Gundem - Manera.Az https://manera.az/ Gundem - Manera.Az DataLife Engine Media və Yayım Şurasına sədr təyin edilib - SƏRƏNCAM https://manera.az/index.php?newsid=18442 https://manera.az/index.php?newsid=18442 ]]>

Azərbaycan Respublikası Media və Yayım Şurasının sədri və üzvləri müəyyənləşib.

Manera.az xəbər verir ki, Prezident İlham Əliyev bununla bağlı Sərəncam imzalayıb.

Sərəncama əsasən, aşağıdakı şəxslər Azərbaycan Respublikası Media və Yayım Şurasının sədri və üzvləri təyin ediliblər:

Media və Yayım Şurasının sədri

İsmayılov Əhməd Məhəmməd oğlu

Media və Yayım Şurasının üzvləri

Abdullayev Məhəmməd İzzət oğlu

Bəşirli Aynur Əliövsət qızı

Kərimova Rəqsanə Tofik qızı

Məmmədov Fərhad Rauf oğlu

Nadirov İlkin İlqar oğlu

Novruzov Fazil Hacıverdi oğlu.

]]> Mehemmed Tue, 08 Sep 2026 13:30:52 +0000 Çingiz Əlioğlu ilə bağlı kövrək paylaşım: “Biz təxminən qırx il dostluq etdik" https://manera.az/index.php?newsid=18439 https://manera.az/index.php?newsid=18439 ]]>

Xalq yazıçısı Çingiz Abdullayev mərhum şair Çingiz Əlioğlu ilə bağlı səmimi xatirələrini bölüşüb.

Çingiz Abdullayev sosial media hesabında paylaşdığı yazıda Çingiz Əlioğlu ilə təxminən qırx il dostluq etdiyini bildirib. O, aralarındakı yaş fərqinin dostluqlarına heç vaxt mane olmadığını qeyd edib.

“Biz təxminən qırx il dostluq etdik. O, məndən xeyli böyük idi, lakin bu, dostluğumuza heç bir maneə yaratmırdı”, – deyə Çingiz Abdullayev yazıb.

Paylaşımda Çingiz Əlioğlunun ailə və qohumluq əlaqələrinə də toxunulub. Bildirilib ki, onun anası yazıçı İlyas Əfəndiyevin bacısı olub.

Çingiz Abdullayev dostunu istedadlı şair, maraqlı insan, yaxşı dost və əla həmsöhbət kimi xatırlayıb.

“Biz birlikdə Finlandiya, Türkiyə və Rusiyaya səfərlər etmişdik. Onunla vaxt keçirmək çox xoş idi; o, həm Azərbaycan, həm də dünya ədəbiyyatına dərindən bələd idi. Biz bir-birimizlə çoxlu gülməli və əyləncəli əhvalatlar bölüşmüşdük”, – deyə Xalq yazıçısı qeyd edib.

Çingiz Abdullayev paylaşımının sonunda dost itkisi ilə bağlı kövrək fikirlərini ifadə edib:

“Dəyərli insanlar – dostlar – bizi tərk edib gedirlər. Artıq qırx mərasimi yaxınlaşır. Ruhu şad olsun”. ]]> Mehemmed Tue, 08 Sep 2026 12:49:06 +0000 Əziz Səncər “Şöhrət” ordeni ilə təltif edilib https://manera.az/index.php?newsid=18438 https://manera.az/index.php?newsid=18438 ]]> Əziz Səncər “Şöhrət” ordeni ilə təltif edilib
Manera.az xəbər verir ki, bununla bağlı Prezident İlham Əliyev sərəncam imzalayıb.

