manera.az
manera.az

Esmira Məhiqızıdan "Çiliklənən ad"- MANERA

25-04-2015, 11:22

Esmira Məhiqızıdan "Çiliklənən ad"- MANERA
Manera.az Esmira Məhiqızıdan yeni şeirləri təqdim edir:


MƏZAR...

Mən sənə
özümə baxdığım kimi
baxıram, məzar.
Mənim də içimdə
bir ölü var.
E.e.e.eee
neçə vaxtdı
bir mən öldürmüşəm,
bir mən yıxmışam.
Günün durar vaxtında
o ölünün soyuqluğundan
üşüyürəm
hər səhər, hər axşam.
Aralıqlarda
başdaşı kimi
gəzdiyimə baxma,
içimdəki ölüylə uğraşıram.
Məzar, məzar
məni ölüm kimi
tanıyırsan.
Hazırlaş,
qapın üzümə açılanda
bir məzara
iki ölü qarşılayacaqsan...

ADIMIN ÖLÜSÜ

Unudulmuş adların içində
adımın ölüsü uyuyur.
Yuyat yerlərin çatlarına dolub
adımın qırıqları.
Adımı huş aparır,
yadımı huş aparır.
Qulaqlarımda cingildəyir
getmək istəmədiyi yerə
gedən ölünün səsi:
E..S..İ...., ESİ..
Çatlarda olan-qalan
hərilərin qırıqları da ovxalanır.
Hər yan adımın ovxantısıdır.
Yığa bilmirəm adımın qırıqlarını.
Hələ bir hərifin qırıqlarını
yığmaq üçün bir ömür lazımdır.
Mən o qədər ömürləri hardan alım
adımın qırıqlarını yığmağa,
hərif-hərif ölü daşımağa.
Göy üzünün altında
suların qırılmış aynası kimidi
ciliklənən adım.
Ölülərin ən gözəl adıdı,
Adların ən gözəl ölüsüdü,
üstünə son nəfəsimin
küləkləri əsir, əsir.
Son nəfəsimi dərir
adımın qırıqlarının səsi:
E...S...İ..., ESİ...
Başından bəri
bir fikir də yorur beynimi.
Adımın öldüyünü
xatırlaya bilmirəm,
Adımın diriliyi kimi....

Manera.az
Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30