Maya sivilizasiyası niyə məhv oldu? - SƏBƏB » Manera.Az

Maya sivilizasiyası niyə məhv oldu? - SƏBƏB

Tarix:4-08-2018, 18:10 Baxış Sayı:48

Maya sivilizasiyası niyə məhv oldu? - SƏBƏB
Britaniya alimləri Maya sivilizasiyasının məhv olması səbəblərini açıqlayıblar

Kembric Universitetinin alimləri Maya sivilizasiyasının məhv olması səbəblərini açıqlayıblar. Onların fikrincə, Maya mədəniyyətinin yoxa çıxmasına quraqlıq səbəb olub.

MANERA.AZ xarici KİV-ə istinadla xəbər verir ki, tədqiqatçılar bu nəzəriyyənin sübutunu Çiçançanab gölündə tapıblar.

Alimlər Yukatan yarımadasında illik yağıntı miqdarının 41 faizdən 54 faizədək azalmasının qanunauyğunluğunu aşkar ediblər. Qədim sivilizasiyanın məhv olduğu dövrdə bu göstərici 70 faizə çatıb, rütubət isə orta hesabla 7 faiz azalıb. Tədqiqatın rəhbəri Nikolas Evansın fikrincə, təhlil etibarlıdır, çünki sivilizasiyanın məhv olması səbəbləri 1990-cı ildən öyrənilir. Tədqiqatçılar sivilizasiyanın mövcud olduğu 800-1000-ci illər arasında hidroloji şəraitin dəqiq modelini qurublar. Alimlərin fikrincə, güclü quraqlıq məhsuldarlığa təsir göstərib. Maya hindiləri ekstremal şəraitdən sağ çıxa bilməyiblər.

Məlumdur ki, qədim sivilizasiya 4 min il əvvəl mövcud olub. Mayalıların yaşadığı ərazidə hazırda Meksika, Honduras, Beliz və Honduras yerləşir. Alimlər qədim sivilizasiyanın yeni sirlərini açmağa ümid bəsləyirlər. Buna görə də bu ən müəmmalı xalqın bilməcələri üzərində baş sındırmağa davam edəcəklər. Onlar əmindirlər ki, tədqiqatın nəticələrini elm və texnologiyaların inkişafına yönəltmək olar.

Бесплатные шаблоны для 10.5Forex Портал для чайников


XƏBƏR LENTİ