Əziz Səncər Azərbaycan Respublikasının beynəlxalq elmi və humanitar əməkdaşlığının möhkəmləndirilməsində xüsusi xidmətlərinə görə təltif olunub. ]]> Mehemmed Mon, 07 Sep 2026 15:49:48 +0000 “Zaman gələr, zaman gəlməz” kitabı təqdim olunub https://manera.az/index.php?newsid=18436 https://manera.az/index.php?newsid=18436 ]]>
Əməkdar həkim Cabir İsrafil oğlu Məmmədovun həyat və fəaliyyətinə həsr olunan “Zaman gələr, zaman gəlməz” kitabının təqdimatı ADPU-nun Quba filialında keçirilib.

Ramiz Qusarçaylı və Qvami Məhəbbətoğlu tərəfindən qələmə alınan kitab Cabir Məmmədovun həkimlik fəaliyyəti, ziyalı şəxsiyyəti və insanlara xidmət yolundan bəhs edir.

Tədbirdə Quba ictimaiyyətinin nümayəndələri, ədəbiyyat və səhiyyə xadimləri, ziyalılar, həmçinin Cabir Məmmədovun ailə üzvləri iştirak ediblər. Çıxışlarda kitabın həkimin əziz xatirəsinin yaşadılması və həyat yolunun gələcək nəsillərə çatdırılması baxımından əhəmiyyəti vurğulanıb.

Təqdimatın sonunda müəlliflər çıxış edərək tədbir iştirakçılarına təşəkkürlərini bildiriblər.

“Zaman gələr, zaman gəlməz” kitabı təqdim olunub ]]> Mehemmed Mon, 07 Sep 2026 13:00:02 +0000 Rəşad Məcid: “Heç bir süni intellekt Sevda Ələkbərzadənin səsini və sənətkarlığını əvəz edə bilməz” https://manera.az/index.php?newsid=18427 https://manera.az/index.php?newsid=18427 ]]>
Yazıçı-publisist, Azərbaycan Yazıçılar Birliyinin sədr müavini Rəşad Məcid müğənni, Əməkdar artist Sevda Ələkbərzadənin süni intellektlə bağlı fikirlərinə münasibət bildirib.

Rəşad Məcid sosial media hesabında Sevda Ələkbərzadənin “Hara gedirsən, hər yerdə robot (süni intellekt) oxuyur, bezdim vallah…” fikrini paylaşaraq, sənətçinin narahatlığının başadüşülən olduğunu qeyd edib.

O, Sevda Ələkbərzadənin özünəməxsus səsi, tembri, ifa tərzi və improvizələri ilə seçildiyini vurğulayıb:

“Sevda Ələkbərzadə qeyri-adi səsi, özünəməxsus tembri, məşhur mahnıları fərqli improvizələrlə təqdim etməsi və fərqli ifa tərzi ilə hər zaman sevilib, böyük rəğbət qazanıb. Onun səsi insan ruhunun ən incə tellərinə toxunan, duyğuları riqqətə gətirən nadir səslərdəndir”.

Rəşad Məcid əmin olduğunu bildirib ki, süni intellekt sənətçinin səsini və ifa ruhunu əvəz edə bilməz.

“Mən əminəm ki, heç bir süni intellekt onun əfsunkar səsini, sənətkarlığını və ifa ruhunu əvəz edə bilməz. Bu mənada belə əvəzolunmaz səs sahibinin zövqləri primitivləşdirən, bayağılıq aşılayan süni intellekt ifalarından narahatlıq keçirməsi düşündürücüdür”, – deyə o qeyd edib.

Yazıçı bildirib ki, Sevda Ələkbərzadənin fikirləri yalnız sadə bir narazılıq kimi qəbul edilməməlidir. Onun sözlərinə görə, bu yanaşmanın arxasında sənətin gələcəyi ilə bağlı mühüm sual dayanır.

“Ola bilər, Sevda xanımın fikirləri ilk baxışda kiməsə sadə bir giley kimi görünsün. Amma bu sözlərin arxasında sənətin gələcəyi ilə bağlı ciddi və üzərində düşünməli bir sual dayanır: süni intellektin meydan suladığı indiki dövrdə insanın yaratdığı sənət öz yerini qoruyub saxlaya biləcəkmi?” – Rəşad Məcid vurğulayıb. ]]> Mehemmed Fri, 04 Sep 2026 08:40:37 +0000 Üç qardaşdan biri – Pünhan Şükürün doğum gününə https://manera.az/index.php?newsid=18418 https://manera.az/index.php?newsid=18418 ]]>

Hikmət Məlikzadə: “Daşdəmir mənim sənət örnəyim, Pünhan isə fəxrimdir...”


