https://manera.az/ Edebiyyat - Manera.Az DataLife Engine https://manera.az/index.php?newsid=18516 https://manera.az/index.php?newsid=18516 ]]>
Sabir Rüstəmxanlının 80 illik yubileyi Lənkəranda qeyd olunub.

31 oktyabr 2026-cı il tarixində AYB Lənkəran Bölməsində Xalq şairi Sabir Rüstəmxanlının 80 illik yubileyinə həsr olunmuş “Dünənlə sabahın körpüsü mənəm” adlı tədbir keçirilib.

Manera.az xəbər verir ki, tədbirdə bölgə yazarları, ziyalılar, elm xadimləri, gənclər, şagird və tələbələr iştirak ediblər.

Tədbirdə şairin həyat və yaradıcılığından, Azərbaycan ədəbiyyatına və Türk dünyasına verdiyi töhfələrdən bəhs olunub. Çıxış edənlər Sabir Rüstəmxanlının zəngin ədəbi irsini və ictimai fəaliyyətini yüksək qiymətləndiriblər.

Sonda şairin yaradıcılığından nümunələr səsləndirilib, xatirə şəkilləri çəkdirilib. ]]> Mehemmed Sat, 31 Oct 2026 19:35:09 +0000 https://manera.az/index.php?newsid=18509 https://manera.az/index.php?newsid=18509 ]]>
Azərbaycanın Xalq artisti Zaur Rzayev vəfat edib.

Manera.az xəbər verir ki, uzun müddətdir səhhətində ciddi problemlər yaşayan sənətkar bu gün Mərkəzi Neftçilər Xəstəxanasında dünyasını dəyişib.

Qeyd edək ki, Zaur Rzayev Azərbaycan musiqi sənətinin tanınmış nümayəndələrindən biri olub.

Allah rəhmət eləsin!

]]> Mehemmed Thu, 29 Oct 2026 18:41:32 +0000 https://manera.az/index.php?newsid=18500 https://manera.az/index.php?newsid=18500 ]]>
Azərbaycanda son illər uşaq ədəbiyyatının nəşrinə və elmi tədqiqinə maraq artıb.

Manera.az AZƏRTAC-a istinadən xəbər verir ki, bunu yazıçı, şair, professor Zahid Xəlil bildirib.

O qeyd edib ki, AMEA-nın Nizami Gəncəvi adına Ədəbiyyat İnstitutunda Uşaq ədəbiyyatı şöbəsinin yaradılması və şöbəyə ədəbiyyatşünas alim Elnarə Akimovanın rəhbərlik etməsi bu sahəyə göstərilən diqqətin nümunəsidir.

Yazıçı Bakı Beynəlxalq Kitab Sərgisində bəzi yeni nəşriyyatların ilk nəşrlərini məhz uşaq ədəbiyyatına həsr etməsini müsbət qiymətləndirib.

Zahid Xəlil bunun uşaq ədəbiyyatının cəmiyyətdəki əhəmiyyətinin getdikcə daha dərindən dərk olunduğunu göstərdiyini vurğulayıb. ]]> Mehemmed Thu, 22 Oct 2026 18:07:10 +0000 https://manera.az/index.php?newsid=18499 https://manera.az/index.php?newsid=18499 ]]>

Azərbaycanın görkəmli dramaturqu Hüseyn Cavidin “Hüseyn Cavid – Pyeslər” kitabının birinci cildi Türkiyə türkcəsində nəşr olunub.

Manera.az xəbər verir ki, Türkiyədəki Azərbaycan Mədəniyyət Mərkəzinin layihəsi əsasında hazırlanan kitab Ankaranın “Perge” nəşriyyatında işıq üzü görüb.

Dosent, doktor Mehdi Gəncəlinin tərcümə etdiyi nəşrin ön sözünün müəllifi və redaktoru akademik Rafael Hüseynovdur.

Kitaba dramaturqun “Şeyx Sənan”, “Uçurum”, “İblis”, “Peyğəmbər”, “Topal Teymur” və “Xəyyam” əsərləri daxil edilib.

Nəşrin növbəti iki cildinin də çapı, həmçinin Azərbaycanda və Türkiyədə təqdimat mərasimlərinin keçirilməsi planlaşdırılır. ]]> Mehemmed Thu, 22 Oct 2026 18:04:29 +0000 https://manera.az/index.php?newsid=18497 https://manera.az/index.php?newsid=18497 ]]>
Oktyabrın 22-də saat 16:00-da Sumqayıt Dövlət Dram Teatrında Xalq şairi Sabir Rüstəmxanlının “Sürgün sevgi” əsəri əsasında hazırlanan eyniadlı tamaşanın premyerası keçiriləcək.

Manera.az xəbər verir ki, ikihissəli milli faciənin quruluşçu rejissoru Əməkdar incəsənət xadimi Ağalar İdrisoğlu, bəstəkarı Əməkdar incəsənət xadimi Cavanşir Quliyev, quruluşçu rəssamı Osman Salmanov, tərtibatçı rəssamı Nizami Dadaşov, xormeysteri Əməkdar müəllim Firəngiz Xəlilova, plastik hərəkətlər və rəqslər üzrə quruluşçusu Kamil Ağazadə, videoqrafı isə Rais Bəhramidir.

