyil, həm də doğma xalqının adına hörmət qazandıran, milli kimliyini və mənəvi köklərini qoruyub saxlayan ziyalını görürük. Türkiyə ilə Azərbaycan arasında münasibətlərin özünəməxsusluğu da bu cür uğurlara xüsusi məna verir. Bu iki dövlətin və xalqın qardaşlığı ortaq tarixə, dilə, mədəniyyətə, milli-mənəvi dəyərlərə söykənir. “Bir millət, iki dövlət” fəlsəfəsi yalnız siyasi ifadə deyil, milyonlarla insanın qəlbində yaşayan, gündəlik həyatında özünü göstərən mənəvi həqiqətdir. Bu qardaşlığın ən gözəl təzahürlərindən biri də hər iki ölkənin insanlarının bir-birinin uğurlarına sevinməsi, əldə etdikləri nailiyyətləri ortaq sevinc kimi qəbul etməsidir. Türkiyədə Azərbaycan əsilli bir həkimin Prezident Rəcəb Tayyib Ərdoğan tərəfindən şəxsən mükafatlandırılması da məhz bu mənəvi yaxınlığın, qarşılıqlı ehtiramın və etimadın yadda qalan nümunəsidir. Fərid Qasımzadənin uğuru Azərbaycanla Türkiyə arasında elm və səhiyyə sahəsində mövcud olan əlaqələrin, insan amilinə əsaslanan dostluq münasibətlərinin də rəmzi kimi dəyərləndirilə bilər. Əslində, insanın qazandığı uğurun böyüklüyü onun harada mükafatlandırılması ilə yanaşı, hansı dəyərləri təmsil etməsindədir. Fərid müəllimin timsalında peşəsinə bağlılıq, insanlara xidmət, doğma köklərə sədaqət və zəhmətə hörmət kimi keyfiyyətlər bir araya gəlir. Bu keyfiyyətlər isə hər bir ziyalının, hər bir peşə sahibinin həyatında örnək ola biləcək dəyərlərdir. Fərid Qasımzadə kimi soydaşlarımızın uğurlarını diqqətdə saxlamaq, onların fəaliyyətini cəmiyyətə tanıtmaq, gənc nəslə nümunə göstərmək olduqca vacibdir. Çünki gənclər üçün ən təsirli örnəklərdən biri zəhməti, biliyi və vicdanlı fəaliyyəti ilə uğur qazanan insanlardır. Fərid Qasımzadənin həyat və peşə yolunun bu baxımdan da dəyərli nümunə olduğuna inanırıq. Fərid Qasımzadənin Türkiyədə layiq görüldüyü mükafat onun şəxsi uğur salnaməsinə yazılan mühüm hadisə olmaqla yanaşı, Azərbaycan ziyalılarının beynəlxalq aləmdə qazandığı nüfuzun da göstəricisidir. Bu uğur həm də Qarabağın adını, onun yetirdiyi insanların istedadını və zəhmətini xatırladan xoş bir hadisədir. İnanırıq ki, Fərid müəllimin bu nailiyyəti son deyil, yeni uğurların başlanğıcı olacaq. Onun insanlara xidmət yolunda qazandığı təcrübə, peşəkar fəaliyyəti və nüfuzu bundan sonra da Azərbaycan-Türkiyə münasibətlərinin mənəvi zənginliyinə öz töhfəsini verəcək. Qoy onun timsalında Türkiyədə yaşayan bütün soydaşlarımızın uğurları artsın, Azərbaycan adını ucaldan belə fəxarət ünvanlarımız daha da çoxalsın.

Əməkdar jurnalist
Hikmət Xudiyev

]]> Mehemmed Sun, 01 Nov 2026 20:36:27 +0000 https://manera.az/index.php?newsid=18518 https://manera.az/index.php?newsid=18518 ]]>

Türkiyədə fəaliyyət göstərən iki həmyerlimiz — Ankara Bilkent Şəhər Xəstəxanasının Ürək və Damar Cərrahiyyəsi Klinikasının müəllim üzvü Dos. Dr. Fərid Qasımzadə və Hacettepe Universiteti Tibb Fakültəsinin Beyin və Sinir Cərrahiyyəsi kafedrasının müəllim üzvü Dos. Dr. Şahin Hanalioğlu tibb elmi və səhiyyə sahəsindəki xidmətlərinə, eləcə də Azərbaycan–Türkiyə arasında səhiyyə əməkdaşlığının inkişafına verdikləri töhfələrə görə nüfuzlu mükafatlara layiq görülüblər.