Mətbuatın köhnə adamlarından olan jurnalist Hikmət Məlikzadə həmkarı və dostu, jurnalist Pünhan Şükürün doğum günü münasibətilə duyğusal yazı qələmə alıb.

Manera.az həmin yazını təqdim edir:

Biz, üç qardaş – Daşdəmir Əjdəroğlu, Pünhan Şükür və mən (Hikmət Məlikzadə) mətbuatın köhnə adamlarıyıq. Üçümüzü də zaman-zaman jurnalistika səmasında eyni aramla bərq vuran eyni buludlar isladıb, üçümüzün də üstündən eyni küləklər keçib. Üçümüz də çörəyimizi çox vaxt dizlərimizin üstündə qazanmışıq... O çörəkdə indi də halal zəhmətimizin və göz nurumuzun izləri var...

Mən və Pünhan həmyaşıdıq, Daşdəmir bizdən beş-altı bayram böyükdür. Onu 1993-cü ildən tanıyıram. İlk gördüyüm gün mənə doğma adam təsiri bağışladı. Sağ olsun, bir böyük kimi tövsiyələrini əsirgəmədi. Bir növ, tez-tez onun zəhmət sığalı ilə qarşı-qarşıya gəldim. Mətin, halal insan kimi bərkiməyimdə onun rolu çoxdur...

İllər sonra Pünhan Şükürü tanıdım. İlk gördüyüm gün onun ləngərsiz vücudundakı surət mənə özümü xatırlatdı. “Tək səbir” qəzeti bizi doğmalaşdırdı. Onun da halal insan olduğunu sezdim. Ovuclarındakı zəhmət qabarları eyni ilə məndəki kimi idi.

Sonra Daşdəmir Əjdəroğlu Pünhan haqqında mənə sanballı fikirlər dedi. Hətta məsləhət gördü ki, bir-birimizdən muğayat olaq. İndi də onun bəzi dedikləri qulaqlarımda cingilti verir.

Bir yağışsız, dumansız payız günü Daşdəmir dedi:

– Mətbuatın duza gedən vaxtıdır. Sənə və Pünhana böyük etibarım və inamım var. Bir-birinizdən muğayat olun. İmkan verməyin yalın ağızlar, saxta təbəssümlər və boş başlar sizi ayrı-ayrı qayıqlara mindirsin. Çalışın, həmişə eyni cəbhədə “döyüşün”... Əmin olun ki, mənim də nəzərlərim həmişə üstünüzdə olacaq...

Daşdəmir Pünhana da, mənə də qardaş qədər doğma idi deyə onun bu həyat timsallı sözləri bizə həmişə örnək oldu. Biz həm onun, həm də içimizin işıqlı təpəri ilə bir-birimizə qarşı hədsiz səmimi olduq, bir-birimizin əlindən möhkəm yapışdıq.

İllər bizim üçümüzü də eyni missiyanın yorulmaz, sədaqətli əsgəri etdi. Nə xoş ki, Birinci Qarabağ müharibəsi dövründə də qələmimiz süngüyə çevrildi, Vətən müharibəsində də. Əminəm ki, bu ərəfələrdə qələmə aldıqlarımız bir əsgərin Vətən üçün qazandığı uğur qədər görkəm qazana bildi.

Çox şükür, bu gün də hər üçümüz halal yolla çörək qazanır, zəhmətimizin müqabilində həyat qayığımızı özümüzə aid dəryalarda sürə bilirik.

Daşdəmir mənim sənət örnəyim, Pünhan isə fəxrimdir...