Tamaşa ötən əsrin 30–50-ci illərində Azərbaycan xalqının məruz qaldığı repressiyaları araşdıran akademik Ziyad Şıxlının həyatından bəhs edir. Əsərdə Ermənistanın Azərbaycana qarşı ərazi iddiaları, Azərbaycanda başlayan milli azadlıq hərəkatı, 1990-cı ilin yanvarında Sovet ordusunun Bakıya yeridilməsi və bu hadisələrin fonunda akademiklə Sovet ordusunun zabiti olan oğlu Volodya arasındakı qarşıdurma əks olunur.

Eyni zamanda, pyesdə 1930-cu illərdə Qazaxıstana sürgün edilmiş bir ailənin vətənə bağlılığından bəhs edən sevgi hekayəsi də yer alır.

Məhəmməd,
Manera.az

]]> Mehemmed Tue, 20 Oct 2026 12:10:00 +0000 https://manera.az/index.php?newsid=18496 https://manera.az/index.php?newsid=18496 ]]>
Azərbaycan ədəbiyyatının görkəmli nümayəndəsi, Xalq yazıçısı İlyas Əfəndiyevin vəfatının 30-cu ildönümü münasibətilə Bakı teatrlarında yazıçının əsərləri əsasında hazırlanan tamaşalar nümayiş etdiriləcək.

Manera.az xəbər verir ki, silsilə tədbirlər çərçivəsində oktyabrın 22-də Şəhriyar adına Mədəniyyət Mərkəzində Bakı Bələdiyyə Teatrının “Şuşada ürəyim qaldı”, oktyabrın 23-də isə Azərbaycan Dövlət Akademik Milli Dram Teatrının “Xurşidbanu Natəvan” tamaşaları təqdim olunacaq.

İlyas Əfəndiyevin “Hökmdar və qızı” pyesi və Xalq yazıçısı Elçinin “Baş” romanı əsasında hazırlanan “Şuşada ürəyim qaldı” tamaşasının quruluşçu rejissoru Xalq artisti Mərahim Fərzəlibəyovdur. Səhnə əsərində Ağabəyim ağanın Vətən naminə şəxsi məhəbbətindən imtina etməsi, Qarabağa sonsuz sevgisi və doğma yurda həsrəti ön plana çəkilir.

İlyas Əfəndiyevin eyniadlı pyesi əsasında səhnələşdirilən “Xurşidbanu Natəvan” tamaşasının bədii rəhbəri və quruluşçu rejissoru Xalq artisti Azər Paşa Nemətovdur. Səhnə əsərində Qarabağ tarixinin görkəmli şəxsiyyətlərindən biri olan şairə Xurşidbanu Natəvanın həyat və fəaliyyəti, mənəvi dünyası, eləcə də yaşadığı dövrün ictimai-siyasi mənzərəsi əks olunur. ]]> Mehemmed Tue, 20 Oct 2026 11:58:50 +0000 https://manera.az/index.php?newsid=18491 https://manera.az/index.php?newsid=18491 ]]>

Tanınmış yazıçı Hüseynbala Mirələmovun “Dosta fəda bir ömür” adlı yeni sənədli romanı çapdan çıxıb.

Real həyat hadisələri əsasında qələmə alınan əsər dostluğa sədaqət, insanlıq və fədakarlıq kimi ali mənəvi dəyərlərə həsr olunub.

Romanda illər əvvəl Daxili İşlər Nazirliyinin əməkdaşı Front Mustafayevin dostunun həyatını xilas etmək üçün göstərdiyi qəhrəmanlıqdan bəhs edilir. Belə ki, Front Mustafayev dostunun sinəsinə tuşlanmış güllənin qarşısına keçərək öz həyatını fəda edib. Onun bu fədakarlığı əsl dostluğun və insan sədaqətinin nümunəsi kimi əsərin əsas mövzusunu təşkil edir.

Yazıçı “Dosta fəda bir ömür” romanını mərhum Front Mustafayevin oğlu, yaxın dostu Famil Mustafayevə ithaf edib.

Müəllif əsərin Front Mustafayevin şərəfli həyat yolunun, mərdliyinin və misilsiz fədakarlığının gələcək nəsillərin yaddaşında yaşadılmasına xidmət edəcəyinə ümidvar olduğunu bildirib.

“Dosta fəda bir ömür” sənədli romanı insan həyatında dostluğun, sədaqətin və mənəvi dəyərlərin əhəmiyyətini ön plana çıxarır.

]]> Mehemmed Thu, 15 Oct 2026 08:53:27 +0000 https://manera.az/index.php?newsid=18486 https://manera.az/index.php?newsid=18486 ]]>
Azərbaycan Milli Elmlər Akademiyasının Fəlsəfə və Sosiologiya İnstitutunda Nizami Gəncəvi adına Ədəbiyyat İnstitutu və Nəsimi adına Dilçilik İnstitutu ilə birlikdə Xalq şairi Sabir Rüstəmxanlının 80 illik yubileyi ilə bağlı tədbir keçirilib. “Sabir Rüstəmxanlı – mütəfəkkir Xalq şairi və istiqlal mübarizi” mövzusunda keçirilən elmi konfransı giriş sözü ilə AMEA-nın prezidenti, akademik İsa Həbibbəyli açıb.

