manera.az
manera.az

Qadınım mənim- Pərviz Cəbrayılın şeirləri/ MANERA.AZ

2-12-2016, 11:27

Qadınım mənim- Pərviz Cəbrayılın şeirləri/ MANERA.AZ


Manera.az Pərviz Cəbrayılın şeirlərini təqdim edir...
***

Dil Dərsi

Gündüzlər - iş...Axşamlar -
"ah keçmiş...
"Gecələr - "gecmişşş..."
...mış, miş, muş, müş...
Sən demə, bizə
ömür adına
yazılmış
gün belə, gün altında
qoşa şəklimiz belə
yoxmuş...
gedək, dostum,
bizimçün şəkilçi düşünülməmiş...

***

Sən Mənə Ağ

Sən mənə
ağ məktublar yolla.
Yazdıqlarını
ağ mürəkkəblə qolla.

Sənə ağ cavablar
yollayım.
Məktublarımız
ələ keçərsə belə,
qorxma.
Kimsə aça bilməz
bu sirri
məktubları daşıyan
dolanbac,
əyri-üyrü
donqar belli
Ağam yollardan qeyri.

Sən mənə
ağ məktublar yolla,
gözlərim yol olmamış...
sal yolun ağına,
yolla...
***

De Neynim

Daha heç kim
oxşamır sənə,
daha heç kimdə
aranmırsan bir vaxtkı kimi.

Daha hamını sən bilib
kimsəyə qısqanmıram
kimsəni,
kimisə sən bilib
marşrut taksidən düşəndə ətəyinə toxunmaq,
yaxınlıq istəmirəm.
İstəmirəm təsadüfən kiminsə telinə toxuna barmaqlarım.

Birouz üz götürüb kimsələrdən
üzünə geyindirmək keçmir içimdən.
adlar seçmirəm səninçün
ad kitabından.

Daha heç kim sən deyil,
hamının adı özünündü,
üzü,
teli,
ayağı, əli,
taxdığı gümüş üzüklər, qolbağlar,
sırğalar,
boyunbağlar,
mobil telefonlar belə,
özünün.

Daha mədəmin ağrısı,
aclıq çağrısı
oturub ürəyimdə,
beynimdə
sənin bilmədiyim nişanlarını
götür-qoy eləmək yerinə.
Məndən asılı deyil,
mən neynim, de...

Axı sən...
daha...
özün varsan,
Özünü gəzim
üzüm varsa...
***

Mənim Təmizkar Qadınım

Qadınım mənim,
dostum,
sirdaşım,
otdaşım,
torpaqdaşım
sevdiyim,
bağrıma basdığım,
üzünü belə görmədiyim
yoldaşım!

Əsirsən mənim yolumda,
yollarımın üstündə
əsirsən,
silib-süpürmək istəyirsən
getdiyim yolu.
Deyirsən, ayaqqabılarım,
şalvarım,
köynəyimin yaxası,
ətəyi, qolu
bulaşmasın.
Ayağıma zərrəcə
zir-zibil dolaşmasın.

Qardaşım!
Yolumda gördüyün
o toz-torpaq,
yar-yarpaq,
boş araq şüşələri,
dibinəcən sümürülmüş
ucuz siqaret kötükləri,
şəklim olan
qəzet qırıntıları,
polisə çağırış vərəqələri,
qırıq qandal tayları,
yağlı çaxırtikanları,
qan damlaları,
canavar tələləri,
quş cələləri,
altı yollarda getmiş
taykeş ayaqqabılar,
vaxtı lap çoxdan bitmiş
qət-təzə sürücülük vəsiqəsi,
pul islahatından xeyli sonra
bir kitabın arasında
bulunan
dəyərsiz, şax,
bir illik çörəyə
yetəcək qədər
ölmüş kağız əsginaslar...
Üstündən iyirmi il ötəndən sonra
əlimə yetən
“hə” cavabı yazılmış
sevgi məktubu -
iyirmi il sonra yoluma sırınan
ayaq izləri...

Süpürmə,- deməyə
dilim gəlmir,
bir daha yoluma çıxmazsan, deyə.
Ama özün bil,
bu sil-süpürdən sonra
məndən zibil də qalmır...

MANERA.AZБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30