Bu gün Pünhan qardaşımın ad günüdür. Minnətdaram ki, əvvəl necə idisə, indi də elədir. Onun səmimiyyəti mənim üçün indi də bir qazancdır...

Doğum günün mübarək, Pünhan! Sənə yalnız can sağlığı arzu edirəm. Canın sağ olsun ki, həyat qayığını içindəki arzulara sarı sürə biləsən!

Hörmətlə,
Hikmət Məlikzadə

 ]]> Mehemmed Wed, 02 Sep 2026 12:45:43 +0000 Sevgi və taleyin sınaqları: Xavər Vəkilova Səməd Vurğunla ailə həyatı haqqında https://manera.az/index.php?newsid=18417 https://manera.az/index.php?newsid=18417 ]]> 0

Şəmil Sadiqin rəhbərliyi, Aslan Salmansoyun redaktorluğu ilə nəşr olunan “Səməd Vurğun xatirələrdə” kitabında şairin doğmalarının və yaxınlarının xatirələri toplanıb. Bu xatirələr Səməd Vurğunu yalnız böyük söz ustadı və ictimai xadim kimi deyil, həm də səmimi, qətiyyətli, duyğulu və öz hisslərinə sadiq bir insan kimi görməyə imkan verir.

AZƏRTAC silsilənin növbəti yazısında Azərbaycan Xalq şairinin həyat yoldaşı Xavər Vəkilovanın onların tanışlığı və toy mərasimi, ailə həyatının ilk illəri, övladlarının dünyaya gəlməsi, eləcə də repressiya illərində ailənin üzləşdiyi ağır sınaqlarla bağlı xatirələrinin davamını təqdim edir.

“...Nəhayət, görüşümüz Şaiq əfəndigil¬də təşkil olundu. Otaqda ikimiz oturmuşduq, Səməd indiyədək keçirdiyi çətin və əzablı həyat yolundan danışıb, kasıb olduğuna görə qızların onunla ailə qurmaqdan imtina etdikləri haqqında danışdı...

Böyüklər razılıq verdikdən sonra nişanlandıq və iki il nişanlı qaldıq. Toy günümüz indiyədək yadımdadır – 1934-cü ildə 16 yaşım tamam olan kimi bizə məclis qurdular”.

Kitabda qeyd olunur ki, toyda şair və yazıçılar Mikayıl Müşfiq, Hüseyn Cavid, Mirzə İbrahimov, Sabit Rəhman, Mehdi Hüseyn, Cəfər Xəndan, Yusif Vəzir Çəmənzəminli, Yazıçılar İttifaqının sədri Məmməd Kazım Ələkbərli və digər tanınmış şəxslər iştirak ediblər. Mərhum Əhməd Cavad toyun tamadası olub, xanəndə Hüseynağa Hacıbababəyov oxuyub, Qurban Pirimov isə onu tarda müşayiət edib.

Xavər Vəkilovanın sözlərinə görə, yeni evlənənlər salona daxil olan kimi Mikayıl Müşfiq ayağa qalxaraq onlar üçün yazdığı şeiri oxuyub.

“Biz içəri daxil olub stolun başında əyləşən kimi hamı birdən Səmədə tərəf çevrildi – ondan şeir gözləyirdilər. Səməd ayağa qalxıb mənə həsr etdiyi şeiri oxudu”.

Ailə həyatının ilk günləri barədə söhbətini davam etdirən Xavər Vəkilova xatırlayır: “Başımа xırda pullar səpə-səpə məni Səmədin birotaqlı mənzilinə apardılar. Yeni evə ayağım düşərli olmuşdu. Təközlü ocağımız sevinclə, məhəbbətlə çağlayırdı. Ölən günədək də Səmədlə “can” deyib, “can” eşitdik.