31 oktyabr 2026-cı il tarixində İstanbul şəhərində Türkiyə Respublikası Prezident Administrasiyasının himayəsi altında, Türkiyə Sağlamlıq İnstitutları Başkanlığının (TÜSEB) təşkilatçılığı ilə keçirilən 12-ci Türk Tibb Dünyası Qurultayı çərçivəsində “2026 TÜSEB Aziz Sancar Elm, Xidmət, Təşviq və Səhiyyə Texnologiyaları Prestij Mükafatları” mərasimi baş tutub.

Türkiyə Respublikasının Prezidenti Rəcəb Tayyib Ərdoğanın iştirakı ilə keçirilən mərasimdə neyrocərrah Dos. Dr. Şahin Hanalıoğlu “TÜSEB Türk Dünyası Səhiyyə və Elm Fəxri Beratı”na və “TÜSEB Təşviq Mükafatı”na, ürək-damar cərrahı Dos. Dr. Ferit Kasımzade isə “TÜSEB Türk Dünyası Səhiyyə və Elm Fəxri Beratı”na layiq görülüb.

Dünyaca məşhur türk alimlərinin, müxtəlif ölkələrin səhiyyə nazirlərinin, yüksəkvəzifəli dövlət rəsmilərinin və səhiyyə sahəsinin nüfuzlu nümayəndələrinin iştirak etdiyi mötəbər mərasimdə mükafatların təqdimatı zamanı Türkiyə Respublikasının Prezidenti Rəcəb Tayyib Ərdoğanla yanaşı, Türkiyənin səhiyyə naziri Prof. Dr. Kemal Memişoğlu və TÜSEB-in sədri Prof. Dr. Ümit Kervan da yer alıblar.

Azərbaycanlı həkimlərin belə nüfuzlu mükafatlara layiq görülməsi onların tibb elmi və səhiyyə sahəsindəki peşəkar fəaliyyətinə verilən yüksək dəyərin göstəricisidir.

Bu əlamətdar hadisə eyni zamanda Azərbaycan və Türkiyə arasında elm, tibb və səhiyyə sahəsində əməkdaşlığın inkişafını, iki qardaş ölkənin mütəxəssisləri arasında mövcud olan güclü elmi əlaqələri bir daha nümayiş etdirir.

Həmyerlilərimizin Türkiyədə dövlət başçısının iştirakı ilə keçirilən belə mötəbər mərasimdə təltif olunması Azərbaycan tibb ictimaiyyəti üçün də böyük qürur mənbəyidir.



Məhəmməd,
Manera.az

]]> Mehemmed Sat, 31 Oct 2026 21:30:53 +0000 https://manera.az/index.php?newsid=18515 https://manera.az/index.php?newsid=18515 ]]>

8 Noyabr – Zəfər Günü münasibətilə Bakıda möhtəşəm konsert proqramı təşkil olunacaq.

Manera.az xəbər verir ki, konsert noyabrın 8-də saat 20:00-da Dənizkənarı Milli Parkda keçiriləcək.

Heydər Əliyev Fondu və Bakı Şəhər İcra Hakimiyyətinin birgə təşkilatçılığı ilə baş tutacaq tədbirdə Azərbaycanın tanınmış müğənniləri və rəqs kollektivləri çıxış edəcəklər.

Konsert proqramı bayram gecəsinə xüsusi rəng qatacaq atəşfəşanlıqla başa çatacaq.

]]> Mehemmed Sat, 31 Oct 2026 18:33:25 +0000 https://manera.az/index.php?newsid=18509 https://manera.az/index.php?newsid=18509 ]]>
Azərbaycanın Xalq artisti Zaur Rzayev vəfat edib.

