Akif Səmədə həsr olunmuş film təqdim edilib
“Arb Aran” media şirkətinin “Aranfilm” yaradıcılıq mərkəzi “Ölüm nəmənədir” adlı növbəti filmini Qazaxda təqdim edib.
Manera.az xəbər verir ki, film mərhum şair Akif Səmədin 60 illik yubileyinə həsr edilib.
Qazaxın Astanbəyli kəndində dünyaya göz açmış şairin həyat və yaradıcılığından bəhs edən filmin ssenari müəllifi və rejissoru Yeganə Əbdülməmmədova, operatoru Rafiq Əliyev, prodüseri Nicat Məmmədov, bədii rəhbəri Tahir Tahiroviç, baş prodüseri İqbal Məmmədəliyevdir.
Filmin ideya müəllifi şairin dostu rəssam Nəvai Metindir.
MANERA.AZ