Böyük oğlum Yusifə hamilə qalmışdım. Səməd çox sevinirdi. Məni xəstəxanaya aparanda o, evdə yox idi, xəbəri eşidib dərhal özünü oraya çatdırmışdı. Doğum evinə axşam aparılsam da, Yusif dünyaya ertəsi günü – səhər saat 9-da gəlmişdi. Yanıma gəlib dedi ki, sən məni həm ata etdin, həm də mənə atamı bağışladın. Uşağa atasının adını – Yusif qoydu.

Repressiyalar başlayanda həyəcanlı günlərimiz çoxaldı. Onda Aybənizə hamilə olduğumdan Səməd çox şeyi mənə demirdi. Həmin günlərdə eşitmişdim ki, Yazıçılar İttifaqının sədrini həbs ediblər. Səməd İttifaqın katibi vəzifəsini daşıdığından daha çox həyəcan keçirirdik. Həbs ediləcəyindən ehtiyatlanan Səməd bizi anamgilə apardı. Ancaq orada da sakit ola bilmədik. Gecələr qonşu qapılar döyülür, kimlərisə camaatın “qara qarğa” adlandırdıqları qara maşınlara basıb aparırdılar. Sentyabrın 9-da Aybəniz dünyaya gəldi. Ancaq həmin il Səmədin əsərləri çap edilmədiyindən imkanımız aşağı idi. Mehdi Hüseynlə birlikdə məni doğum evindən çıxarmağa gələndə ikisinin cibində bircə manat tapılmadı...

Bir neçə il son dərəcə kasıb yaşadıq...”

Ardı var...

Müxbir – Günel Alıyeva ]]> Mehemmed Wed, 02 Sep 2026 12:34:33 +0000 Sumqayıtda Xalq şairi Sabir Rüstəmxanlı ilə gənclərin görüşü keçirilib https://manera.az/index.php?newsid=18416 https://manera.az/index.php?newsid=18416 ]]>

Sumqayıt şəhərində Azərbaycanın Xalq şairi, tanınmış ictimai-siyasi xadim Sabir Rüstəmxanlı ilə gənclərin görüşü keçirilib.

Gənclərin İnkişaf və Karyera Mərkəzi, Dünya Gənc Türk Yazarlar Birliyi və Azərbaycan Yazıçılar Birliyinin Sumqayıt bölməsinin birgə təşkilatçılığı ilə baş tutan görüş ədəbiyyat, tarix, milli düşüncə və gəncliyin cəmiyyətdəki rolu ətrafında maraqlı müzakirələrlə yadda qalıb.

Dünya Gənc Türk Yazarlar Birliyinin sədri İntiqam Yaşarın moderatorluğu ilə keçirilən tədbirdə şəhər ictimaiyyətinin nümayəndələri, ədəbiyyat və mədəniyyət adamları, yaradıcı gənclər və fəal oxucular iştirak ediblər.

Görüşdə Sabir Rüstəmxanlının zəngin həyat və yaradıcılıq yolu, Azərbaycan ədəbiyyatına verdiyi töhfələr, eləcə də uzun illər ərzində davam etdirdiyi ictimai fəaliyyəti barədə danışılıb. Xalq şairi gənclərlə söhbətində həyatının müxtəlif mərhələlərindən, ədəbiyyata gəlişindən, yaradıcılıq axtarışlarından və dünyagörüşünün formalaşmasına təsir göstərən hadisələrdən bəhs edib.

Söhbətin əsas mövzularından biri Azərbaycanın milli azadlıq hərəkatı və ölkənin yaxın tarixi olub. Həmin tarixi proseslərin fəal iştirakçılarından biri kimi Sabir Rüstəmxanlı yaşadığı dövrün ictimai-siyasi mənzərəsi, xalqın milli özünüdərk prosesinin güclənməsi, azadlıq və müstəqillik ideyalarının cəmiyyətdə geniş yayılması ilə bağlı xatirələrini gənclərlə bölüşüb. O, Azərbaycanın dövlət müstəqilliyinə gedən yolunda baş verən mühüm hadisələrdən söz açaraq tarixi yaddaşın qorunmasının və gələcək nəsillərə ötürülməsinin əhəmiyyətini vurğulayıb.

