manera.az
manera.az

Düz əhdinə, ilqarına aşiqəm - Şeirlər

13-09-2019, 11:00

Düz əhdinə, ilqarına aşiqəm - Şeirlər
Manera.az Mehti Kamiloğlunun şeirlərini təqdim edir:

Ondan

Bu gecəsə gətir, Allah, yuxuma,
Söhbət edək, tutum hal-əhval ondan.
Gətirməsən, heç olmasa, xətrimə
Hər necədir, özün xəbər al ondan.

Xəbər alsan, unudulmayım gərək,
Biləm ki, eşqimlə döyünür ürək,
Sevilirəm yenə də əvvəlkitək
Qəlbiməcə bir rahatlıq sal ondan.

Güc toplayım, dağıdım əngəlləri,
Tez qovuşaq biz məhəbbət dəlləri,
Sığallasın qoy məni yar əlləri,
Yadigardır qurduğum xəyal ondan.

Aşiqəm

Səni niyə sevdiyimi soruşma,
Qaş-gözünə, rüxsarına aşiqəm.
Məndən ötrü doğulduğun o qışın
Soyuğuna, yanvarına aşiqəm.

Yaman açdın bu şairin eynini,
Zəbt elədin ürəyini, beynini.
Lap qızıldan geyin indi əynini,
Mən göyrəngli paltarına aşiqəm.

Nə olsun ki, eşq yandırıb, közüm var,
Sevirəmsə, iradəm var, dözüm var.
Başqasında nə könlüm, nə gözüm var,
Ruhumun öz oxşarına aşiqəm.

Kimdir mənim könlümə yar? Sənsən, sən,
Aləmə qoy edim ki car, sənsən, sən.
İnandığım tək biri var - sənsən, sən,
Düz əhdinə, ilqarına aşiqəm.

O

Çiçəklərin ən gözəli - sevgilim,
Nəfəsimə hopan qoxu onundur.
Necə deyim: "Qızılgülümsən mənim"?
Qulağa xoş isim axı onundur.

Yazılmış o, bu könlümə yar mənim,
Doğulduğu qış mənimdir, qar mənim.
Bilməm, neçə illik ömrüm var mənim,
Nə qalmışsa, azı-çoxu onundur.

Yaranmışam, məhəbbətə dadanım,
Sevgi alovunda elə hey yanım.
Eşq yuxusu... İstəmirəm, oyanım,
Gözlərimi tutan yuxu onundur.Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30