Manera.az xəbər verir ki, uzun müddətdir səhhətində ciddi problemlər yaşayan sənətkar bu gün Mərkəzi Neftçilər Xəstəxanasında dünyasını dəyişib.

Qeyd edək ki, Zaur Rzayev Azərbaycan musiqi sənətinin tanınmış nümayəndələrindən biri olub.

Allah rəhmət eləsin!

]]> Mehemmed Thu, 29 Oct 2026 18:41:32 +0000 https://manera.az/index.php?newsid=18507 https://manera.az/index.php?newsid=18507 ]]>
Azərbaycan Prezidenti İlham Əliyev ölkəmizin tarixən müxtəlif mədəniyyətlərin qovuşduğu məkan olduğunu və multikulturalizm ənənələrinin xalqımızın həyatında mühüm yer tutduğunu bildirib.

Manera.az xəbər verir ki, dövlət başçısı bu barədə oktyabrın 27-də Bakıda keçirilən “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunun açılış mərasimində çıxışı zamanı danışıb.

Prezident İlham Əliyev Azərbaycanın mədəniyyətlərarası dialoqda tarixi roluna diqqət çəkərək bildirib:

“Biz Avropa ilə Asiya arasında yerləşirik. Əsrlər boyu Azərbaycan Asiya ilə Avropa arasında mədəniyyət körpüsü olub. Multikulturalizm ənənələri, dini və etnik dözümlülük xalqımızın əsrlər boyu yaşatdığı meyarlar olub və biz onları yüksək dəyərləndiririk. Azərbaycanın uğurlu və sabit inkişafının təməlində dayanan əsas səbəblərdən biri isə cəmiyyətimizdəki ahəngdarlıq”.

Dövlət başçısı ölkədə yaşayan müxtəlif xalqların və dini icmaların qarşılıqlı hörmət şəraitində yaşamasının əhəmiyyətini də vurğulayıb.

Prezident çıxışında milli kimliyin, dilin və ənənələrin qorunması məsələsinə də toxunub.

“Azərbaycan əsrlər boyu öz dövlətçiliyindən məhrum olmuşdur, baxmayaraq ki, bizim əvvəlki əsrlərdə dövlətçiliyin çox böyük ənənələri var. Lakin son iki əsrdə biz müstəqil olmamışıq. Bununla belə, yaşadığımız sistemdən asılı olmayaraq, dəyərlərimizi, dilimizi, ənənələrimizi, həyat tərzimizi qoruyub saxlaya bilmişik. Hamınız bilirsiniz ki, biz fərqli sistemlərdə yaşamışıq”.

Qeyd edək ki, 2011-ci ildən keçirilən Ümumdünya Mədəniyyətlərarası Dialoq Forumu müxtəlif mədəniyyətlər və dinlər arasında qarşılıqlı anlaşmanın gücləndirilməsinə xidmət edən beynəlxalq platformadır.


Manera.az ]]> Mehemmed Tue, 27 Oct 2026 14:30:58 +0000 https://manera.az/index.php?newsid=18506 https://manera.az/index.php?newsid=18506 ]]>

“Bütün potensial risklər bizim hüdudlarımızdan kənardan gəlir. İdeoloji risklər fiziki risklər qədər təhlükəlidir”.

Manera.az xəbər verir ki, bunu Azərbaycan Prezidenti İlham Əliyev Bakıda keçirilən “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunun açılış mərasimində çıxışı zamanı deyib.

Dövlət başçısı milli kimliyin, dövlətçiliyin və müstəqilliyin qorunmasının vacibliyini vurğulayıb.

“Bütün potensial risklər bizim hüdudlarımızdan kənardan gəlir. İdeoloji risklər fiziki risklər qədər təhlükəlidir. Ona görə biz hər zaman ayıq-sayıq olmalıyıq və milli mənsubiyyətimizin, dövlətçiliyimizin qorunmasına, müstəqilliyimizin müdafiə olunmasına və həyat tərzimizin qorunmasına çox bağlı olmalıyıq”, – deyə Prezident İlham Əliyev bildirib.


Manera.az ]]> Mehemmed Tue, 27 Oct 2026 10:45:45 +0000