Görüşdə ədəbiyyatın cəmiyyət həyatındakı yeri də geniş müzakirə olunub. Sabir Rüstəmxanlı Azərbaycan ədəbiyyatının bugünkü vəziyyəti, çağdaş ədəbi proses, milli ədəbi irsin qorunması və təbliği barədə fikirlərini iştirakçılarla bölüşüb. Xalq şairi ədəbiyyatın yalnız estetik zövq formalaşdıran bir sahə olmadığını, eyni zamanda xalqın yaddaşının, dilinin, mənəvi dəyərlərinin və milli kimliyinin yaşadılmasında mühüm rol oynadığını diqqətə çatdırıb.

Söhbət zamanı gənclərin ədəbiyyata münasibəti, müasir dövrdə mütaliə vərdişlərinin dəyişməsi və bədii kitaba marağın artırılması məsələlərinə də toxunulub. Gənc nəslin mütaliəyə daha çox vaxt ayırmasının, Azərbaycan və dünya ədəbiyyatının seçilən nümunələri ilə yaxından tanış olmasının onların dünyagörüşünün formalaşmasına mühüm təsir göstərdiyi qeyd edilib.

Sabir Rüstəmxanlı gənclərin milli ədəbiyyatın təbliğində fəal iştirakının vacibliyini vurğulayıb. Bildirilib ki, müasir informasiya və kommunikasiya imkanları gənclərə ədəbiyyatı daha geniş auditoriyaya çatdırmaq, kitab və mütaliə mədəniyyətini təşviq etmək üçün yeni imkanlar yaradır. Bu baxımdan yaradıcı gənclərin həm milli ədəbi irsi dərindən öyrənməsi, həm də müasir ədəbi prosesdə fəal iştirak etməsi xüsusi əhəmiyyət daşıyır.

Tədbirin maraqlı məqamlarından biri də Sabir Rüstəmxanlının yaradıcılığına həsr olunan hissə olub. Gənclər Xalq şairinin müxtəlif illərdə qələmə aldığı şeirlərini səsləndirərək onun poeziyasının vətən, xalq, milli kimlik və azadlıq ruhunu əks etdirən nümunələrini iştirakçılara təqdim ediblər.

Şəhərin ictimai və ədəbi-mədəni həyatında fəallıq göstərən şəxslər də çıxış edərək Sabir Rüstəmxanlının Azərbaycan poeziyasındakı yeri, milli düşüncənin formalaşmasına verdiyi töhfələr və ictimai fəaliyyəti barədə fikirlərini bölüşüblər. Çıxışlarda onun yaradıcılığında vətənpərvərlik, milli yaddaş, türk dünyasına bağlılıq, azadlıq və mənəvi dəyərlər mövzularının xüsusi yer tutduğu vurğulanıb.

Səmimi və qarşılıqlı fikir mübadiləsi şəraitində keçən görüşdə gənclər onları maraqlandıran müxtəlif mövzularda Xalq şairinə suallar ünvanlayıblar. Suallar ədəbiyyat və yaradıcılıqla yanaşı, Azərbaycan tarixinin mühüm mərhələləri, milli-mənəvi dəyərlərin qorunması, müasir gəncliyin qarşısında duran vəzifələr, mütaliə və yaradıcı inkişaf kimi mövzuları əhatə edib.

Sabir Rüstəmxanlı gənclərin suallarını ətraflı cavablandıraraq onlara daim mütaliə etməyi, milli tarixə və ədəbiyyata dərindən bələd olmağı, ana dilinə və milli-mənəvi dəyərlərə həssas yanaşmağı tövsiyə edib.

Görüş gənclərin Azərbaycanın tanınmış ədəbiyyat və fikir adamlarından biri ilə birbaşa ünsiyyət qurması, onun həyat və yaradıcılıq təcrübəsindən faydalanması, ədəbiyyat, tarix və milli düşüncə ətrafında fikir mübadiləsi aparması baxımından əhəmiyyətli olub.