Daha sonra AMEA-nın Fəlsəfə və Sosiologiya İnstitutunun direktoru, professor İlham Məmmədzadə və AMEA-nın Nəsimi adına Dilçilik İnstitutunun direktoru, professor Nadir Məmmədli Xalq şairi ilə bağlı təbrik sözləri söyləyiblər.

Elmi konfrans məruzələrlə davam edib. Fəlsəfə və Sosiologiya İnstitutunun direktor müavini Eynulla Mədətli “Sabir Rüstəmxanlı yaradıcılığında tarixi Azərbaycan və milli məsələ”, fəlsəfə elmləri doktoru Mətanət Şəkixanova “Sabir Rüstəmxanlının ‘Ömür kitabı’ – milli ruhun və kimliyin oyanış düsturu” mövzularında çıxış edərək Xalq şairinin yaradıcılığında milli kimlik, milli ruh, tarix və istiqlal məsələlərinin həlli haqqında fikirlərini bildiriblər.

Daha sonra professor Salidə Şərifova “Sabir Rüstəmxanlı romanlarında mifoloji və fantastik amillərin əksi” mövzusunda çıxış edib, fəlsəfə elmləri doktoru, Vətən müharibəsi veteranı Radif Mustafayev isə şairin “Qarabağa dönüş” poemasındakı məchul qəhrəman obrazını təhlil edib.

Professor İlham Tahirov Sabir Rüstəmxanlı yaradıcılığının dil xəritəsi, leksikoloji zənginliyi haqqında ətraflı məlumat verib, şairin dilinin dilçiliyimizdə ilk müəllif korpusu nümunəsi olduğunu diqqətə çatdırıb.

Fəlsəfə üzrə fəlsəfə doktoru, dosent Faiq Ələkbərli Sabir Rüstəmxanlının Türk dünyasındakı mövqeyindən, Türk birliyi uğrunda mübarizəsindən danışıb.
Şairə Asya Əhmədova çıxışında Sabir Rüstəmxanlı poeziyasında Qarabağ mövzusu, işğala qarşı mübarizə və Xocalı faciəsi haqqında fikirlərini bildirib.

Sonda Sabir Rüstəmxanlı çıxış edərək tədbirin təşkilatçılarına və məruzəçilərə təşəkkürünü bildirib.


]]> Mehemmed Mon, 12 Oct 2026 12:43:27 +0000 https://manera.az/index.php?newsid=18484 https://manera.az/index.php?newsid=18484 ]]>
Enn Karson sözügedən sahə üzrə 2026-cı ilin laureatı elan edilib.

O bu mükafata klassik ənənə ilə oynaq dialoq quraraq müasir ədəbiyyat üçün yeni formalar yaradan cəsarətli və yenilikçi yaradıcılığına görə layiq görülüb.

Kanadalı şair, yazıçı, esseist və tərcüməçi Enn Karson (Anne Carson) 21 iyun 1950-ci ildə Toronto şəhərində anadan olub. O, həmçinin antik ədəbiyyat tədqiqatçısı və universitet professorudur. Toronto Universitetində təhsil alan Karson 1981-ci ildə doktorluq dərəcəsi qazanıb. ABŞ və Kanadanın nüfuzlu universitetlərində, o cümlədən Prinston, Nyu-York və Miçiqan universitetlərində dərs deyib. Yaradıcılığında qədim yunan mifologiyasını müasir ədəbiyyatla birləşdirərək poeziya, nəsr və esse janrlarını özünəməxsus şəkildə sintez edir. Ən məşhur əsərləri arasında "Autobiography of Red", "The Beauty of the Husband", "Nox və Red Doc" yer alır. Ədəbi fəaliyyətinə görə iki dəfə "Griffin" poeziya mükafatına, "T. S. Eliot" mükafatına, 2020-ci ildə "Asturiya Şahzadəsi" ədəbiyyat mükafatına və 2021-ci ildə "PEN/Nabokov" mükafatına layiq görülüb.

Xatırladaq ki, Laszlo Krasznahorkai sözügedən sahə üzrə 2025-ci ilin laureatları elan edilib. ]]> Mehemmed Fri, 09 Oct 2026 15:46:02 +0000 https://manera.az/index.php?newsid=18483 https://manera.az/index.php?newsid=18483 ]]>
Tərtibçi və tərcüməçi Qismət Rüstəmov «Mavi saqqalın sirri» adlı yeni kitabın çapdan çıxdığını bildirib.

«Çardaq» nəşriyyatında işıq üzü görən 328 səhifəlik toplu dünya ədəbiyyatından seçmə esselərdən ibarətdir. Müəllif sosial şəbəkədə yaxın günlərdə kitabın bütün kitab evlərində satışa çıxacağını qeyd edib.

]]> Mehemmed Fri, 09 Oct 2026 10:28:52 +0000