manera.az
manera.az

Bədənimdə baş qaldırır sənsizliyin ağrısı | Yeni İmza

21-02-2019, 14:05

Bədənimdə baş qaldırır sənsizliyin ağrısı | Yeni İmza
Manera.az “Gənc Ədiblər Məktəbi-4" üzvü, gənc şair Kənan İsmayılovun şeirlərini təqdim edir:

Leyla

Qıvrıl ürəyimin bir küncünə ,
Heç kim görməsin səni.
Heç, Allah da görməsin.
Qorxuram axı Leyla.
Birdən Allah da səni mənə çox gördü!
Çəkil ürəyimin bir küncünə, gizlən orda.
Gizlən
eynən uşaq vaxt anamızdan qaçıb,
çarpayı altında gizləndiyimiz kimi ..
Bilirsən Leyla ?
Mən , mənim olan hər şeyi itirdim bu dünyada.
Bir sən qaldın, birdə səni itirmək qorxusu..
Uşaq vaxt üstü bağlı məkanlarda,
Allahdan gizlətdiyim günahlar kimi,
gizlədim səni..

Payız duası

Yağış yağıb üst başına
Yağış qoxur əl, əyağın
Payız düşüb saçlarına,
Xəzəl olubdu saçların.

Payız qoxur şanələrin
Gözlərində yağışda var.
Payızdan bir yarpaq götür
Saxla məndən yadigar.

Sən ovcumun duasısan,
Qanadlanıb, uç Allaha
Payız gəlir uzaqlardan
Bir dəfəlik qaç Allaha..

Əlvidanın tərcüməsi

Bədənimdə baş qaldırır sənsizliyin ağrısı.
Qocaldır,deyəsən, bədənimi sənsizlik
Ehhh, bu ağrılar, ağrılar
Sən getdiyin gecədi, bu gecə.
Elə həmin ağrımaqdı bu ağrımaq
Elə həmin qaranlıqdı, həmin ay.
Səssizliyindən, sənsizliyindən
Və bir də ;
Ulduzların sayından,
tanıdım bu gecəni mən.
Bu gecənin bir adı var,
"Əlvida gecəsi.."
Sən bilmirsən, sevginin dilində,
əlvidalar bağışla kimi tərcümə olunur..
Bağışla, bağışla ki, gedirəm
Bağışla ki səni yarım buraxıram
Kaş ki səni bağışlamaz olaydım,
indi yaman darıxıram,
indi yaman darıxıram...

Günahsız

Bir qadın yarat İlahi,
Sol çiynində mələk olmasın.
Torpaqdan yox, savabdan yarat İlahi..

Bir qadın yarat İlahi,
Duaları sənin olsun, saçları mənim..

MANERA.AZБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031