Tədbir iştirakçıların Sabir Rüstəmxanlı ilə xatirə şəkilləri çəkdirməsi ilə başa çatıb.

]]> Mehemmed Wed, 02 Sep 2026 12:28:16 +0000 Ankarada “Kültür Yolu” Festivalı Üzeyir Hacıbəylinin ölməz əsərləri ilə açılacaq https://manera.az/index.php?newsid=18410 https://manera.az/index.php?newsid=18410 ]]>

Ankarada “Kültür Yolu” Festivalının açılışı Üzeyir Hacıbəyliyə ithaf ediləcək, opera sənətçilərimizin iştirakı ilə möhtəşəm konsert proqramı təqdim olunacaq.

Türkiyədəki Səfirliyimizin nəzdindəki Azərbaycan Mədəniyyət Mərkəzi ilə Türkiyə Respublikası Mədəniyyət və Turizm Nazirliyinin Dövlət Opera və Balet Baş Müdirliyi arasında həyata keçirilən ortaq layihə çərçivəsində Ankarada keçiriləcək məşhur “Kültür Yolu” Festivalının açılışı dahi Azərbaycan bəstəkarı, Türk dünyasının mütəfəkkiri Üzeyir Hacıbəylinin xatirəsinə həsr olunacaq və bu münasibətlə möhtəşəm konsert proqramı təqdim ediləcək.

İki ölkənin Mədəniyyət nazirliklərinin dəstəyi ilə CSO Ada Ankara Ana Salonunda təqdim olunacaq “İki Devlet – Bir Sahne: Kardeş Ezgiler” adlı möhtəşəm konsert proqramı cari il 19 sentyabr tarixində reallaşdırılacaq. Ankara Dövlət Opera Orkestri, TRT Birləşmiş Xorunun müşaiyəti, Azərbaycan Respublikasının Xalq artisti Yalçın Adıgözəlovun dirijorluğu ilə keçiriləcək konsertdə Azərbaycan və Türkiyənin tanınmış opera sənətçilərinin iştirak edəcəkdir. Proqramın repertuarında dahi bəstəkar Üzeyir Hacıbəylinin ölməz əsərləri, Azərbaycan və Türk bəstəkarlarının seçilmiş əsərləri yer alacaq.

Azərbaycan və Türkiyə musiqi mədəniyyətlərinin eyni səhnədə möhtəşəm şəkildə qovuşacağı bu opera konserti iki qardaş ölkənin zəngin musiqi irsini, ortaq mədəni dəyərlərini və əsrlər boyu formalaşmış mənəvi bağlarını sənətin ecazkar dili ilə nümayiş etdirməklə, milli mədəniyyətimizin və Türk dünyasının ortaq mədəni irsinin geniş şəkildə təbliğinə mühüm töhfə verməyi hədəfləyir.


]]> Mehemmed Mon, 31 Aug 2026 19:30:58 +0000 Ali təhsil müəssisələrinə qəbul olunanların qeydiyyatı başlayır https://manera.az/index.php?newsid=18405 https://manera.az/index.php?newsid=18405 ]]>
Ali təhsil müəssisələrinə qəbul olunanların qeydiyyatı başlayır.

Dövlət İmtahan Mərkəzindən (DİM) Manera.az-a verilən məlumata görə, qeydiyyat sentyabrın 8-i saat 18:00-dək davam edəcək.

Qeyd edək ki, qəbul olunanların ali təhsil müəssisələri üzrə qeydiyyatı yalnız my.gov.az portalı üzərindən həyata keçirilir.

Eyni zamanda, ali təhsil müəssisələrinin boş qalan (vakant) plan yerlərinə ixtisas seçimi bu gündən başlayır və sentyabrın 2-dək internet vasitəsilə aparılacaq. ]]> Mehemmed Fri, 28 Aug 2026 14:30:16 +0000